1# Harei kabroi (7/12), di jabat Rajaei, Thủ tướng Nguyễn Xuân Phúc taduan raok ong Thẩm Thiên Tinh, urang dang akaok  Tập đoàn Giai Nguyên (Hồng Công - Trung Quốc). Thủ tướng ndom lac, Rajaei Việt Nam tuk halei jeng ba mbuan lagaih ka dom doanh nghiệp taneh ia lingiu buh jien tame ngak mbang di Việt Nam, dalam nan hu dom urang đầu tư Hồng Công, Trung Quốc. Tập đoàn meda hu mbaok tame cổ phần hoá dom doanh nghiệp karja di Việt Nam. Thủ tướng jeng pok meyaom Tập đoàn khin buh jien tame ngak dom gah yau thành phố thông minh, đô thị hijao di Việt Nam.

    2  # Kapul pasang iek  di Hội đồng bangsa di  Quốc hội kayua Phó Chủ tịch Thường trực Hội đồng bangsa Nguyễn Lâm Thành ngak akaok kapul,  harei 7/12,  hu ngak bruk di tỉnh Bình Phước ka bruk urang di cư  di tỉnh. Phó Chủ tịch Thường trực Hội đồng bangsa  hu panuac pandar tuk vak tal tỉnh Bình Phước langayah dom bruk pagam tal meblah mek taneh rij, khik caga glai, peih ngak siam bruk pato pakai.

3# Cục Pacang caga  HIV/AIDS (Mintri Y tế) brei thaut: dalam 2 thun 2016- 2017, dalam negar hu labaih 100 ribau menuac tame dut iek tapa xét nghiệm lưu động, dut iek không chuyên saong eng drei dut iek, dalam nan, jaik 4 riabu urang  dương tính haong HIV. Tapa nan mboh lac, bruk dut iek hu daong pabak ka bruk daok pamaong ngak lac, duah mboh 9% urang njom HIV di thun 2020.  

4 # Mintri Công thương bahrau peih mbang ginum biai ka bruk “ Jhul pakhang peih ngak bruk  Nhiên liệu sinh học” piah ngak tui bruk lai srau nhiên liệu sinh học song nhiên liệu meng kan di rajaei. Tal tuk vak ni, meda lac, dom doanh nghiệp daok caga siam ka bruk pablei salih  xăng sinh học E5 RON92 dalam negar. Sang macngak Cồn Tùng Lâm ndom lac, gam song dom sang mac sản xuất E100 dok ngak jaik bloh, bruk pabak E100 piah  ngak xăng E5 lac oh kan kandah hagait . Bruk dok veik lac patagok pathau khan piah ka urang pandar palih ruah xăng E5.

 5#Pasak pacang caga HIV/AIDS tỉnh Thừa Thiên - Huế brei thau,, tỉnh daok daong ka urang njom HIV blei bảo hiểm y tế, daong ka dom urang nan hu iek ruak mbuan lagaih, patrun yaom jien iek ruak dalam tuk dom kapul nyaom dunya cakak  bruk daong di thun 2018. Bruk iek ruak meng jru pacang vi rút ARV ka urang ruak HIV kayua bảo hiểm y tế bayar jien. Tui kuhria, sa urang njom HIV hu thẻ bảo hiểm y tế tuk iek ruak meng jru ARV oh njauk bayar meng 6 triệu -13 triệu đồng sa urang sa thun jien jru saong dom xét nghiệm, jru nhiễm trùng.

  6 # Ban Nội chính Tỉnh ủy Gia Lai bahrau alin brei 10 triệu đồng ka sa urang brei thau ka bruk tham nhũng. Urang ni hu khan brei thau bruk ja chữ ký  song tham ô drap ar  di muk Vũ Thị Thu Thủy, dahlau deih ngak Thủ quỹ, gam Văn thư Ubbhap bini huyện song HĐND huyện Đăk Pơ, tỉnh Gia Lai.  

7# Dalam mbang nyaom brei tapa Sarak ka dom bruk  ngak di rilo gah harei  7/12, mbang nyaom ka 6 HĐND TPHCM khóa 9 njauk hatai brei buh tabiak 380 tỷ đồng meng kadung jien karja daong ka labaih 1 riabu urang jakar padeih hưu dahlau umo piah tinh giản biên chế.

Patui di ni dom khau tin dunya

 8    #Harei kabroi 7/12, Quốc hội Campuchia hu panuac taduan lac đại biểu ka 16 nghị sỹ bahrau song njauk hatai  pok ngak Phó Chủ tịch song 2 urang Ủy ban Bầu cử Quốc gia (NEC) bahrau, salih ka  3 urang  NEC bahrau padeih ngak jiak di ni.

9# Pasak tui iek bruk megei baoh taneh Trung Quốc brei thau, harei 7/12, sa mbang megei baoh taneh khang 5,2 độ Richter rah tabiak di khu tự trị Duy Ngô Nhĩ Tân Cương, Tây Bắc Trung Quốc.  Jeng dalam harei nan, gah tui iek địa chất Mỹ (USGS) brei thau, sa mbang megei baoh taneh khang 5,3 độ Richter jeng rah tabiak di Pakistan. Dahlau di nan, sa mbang megei baoh taneh khang 5,1 độ Richter rah tabiak dii Ấn Độ melam 6/12. Urak ini, oh ka thau khut khat saong metai lihik meng dom mbang megei baoh taneh nan.

10 #   Di ban ine Nai-rô-bi di Kê-ni-a, dom urang lambaok ka labaih 200 negar di dunya hu mbaoh tangin tame Sarak di Liên hợp quốc ka bruk tah klak ô nhiễm hareik harom  di angaok tasik  . Danak  Môi trường Liên hợp quốc (UNEP) – jabat peih hội nghị brei thau, meyah bruk nerak urak ni  dok hu ye tal thun  2050, tui kuhria hu labaih 8 triệu tấn klaok katak, bao bì song song chất thải karei tuh tame tasik yaok thun ngak metai  sinh vật tasik  saong njom tame pandap mbang di menuac sia./.