1#  melam kabroi 7/6, Thủ tướng rajaei Nguyễn Xuân Phúc saong kapul pakat glaong Việt Nam tabiak truh ban ine Hà Nội, tagok jalan nao tal ban Qui-bếch (Quebec), hu mbaok tame nyaom biai Thượng đỉnh G7 peih praong saong ravang Canađa meng harei 8-10/6/2018 tui panuac daa di Thủ tướng Canađa Giắt-xtin Tru-đô (Justin Trudeau). Ngan saong mbang ka dua hu daa nao hu mbaok dalam nyaom biai thượng đỉnh G7, Việt Nam brei mboh lac taneh ia hu angan je di dunya, hu năng lực dalam bruk ba tabiak dom jalan ngak, jalan sahneng piah langyah ralo bruk di dunya, dalam nan hu bruk caga biến đổi khí hậu bo Việt Nam daok sangka.

2  # Pahadar  70 thun harei  Chủ tịch Hồ Chí Minh tabiak panuac ieu pakacah gauk anit ranam taneh ia (11/06/1948-11/06/2018), mesup  8/6, di Hà Nội hu rah tabiak  Hội thảo ilamu  pakat negar hu angan  “Panuac ieu pakacah gauk  anit ranam taneh ia di  Chủ tịch Hồ Chí Minh – Yaom glaong  lý luận song  thực tiễn ngan song bruk pakacah gauk anit ranam taneh ia urak ni". Hội thảo kayua Học viện Chính trị pakat negar  Hồ Chí Minh dang akaok, pambuak bruk song  Ban Tuyên giáo Trung ương song Ban Thi đua - Khen thưởng Trung ương peih ngak. 70  thun tapa, panuac ieu ka hatai ranam taneh ia, hatai pakacah gauk anit ranam taneh ia di Chủ tịch Hồ Chí Minhjeng dok tamo  bruk  lý luận song thực tiễn ngan song bruk anit ranam taneh ia urak ni jeng sa panuac ieu, pachreih yaok triệu boh hatai di urang  Việt Nam jum pataom gauk, sa hatung hatai khik ramik độc lập di bangsa , dak padang taneh ia palei negar .

3# Pambuak tal bruk doanh nghiệp patuh mìn yah ceik ngak jhak tal urang bhapbini, harei kabroi (7/6), Sở Tài nguyên saong Môi trường tỉnh Quảng Bình peih bruk xử phạt,  pandar po doanh nghiệp dang tabiak likau am pul urang bhapbini xã Tiến Hóa, huyện Tuyên Hóa.   Ông Phan Xuân Hào, akaok Chi cục khik caga alam môi trường, Sở Tài nguyên saong Môi trường tỉnh Quảng Bình brei thau, Xí nghiệp sản xuất vật liệu xây dựng Cosevco 12 hu dom bruk ngak suam tuk patuh mìn yah ceik ngak dhur mun par tabiak alam moi truong tabhia, ngak jhak tal raidiuk di urang bhapbini. Chi cục khik caga alam môi trường tỉnh Quảng Bình tabaik quyết định xử phạt 20 triệu đồng, tabhia nan pandar po doanh nghiệp drah samal ramik pasiam dom bruk ngak suan tuk patuh mìn angaok ceik.

        4 # Di huyện Buôn Đôn, tỉnh Dak Lak bahrau hu sa urang dương tính song  cúm A (H1N1). Urang ruak lac saai  Lê Thị Kim T., menek thun  1977dok di  xã Cuôr Knia, huyện Buôn Đôn. Harei  31-5, urang ruak nan. tame iek ruak phụ khoa di sang iek ruak Từ Dũ (ban raya  Hồ Chí Minh). Harei 2-6, urang ruak mai veik sang daok di  Dak Lak. Min, dalam tuk vak daok di sang iek ruak  Từ Dũ, urang ruak hu taom gaok urang njom  cúm A (H1N1) nan ye hu duh iek darah. Bác sĩ Phạm Văn Lào, Akaok pasak  Y tế dự phòng tỉnh Dak Lak brei thau, hadei di tuk thau hu bruk nan , đơn vị peih bruk pasang iek urang ruak , brei  jru hóa chất xử lý môi trường di sang urang ruak. Saong hu mek drah dut iek ngan song dom urang taom gaok urang ruak.  

    5# Anak tabung glaong bilan du lịch hè thun 2018, bruk ngak di "cò" du lịch di ban sit Đà Lạt (Lâm Đồng) daok tamuh veik. Piah khik caga bruk an ninh trật tự saong an toàn ka tuai damuai, dom gah chức năng di ban sit Đà Lạt daok jhul khang bruk pasang iek saong xử lý. Tukvak tapa, Công an ban sit Đà Lạt (Lâm Đồng) hu mek khik, xử lý saong phạt jien jaik 60 triệu đồng di labaih 60 urang.

  Patui di ni dom khau tin dunya:

6 # Ngoại trưởng Xinh-ga-po Vi-vi-an Ba-la-crít-xnan (Vivian Balakrishnan) dalam harei  7/6 tal  Bình Nhưỡng, dom harei dahlau di tuk  Xinh-ga-po sa negar po sang peih bruk taom gaok pakat glong Mỹ-Triều. Ngoại trưởng Ba-la-crít-xnan hu var taom gaok Ngoại trưởng Triều Tiên Ri I-âng Hô (Ri Yong Ho) song  akaok  Quốc hội Kim Châng Nam ( Kim Yong Nam) dalam mbang rivang  2 harei  di Bình Nhưỡng. Tổng thống Mỹ Đô-nan Trăm song urang dang akaok Triều Tiên tui kuhria hu peih bruk taom gaok dak rai di  Xinh-ga-po harei 12/6.

7# Rajaei Ấn Độ barau njauk hatai brei 1,5 tỷ đôla Mỹ ka danakdak không gian vũ trụ saong ini hu maong lac jalan nao praong piah trun takik bruk pambak tame dom trạm không gian taneh ia lingiu tuk phóng dom vệ tinh trak. Tui nan, Nội các Ấn Độ njauk hatai peih 10 vụ phóng tên lửa GSLV Mk 3  dalam 4 thun tal. Tên lửa GSLV Mk 3 meda ba sa vệ tinh trak  4 tấn par tame quỹ đạo Trái Đất. Giám đốc Tổ chức roh duah không gian vũ trụ Ấn Độ Si-van (Sivan) ieu quyết định di rajaei lac tukvak praong di gah kapal haok vũ trụ Ấn Độ.  

8 # Takik di abih  46 urang di cư metai palung ia  tuk nao tasik  meng châu Phi tal Yê-men v song vùng Vịnh duah bruk ngak harei  6/6. Tui Gah  di cư dunya hu takik di abih  100 urang  di cư angaok kapan di kol ba menuac vượt biên. Kapan ni tabiak truh  cảng Bô-xa-xô (Bossaso), Xô-ma-li  harei  5/6. Hadei di tuk tapa  vịnh A-đen tuk mesup  6/6 njauk riyak tong kram. Dalam dom urang metai hu 37 urang likei song 9 kamei. Urak ni, dok 16 urang lihik . Gah  di cư dunya brei thau, menuac di drei hu mbaok pak nan piah dong ka dom urang njauk rambuac ./