1/ Tỉnh Bắc Ninh dok peih bilan ngak kayua bruk likei kumei samu gauk song pacang caga bạo lực ngan song kadha “ ba gauk ngak brei lahik bruk bạo lực ngan song urang kamei song uranaih” piah pachreih tui harei dunya palahik bruk bạo lực ngan song urang kamei song uranaih. Piah peih ngak siam bilan ngak kayua likei kamei samu gauk song pacang caga bạo lực, dom pakat, dom gah, dom puk palei di tỉnh Bắc Ninh patom tame ngak pakhang, pasiam Mban tacei jalan kayua bruk tiến bộ di urang kamei, peih ngak hu siam jalan peih ngak danak dak ka bruk likei kamei samu gauk di tỉnh tuk vak   2016-2020.

2/ UB bhap bini ban Đà Nẵng barau pandar gah padang ngak dự án nút giao thông hầm chiu gah pai tatua kraong Hàn jhul samar bruk ngak piah ngak salah bloh dahlau harei 30/4/2017. Urang dang akaok ban Đà Nẵng pandar suai abih harei 31/12 thun ini, pasak patagok quỹ taneh ban Đà Nẵng ngak salah bruk giải tỏa, jao mặt bằng ka gah padang ngak.

3/ Hadei di 3 thun peih ngak Đề án peih bruk pala kruac tui tanut chuẩn VietGap  di huyện Hàm Yên, tỉnh Tuyên Quang hu ba mai kein liba KT glong ka urang nong. Thun 2016, huyện Hàm Yên hu taneh pala kruac abih tih labaih 5000 ha, sản lượng hu jiak 51.000 tấn, mek hu labaih 500 tỷ đồng. Meng pala kruac, rilo boh sang di hàm Yên tabiak truh kan kathaot, yam tagok jeng kaya meda

4/ Tapa 6 thun, peih ngak danak dak gilang limo, tal urak ini, tỉnh Quảng Bình hu 285 baoh sang tabiak truh kan kathaot bhum ceik, bhum taphia negar, bhum atah bayah. Piah daong bhap bini tabiak truh kan kathaot khang kajap, thun 2010, Hội Chữ thập đỏ Quảng Bình hu brei 554 drei limo pajaih ka labaih 500 baoh sang kan kathaot dalam tỉnh. Tapa 6 thun peih ngak, danak dak gilang limo meng labik 554 drei limo pajaih tal urak ini tapon limo kayua hội chữ thập đỏ dom pakat khik iek lac labaih 700 drei, ngan saong jaik 780 baoh sang hu mbang tui tapak. Rilo sang meng drei limo pajaih akaok meti tal urak ini hu tapon limo yaok pluh drei, jien mek tame labaih 100 triệu đồng yaok thun.

5/ Tui chi cục pala drak song khik caga phun pala di Sở ngak nong song pataogk palei pala tỉnh Ninh Thuận, vụ mùa ni urang ngak padai di dom labik dalam tỉnh gaok oh takik kan kandah kayua halak halin palai kaik yau halak balik hala, halak mbang phun, ruak đạo ôn, ruak paiy pait asar ngka ka 100 ha padai njauk halak mbang hu mblang, khat lihik meng 5 tal 10% hu labik tal 20%

 6/ Tal urak ini, tỉnh Cà Mau padang hu 280 HTX saong labaih 1.320 tổ pambuak bruk pataom ralo di dom gah: ngak nông, brei mesraiy, dịch vụ raong pala kaya ikan, ngak pajaih kaya ikan, taong cap kaya ikan, padang ngak, jalan mbak pajeng ba. Ong Đỗ Tuấn Đức, Phaok akaok Liên minh Hợp tác xã Cà Mau ndom lac, bruk ngak di mô hình kinh tế HTX di Cà Mau hu peih ralo dịch vụ tui jalan sản xuất praong pandap panda, hu pandap ngak tabiak siam, hu pren merak gauk glaong piah hu mbaok tame darak pasar.

7/ UB bhap bini huyện Lộc Ninh, tỉnh Bình Phước bahrau peih bilan ngak pakat negar pacang caga HIV/AIDS song harei dunya pacang caga HIV/AIDS di huyện thun 2016. Tui jalan ieu pataom dom urang ngak gah y tế song bhap bini dalam huyện peih ngak “ Jalan ngak pakat negar pacang caga HIV/AIDS tal thun 2020 song pamong tal 2030, pamong tal jalan ngak 90-90-90 piah palahik abih jit AIDS di Việt Nam”.

Patui di ini dom khau tin dunya:

8/ Takik di abih 2 urang metai saong 4 urang karei njauk rambuah dalam sa mbang cuh phao rah tabiak di lễ tạ ơn harei 24/11 di Ken-tắc-ky, Mỹ. Mbang cuh phao rah tabiak di sa mblang bein, labik hu ralo menuac  daok pataom gauk tui iek pakacah dit blong di  bhap bini bhum Lu-i-vin (Louisville) di Ken-tắc-ky. Cảnh sát brei thau, 2 urang likei njauk cuh metai pak di labik nan, 4 urang karei njauk rambuah min hanjul.

9/ Gah pan phao kraong đối lập dok njauk pacang cakak di gah pai ban A-lép-pô (Aleppo) di Xyri njauk hatai song bruk ngak pahla di LHQ piah ba pandap viện trợ song paduan ba urang njauk rambuac, njauk ruak tabiak truh labik ni. Tui LHQ hu labaih 275 ribau urang Xyri daok gar veik dalam tuk langik li-an bilan barak di labik gah pai A-lép-pô, labik LHQ parabha pandap viện trợ mbang luac  abih meng harei 13/11 meng bloh. 

10/ Thủ tướng Ixraen Ben-gia-min Nê-ta-ni-a-hu hu panuac caong Hi Lạp saong Crô-oát-ti-a ba kapal haok mai daong taneh ia ini pacang cakak khuah glai. Takik hajan saong langik pandiak ngak brei khuah glai samar di ralo labik bhum kreih negar saong gah brak Ixraen. Hu yaok pluh baoh sang khut atau atau khuh abih. Min oh ka thau bruk metai lihik yau habar. Gah dự báo thời tiết bei thau, pandiak thu, ngin khang daok rah tabiak dalam dom harei tal./.