1** Bruk urang jakar di nyaom biai mbang ka 7 di Ban chấp hành Trung ương Đảng biak hu urang jakar, urang đảng saong bhap bini tỉnh Tiền Giang biak caik hatai sangka. Ong Trần Trung Tín, Phó Chủ tịch Kapul urang dahlau daih ngak bol lin tỉnh Tiền Giang brei thau, bruk pan akaok, khik ramik, paglaong chất lượng urang jakar dom pakat, abih di nyu nan lac urang jakar pakat chiến lược tukvak jaik di ini hu Đảng- Karja sangka. Min bruk quy hoạch, pato pakai, pok ngak, panduan salih labik ngak jeng daok hu dom cuang kandah, tavak tavaiy, oh la lagaih. Hu dom urang jakar oh ka ginup ilamu, oh ka samu haong bruk ngak, gaok mai oh siam gah phẩm chất, đạo đức saong ngak suan adat hukum.

2 **  Lào Cai urak ni hu labaih 1.400 urang hu angan je di dom puk palei dalam , tỉnh, lambaok ka 25 bangsa dok dalam tỉnh. Kapul urang hu angan je dok dalam tỉnh kham pathau khan jak ba bhap bini padang ngak cơ sở hạ tầng tui jalan  “Karja song bhap bini ba gauk ngak”; dong gauk ngak kinh tế, patruh iek patrun kathaot, hu mbaok tame  padang ngak palei pala bahrau. Tapa nan, rilo bhap bini halan hatain rik dong, hu mbaok tame bruk brei tane, dong harei ngak bruk, piah peih prong dom jalan mbak palei pala song dom danak dak karei karei. 

3** Tui Chi cục Kiểm lâm Lâm Đồng, meng akaok thun tal ini, dalam tỉnh hu labaih 270 bruk ngak suan hukum khik caga saong patagok glai, takik jang 25% duk saong dom bilan ini thun dahlau. Min glai njauk palai pajoa samar jang, hu 20 hecta jah tak klaak abih, khat lihik 1000 mét khối kayau. Piah pasaim bruk jah tak glai, lingiu bruk nao khik iek, ye bruk langyah dom urang ngak suan njauk ngak catang jang, abih di nyu nan lac di dom dự án pah taneh pah glai.

4 ** Tuk vak ni, urang nong  Đak Lak dok paik asar paaok blait . Dalam tuk nan dom pandap kaya nong karei dok trun yaom dui ata, ye asar paoak blait hu yaom, ba mai kein laba song yaom pablei urak ni labaih  40 ribau đồng/sa kg. Dalam tỉnh urak ni hu labaih  23.000 héc ta paoak blait, dalam nan hu jiak  2.400 héc ta pala bahrau dok veik hu paik bloh. Năng suất mek hu labaih 2,5- 3 tấn/ hec ta. Dom huyện hu taneh pala paoak blait prong nan lac  Ea H’Leo, Ea Súp, EaKar song  Cư M’gar. Hu năng suất song yaom glong yau urak ni dong ka urang nong duah hu jien rilo. 

5** Đồn Biên phòng Cửa khẩu Cảng Dương Đông, huyện Phú Quốc bahrau mboh sa sruh kapan ikan oh hu số hiệu daok pajeng 6.000 pok pakao nhập lậu, dalam nan ralo meng lac pakao Hero. Po kapan lac Nguyễn Tấn Dũng, ndih tapui thun 1978, daok di khu  phố 6 ban sit Dương Đông khan lac blei pakao lậu nan di sa urang daok di xã Hòn Thơm huyện Phú Quốc. Đồn Biên phòng Cửa khẩu Cảng Dương Đông hu ngak harak bruk nan jao ka Công an huyện Phú Quốc  langyah tui adat hukum.

Patui di ni dom khau tin dunya:

             6 **  Brei panuac di var họp báo, urang brei panuac  Mintri Ngoại giao Trung Quốc Cảnh Sảng lac: Bruk ginum biai ka  thỏa thuận hạt nhân di  P5+1 song Iran dalam tuk yau urak ni hu kein laba ka bruk khik ramik oh phổ biến vũ khí hạt nhân song jhul pakhang bruk sron mbon tani tanat bhum  Trung đông. Trung Quốc hu kaka kajap song dom gah pagam tal piah hu panuac sinya peih bruk thỏa thuận hạt nhân song  Iran.” Panuac di Trung Quốc ba tabiak hadei di tuk Tổng thống Mỹ Đô-nan Trăm (Donald Trump) hu panuac lac meda tabiak truh  thỏa thuận hạt nhân ini ngan  song makna lac  thỏa thuận hu rilo tavak tavaiy.

          7** Brei panuac anak dom urang vak, ong Pê-xcốp (Dmitry Peskov), urang brei panuac di Văn phòng Tổng thống Nga ndom lac, meda hu dom bruk jhak oh plaih hu ngan saong bruk ngak halei piah ngak tayah thỏa thuận này". Ong Đô-nan Trăm daok kuhria ba tabiak quyết định di harei 12/5 ka bruk Mỹ meda tabiak truh thỏa thuận hạt nhân halei oh. Dom gah hu mbaoh tangin tame jeng hu panuac ieu Tổng thống Đô-nan Trăm khik veik thỏa thuận ini. 

8 ** Triều Tiên jiak di ni hu ba tabiak đề xuất tal Gah Hàng không dân dụng dunya  (ICAO), padang ngak jalan par tal dom negar ka  3, pambuak pagam bhum pathua khan par ( FIR) di  Bình Nhưỡng song ban pambah lamnge  gah timun In-chê-on (Incheon) di Hàn Quốc. Mintri taneh riya , Hạ tầng  song pajeng ba  Hàn Quốc brei thau  dok pasang iek  đề xuất di Triều Tiên peih dom mbang par dunya bahrau tapa không phận negar ni . Ni hu mong lac sa jalan ngak piah peih prong talei pambuak bruk ngoại giao song klah rabha ilamu  Triều Tiên song gah lingiu dunya