1** Biar harei 7/5, di jabat Rajaei, Thủ tướng Nguyễn Xuân Phúc dang tabiak ngak bruk haong 6 tỉnh lac Hà Giang, Lào Cai, Yên Bái, Điện Biên, Lai Châu, Sơn La kaề Dự án Ppatagok palei pala lagaih haong bala meng lingik tasik. Dự án u phun jien abih tih lac 129,5 triệu USD (jaik 2.900 tỷ đồng), dalam nan rilo meng mesraiy di negar lingiu (tui kuhria lac mesraiy meng jabat pambuak bruk dunya Japon – JICA), daok veik lac phun jien đối ứng di Việt Nam labaih 538 tỷ đồng.

2**  Nyaom biai Ban chấp hành Trung ương Đảng mbang ka 7 dok pataom tame ginum biai, ba tabiak rilo jalan ngak prong. Tui  Tiến sỹ Nguyễn Việt Hùng, Trưởng khoa Xây dựng Đảng song  Tư tưởng Hồ Chí Minh, Học viện urang jakar ban raya HCM: Bruk nyaom biai Trung ương ka 7 (Khóa 12) hu ginum biai ka danak dak  padang kapul urang jakar dom pakat , abih di nyu nan lac urang jarka  pakat  chiến lược ginup pren khang, ilamu song hu angan je samu song bruk ngak lac bruk njauk ngak dalam tuk vak ni , bruk urang jakar lac makna di yaok makna  jeng atau oh di khol drei. Tui hulin bruk  meng bloh khol drei langyah  xử lý ralo urang jakar, dalam nan hu oh takik urang jakar pakat glong brei mboh hatai khang, oh hu labik halei cakak hu, oh hu bruk ngak hagait bo oh langyah xử lý, meyah lac urang jakar, urang đảng yaom lac ngak bruk hagait…ngak suan hukum di , Đảng, ngak suan adat hukum di karja .

3**  Mintri ngak nong saong patagok palei pala bahrau tabiak bruk pandar nhãn hiệu chứng nhận quốc gia GẠO VIỆT NAM/VIETNAM RICE. Bruk pandar nhãn hiệu ini piah yaih khan pandap, khik ramik angan je, padang hatai jia ka urang blei mbang, paglaong brk meriak gauk ka brah Việt Nam angaok darak pasar dalam taneh ia saong lingiu dunya.

4 **  Piah  caga langik pandiak thu , dom thun jiak di ni, rilo boh sang urang ngak nong di tỉnh Ninh Thuận hu buh jien tabiak pandar công nghệ pruh ia patak pataom di dom janih phun pala krei krei piah dong langyah bruk kurang ia dalam bruk pala dalam bilan pandiak bhang. Tuk vak anak tal, tỉnh Ninh Thuận brei hu sarak pachreih ba, dong phun jien song ngak jalan pruh ia patak pataom. Tapen di nan,  dom  đơn vị pabak vật tư, jamriak pruh ia patak pataom, njauk pataogk bruk tacei pato, dong ba song salih công nghệ ngak hệ thống.

5**  Urak ini, tỉnh Kiên Giang hu labaih 4.800 hecta padai Hè Thu njauk ruak vàng lùn, lùn xoắn lá . Piah trun tal tanut biar di abih dom khat lihik,  Sở Ngak nong saong patagok palei pala tỉnh Kiên Giang hu tacei Chi cục pala drak saong khik caga phun pala tỉnh Kiên Giang pambuak bruk haong gah chức năng, dom huyện,  abih di nyu nan lac dom palei hu padai njom ruak, peih dom jalan ngak samu gauk piah pacang caga saong langyah ruak hu siam lagaih, pacang cakak oh caik ka jit ruak pambak praong.

Patui di ni dom khau tin dunya:

6 ** Beir harei 7/5, Tổng thống Nga Vladimir Putin hu tagok ngak Tổng thống Liên bang Nga mbang barhau 2018-2024 song jeng lac mbang ka 4 di ong. Dalam var lễ hu peih ngak prong prang  di  Điện Kremlin di ban ine  Moscow. Brei panuac hadei di tuk  tuyên thệ, urang dang akaok negar  Nga ndom lac tuk tagok ngak  Tổng thống, ong sahaneng lac bruk ngak ni biak prong anak bhap bini song taneh ia  Nga. Ong lac  bruk ngak song makna di rai duik drei lac ngak tong abih kayua siam mekre sron mbon song ka harei hadei ginup meda di negar Nga.
7** Dalam mbang nyaom akaok bilan 5, Hội đồng Sarak Brah negar Thái Lan kayua Thủ tướng Prayut Chan-o-cha (Pray-út Chan-ô-cha) ngak chủ tịch hu brei tapa bruk brei mesraiy ngak gilang brah piah khik tai tanat yaom kaom saong daong bruk pablei brah tabiak negar lingiu. Pok jien brei mesraiy ini labiah 55 triệu USD brei ka urang ngak nong saong doanh nghiệp padang dom gilang brah piah khik siam brah, oh pablei tabiak darak pasar tuk tame bilan yuak piah khik tani tanat yaom pablei.

8 **  Bol lin  Mỹ song  Phi-líp-pin harei ni peih bruk pasram  haong gauk yaok thun hu angan ieu lac  “Vai kề vai 2018" (Balikatan), tui kuhria dui atah tal abih harei  18/5 anak tal. Bruk ngak prong di mbang pasram lac tagok ilamu dalam mbang mesruh pacang chủ nghĩa khủng bố, dong ngak pahla song dong duah urang gaok bala. Ni lac bruk ngak hu rah tabiak yaok thun tui  Hiệp ước Phòng thủ chung hu mbaoh tangin meng 70 thun dahlau di 2 negar./.