1./Harei 7/12, dalam mbang nyaom di Uỷ ban dom rajaei Công ước 2003 ka khik caga inem krung ilamu phi vật thể mbang 12 di UNESCO rah tabiak di Jeju, Hàn Quốc, Nghệ thuật Bài Chòi Trung Bộ Việt Nam hu UNESCO ba tame angan inem krung ilamu phi vật thể lambaok ka menuac sia dunya. Tapa nan, brei mboh ilamu hadah krah di bangsa Việt Nam, bruk pambuak gauk di bhap bini, paglaong bruk iek praong dom ilamu.

2 # Liên minh Hợp tác xã tỉnh Đắk Nông brei thau, đơn vị dok peih ngak danak dak  tuak tem brei thau ka asar di nyu kaya nong di dom  Hợp tác xã dok dalam tỉnh. Urak ni 5 pandap kaya nong hu pren khang di  tỉnh hu peih ngak iek lac: cà phê tabung  nguyên chất, asar am riak kalu, mắc ca, chanh dây, song tinh dầu meng boh gấc.

3./ Công ty Cổ Phần Vacxin Việt Nam bahrau peih pasak klauk vắc xin (VNVC) di labik 198 Hoàng Văn Thụ, quận Phú Nhuận, TPHCM. Ini lac pasak klauk jru ka 2, hadei di pasak Hà Nội, hu padang ngak praong abih dalam taneh ia, meda klauk jru hu ka labaih 2 ribau 500 urang yaok harei.

4 # Meng akaok thun tal ni , dom jabat  chức năng tỉnh Đắk Lắk hu duah mboh song xử lý  labaih 1  ribau mbang ngak suan hukum glai  (trun labaih 13% dut song thun  2016). Min, tanut, tính chất, bruk ngak suan di dom mbang nan hu trak jang. Tapa pasang iek di labik,  dom  đơn vị chức năng yaok hu  126 lóng kayau, kayau paoap  di nyaom III tal nyaom VIII, song  khối lượng labaih  45 mét khối. bhap bini tỉnh Đắk Lắk hu tacei ba ka dom dom  đơn vị chức năng samar tui iek , xử lý nghiêm dom mbang tah glai, lih mek taneh glai suan adat piah pacang cakak dom urang hu  hành vi xâm hại tal glai , taneh glai. 

5./Dom thun tapa, tỉnh bhum ceik  Bắc Kạn sangka patagok bruk bac dalam bhap bini, padang saong patagok bruk bhian randap, takre bac dalam bhap bini. Min bruk urang bangsa bac dom ấn phẩm in, sách báo di dom gilang tapuk jeng daok hu takik. Bắc Kạn ba tabiak bruk lac tal thun 2020, hu 80% anek saih, sinh viên saong urang bac di dom labik pato pakai hu thau saong pandar dom thông tin di dom gilang tapuk di dom labik pato pakai, ilamu,khoa học.

 6  # Bilan 12 ni, Palei ilamu – Du lịch dom bangsa  Việt Nam hu peih dom bruk hu angan sẽ “Pandap mbang bingi bhum palei” piah yaih khan, pok meyaom dom janih ilamu mbang huak, rija roya adat cambat ilamu meng kan dom bangsa. Kadha ngak di bilan 12 lac “ Darak pasa bhum glong akaok thun bahrau” ndung mbak sambao màu di dom bangsa bhumTây Bắc, Đông Bắc.  Meng dom janih pandap mbang yau thắng cố, mèn mén, nduik 7 sambo , menuk am cuh  bangsa, pabui am, taneh alak tangei urang Mông, ikan am, ia bai vón vén…

7./ Giải vô địch đấu kiếm trẻ pakat negar mbang ka III thun 2017 daok rah tabiak di sang pakacah thể dục thể thao tỉnh Hải Dương, hu mbaok labaih 100 vận động viên. Dom vận động viên meblah 18 bộ medai ka dom janih pacah kiếm, hu kapul kumei umo 17 saong kapul umo 20 thun.

Patui di ni dom khau tin dunya:

8 # Khau tin Thái Lan harei 7/12 ba panuac di Phó Thủ tướng gam ngak  akaok mintri Quốc phòng, Đại tướng Pra-vít Vông-xụ-văn ndom lac bruk rajaei  quân sự negar ni hu patui ngak lệnh cấm dom bruk chính trị hu dui atah  luac labaih  3 thun tapa. Pok panuac song  harak mbao, Tướng Prawit ndom lac rajaei oh ka ginum biai bruk ni song rup eng di ong oh ka mong tal tuk halei piah tah klak  lệnh cấm ni.

9./Pathau khan di mintri sang daok saong patagok đô thị Mỹ brei thau, urang oh hu sang danaok di taneh ia Mỹ tagok mbang akaok meti kuhria meng thun 2010.Tui pathau khan bahrau hu ba tabiak, dalam taneh ia Mỹ hu 554 ribau urang oh hu sang danaok, labik daok. Tapa nan mboh lac, hu 193 ribau urang oh hu labik ndih tuk melam saong urang njauk ndih di lingiu jalan, ndih dalam radaih ô tô atau lều tạm...

10 # Tui pathau khan di  Kapul  Lương Nông Liên hợp quốc (FAO), oh kuhira lượng cung padai brah di dunya, langik pandiak, ia sua song bruk mesruh metak dui atah di dom labik patagok hu rah tabiak bruk  mất an ninh lương thực. Pathau khan "Bruk padai brah song cong khin ka bilan thun " di  FAO brei thau hu labaih 37 negar  - dalam nan hu  29 negar châu Phi – brei hu bruk dong ba padai brah meng gah langiu.