1# Hu daong pajaih, phun jien, ilamu kỹ thuật, khak drak, jru khik caga phun pala, 4 thun tapa, hu 4.108 ang kathaot di 3 huyện: Đăk Glei, Tu Mơ Rông saong Kon Plông  di tỉnh Kon Tum pala hu labaih 1.000ha cà phê tea Arabica. Bilan cà phê meng bloh, 130 ha cà phê paik hu yaok ha meng 10- 12 tấn baoh that; labaih 230 ha pala hu 3 thun jeng paihk hu baoh, hu meng 5- 7 tấn sa ha, daong ka bhap bini patagok kinh tế, patrun kathaot khang kajap.

2 # Labaih 5 thun  padang tabiak, kadung jien dong ka urang tong ikan  tỉnh Quảng Ngãi jak ba hu jiak 100 tỷ đồng meng dom kapul nyaom menuac urang , urang ngak pahla. Hu labaih  400 po kapan, urang tong ikan gaok bala di angaok tasikhu kadung jien dong chip. Urak ni, Kadung jien hu dong phun jien  ka urang tong ikan padang ngak bahrau 20 kapan ikan kanduh kayau, 5 kapan kanduh pasei. Ong Nguyễn Xuân Huế, Akaok Hội đồng khik ramik kadung jien dong ka urang tong ikan tỉnh Quảng Ngãi brei thau, tong abih dom po kapan hu dong nan yam tapa kan kandah , blei pandap panda tong chap ikan piah tabiak tasik tong chap.

3# Piah pabak ka bruk blei pandar tuk Tết Mậu Tuất anak tal, dom doanh nghiệp di ban raya HCM hu caga pandap yaom labaih 17 ribau 800 tỷ đồng, rilo jang 4% dut saong tết Nguyên đán thun bloh, dalam nan, pandap khik tani tanat yaom kaom lac labaih 7 ribau tỷ đồng. Ban raya jeng hu peih 1.600 labik pablei pandap khik tani tanat yaom kaom saong 1.500 mbang  khuyến mãi.

4 # Bilan padai 2017-2018, dalam tỉnh Tây Ninh hu labaih 1.200 urang nong tut angan tame ngak tui  mô hình pambuak 4 sang, tam drak tui jalan VietGAP song mblang hamu padai prong di angaok taneh  2.000 ha di dom labik pala padai prong di  tỉnh. Bruk pala padai tui mô hình pambuak  4 sang , tam drak tui jalan VietGAP song mblang hamu padai prong mek hu sản lượng biak siam, tui kuhria meng 60 - 70 tạ/ha, glong jang năng suất kuhria rah tapa dalam tỉnh Tây Ninh meng 10-20 tạ/ha.

5# Dalam thun bloh, kinh tế di tỉnh Bà Rịa-Vũng Tàu tagok hu 7,1% rilo jang 0,3% dut saong bruk ba tabiak. Taong abih dom chỉ tiêu gah kinh tế jeng glaong jang bruk ba tbaiak, jien mek tame kadung jien karja hu 72 ribau tỷ, dang ka 3 dut aong taneh ia saong mbang akaok meti jien mek tame meng pandap ngak dalam tỉnh di Bà Rịa-Vũng Tàu hu rilo jang jen mek tame meng gah ngak menyek. Thun 2018, piah hu kinh tế khang kajap, tỉnh Bà Rịa-Vũng Tàu meda padang nền kinh tế oh pagam pambak tame gah menyek, pataom tame jhul khang 5 gah kinh tế lac ngak kong, pabah lamnge, Logistic, Du lịch saong ngak nong kong nghe glaong. 

Patui id ni dom khau tin dunya

6 # Harei kabroi  ( 7/1), Dăm-bi-a tabiak bruk giới nghiêm di dom ban sit dalam ban ine  Lu-xa-ca (Lusaka) kayua jit aik chraoh. Jit ruak ni ngak ka 58 urang metai  meng di bilan 9 thun bloh. Mintri  Y tế Dăm-bi-a brei thau, bruk giới nghiêm hu peih ngak meng  6 tuk melam  tal 6 tuk mesup harei hadei hu ba tabiak di ban Can-a-ma  (Kanyama). Ban ni hu labaih  370 ribau menuac urang. Bruk giới nghiêm hu ba tabiak  di Can-a-ma lac kayua ban ni hu urang metai kayua jit aik chraoh glong di abih song bruk  ngak tui dom jalan pacang caga ruak di mintri Y tế Dăm-bi-a dok suai damuai .

7# Gah khik caga Li-bi brei thau lac, daong hu takik di abih 250 menuac di cư lingiu takai tasik Li-bi hadei di tuk 2 sruh kapal pajeng dom urang nan khut jamriak. Dalam dom urang di cư hu daong nan, hu gam kumei saong uraniah. Min gah khik caga takai tasik Li-bi jeng brei thau, takik di nyu hu 2 urang metai tuk sa sruh ghe pajeng dom urang nan tableik kayua pajeng trak, ngak ka yaok pluh urang lihik. Dom urang di cư nan mai meng dom taneh ia yau:  Ni-giê-ri-a, Nam Phi, Mali, Gha-na, Tô-gô…

8 #  Sa bruk duah thau hatai sahneng di menuac sia bahrau ini brei mboh lac labaih ¾ urang  Hàn Quốc pachreih tui bruk Triều Tiên hu mbaok  tame Thế vận hội bilan liar  Pi-âng Chang (PyeongChang) jiak rah tabiak. Hàn Quốc lac po sang  Thế vận hội bilan liar rah tabiak  di  Pi-ang Chang- labik atah di ban ine  Xơ-un nao gah timun labaih  180 ki-lô-mét meng harei  9 tal harei  25/2. Thế vận hội urang jaoh jo (Paralympics) hu rah tabiak meng harei  9 tal harei  18/3././.