1#  Harei 24/11, di sang QH, Phó Chủ tịch thường trực Quốc hội Tòng Thị Phóng taduan kapul urang hu angan je dalam bhap bini bangsa takik tỉnh Cao Bằng. Pok meyaom tỉnh Cao Bằng hu patabiak chỉ thị karei ka bruk bangsa, brei mboh bruk sangka di dom pakat ủy, karja ngan song rai duik di mik va bangsa takik dalam tỉnh, Phó Chủ tịch Thường trực Quốc hội  hu panuac pandar Cao Bằng ngak brei pambak praong urang naih gheih dalam mik va bangsa takik, saong hu rilo bruk ngak jang piah iek glang rai duik mbang ngui daok dang ka mik va bangsa takik dalam tỉnh.

2/ UB bhap bini tỉnh Nghệ An hu parabha jaik 928 tấn brah daong anek saih bhum ceik saong bangsa dalam tỉnh. Labaih 928 tấn brah hu parabha ka anek saih di 12 huyện bhum ceik, anek saih bangsa takik di bhum kinh tế XH biak kan kandah pandar dalam 3 bilan daok veik dalam học kỳ I, thun bac 2016 – 2017.

3#/ Kapul urang QH tỉnh Bình Thuận taom gaok cử tri piah pathau khan dom bruk di mbang nyaom ka 2, QH mbang 14. Di labik taom gaok di xã Phong Nẫm, ban Phan Thiết, cử tri ndom lac : brei langyah catang dom bruk tham nhũng hu pok jien prong, daok ngak pandik hatai bhap bini. Cử tri brei thau lac jiak di ni, di tỉnh Bình Thuận  hu bruk pablei salih đa cấp, vé số điện toán, dom bruk main mbia, cong khin jabat khik ramik karja brei samar khik eik catang piah klah khat lihik ka bhap bini

4/ Barau ini, di pasak nyaom meyai tỉnh Đắc Nông, Ủy ban bhap bini tỉnh Đắc Nông peih danak dak truyền hình tapak diễn đàn “patagok dom yaom glaong ameraih kalu khang kajap dalam tukvak mbeik drei tame”. Var tọa đàm piah klah rabha bruk sản xuất, bruk chế biến, khik mepiah hadei thu hoạch di urang pala ameraih kalu; ndom biai ka patagok dom yaom glaong ameraih kalu  khang kajap di tỉnh dalam tukvak mbeik drei tame; pabak bruk blei tame  saong ilamu pala drak, bruk khik iek karja, chế biến, khik ramik hadei thu hoạch, drak pasar pablei ameraih kalu saong pambuak bruk daong meraiy phun jien tui jalan pambuak bruk 3 gah “Gilang pariak – doanh nghiệp – urang nông”.

    5#/ Sa kapan ikan gam song 11 urang tong ikan tỉnh Quảng Ngãi khut jamriak  seik angaok tasik. Jabat chức năng duah jalan pagam song dom po kapan tong chap ikan jiak di nan mai dong duah. Kapan tong ikan gaok bala hu angan QNg 92823 TS kayua  ông Võ Lai ngak thuyền trưởng  song 11 thuyền viên, tuk dok tong chap atah di mblang Sa Kỳ, ban Quảng Ngãi nao gah timun labaih 195 hải lý ye kapan  khut jamriak, kapan seik angaok tasik meng 5 tuk harei 24/11.

6/ Mban An toàn jalan mbak tỉnh Đắc Lắc pambuak saong mban Trị sự Giáo hội Phật giáo tỉnh peih bruk pahadar - cầu siêu urang metai kayua njauk bala angaok jalan mbak. Tapa nan, mban an toàn jalan mbak tỉnh Đắc Lắc brei thau, di taneh ia drei yaok harei hu 24 urang metai, 60 urang njauk rambuah saong yaok rituh baoh sang gaok pandik harao, khat lahik kayua bala angaok jalan mbak.

7#/ Di ban raya HCM, Mintri Nội vụ hu var tong yaom bruk peih ngak ự án dong pren peih ngak jalan patagok dam dara VN tuk vak 2011-2020, kayua Quỹ Dân số Liên hợp quốc dong. Tapa 5 thun peih ngak mbang 1, danak dak hu pabak ka dam dara meng pren yava, pren yava urang metain, pren yava tình dục, pacang caga HIV, pato pakai ilamu diukrai, dong padang rai dam dara VN patagok tong abih gah.

Patui di ini dom khau tin dunya:

8/ Rajaei di thủ tướng Pra-dút Chan-ôcha barau brei thau hu kaoh tabiak meng kadung jien karja samu 350 triệu đô la Mỹ piah daong tapak ka urang kan kathaot di taneh ia ini. Ong Pra dút brei thau, yaom jien nan hu brei mesraiy chip dalam bilan 12 thun ini. Tui urang dang akaok rajaei TL, jalan ngak ini piah daong urang hu jien mek tame biar patagok pandar cai, daong pachreih kinh tế patagok.

9#/ Di TQ sa mbang bala khang tuk ngak bruk, ngak ka labaih 40 urang metai di harei 24/11 di công trường padang ngak tháp giải nhiệt di sang mac nhiệt điện Phong Thành, tỉnh Giang Tây di bhum Đông Nam Trung Quốc. Di tuk vak rah tabiak bala hu jiak 70 urang daok padang tháp giải nhiệt dalam sang mac nhiệt điện. Urang metai meda hu rilo jang kayua daok hu rilo menuac daok gar./.

10/ Di bhum Kan-tô – Ban ine Tokyo saong dom tỉnh jaik taphia, mbang tuyết akaok meti dalam thun 2016 daok laik, ngak kan kandah tal bruk nao mai  di bhap bini. Tui jabat khí tượng NB, ini lac mbang akaok meti dalam 54 thun ini mai tuyết laik kreih bilan thu (lac kreih bilan 11). Saong jeng lac mbang akaok meti meng thun 1875, tuyết laik ralo pataom jeng mbuk praong meng mbang laik akaok meti di bhum vực Kan-tô./.