1#/ Beir harei kabroi 28/11 , Akaok QH hội  Nguyễn Thị Kim Ngân pang akaok kapul lambaok Đảng song karja VN hu caik bingu sirah ong Phi-đen, lãnh tụ cách mạng CuBa  di Khu tưởng niệm Hô-xê Mác-ti (José Martí) di pasak ban ine La Ha-ba-na (La Habana). Việt Nam lac sa kapul lambaok negar dunya akaok meti tal Cu Ba mai sirah ong Phi-đen.   Hadei di tuk sirah    akaok QH Nguyễn Thị Kim Ngân cih tame sổ tang BREI MBOH bruk pandik harao di Đảng, karja song bhap bini VN anak bruk lihik nao di ong Phi-đen Ca-xtơ-rô.  Akaok QH Nguyễn Thị Kim Ngân ndom lac, Đảng, karja song bhap bini VN tuk halei JENG oh var HU bruk rik dong prong glong di ong Phi Đen dalam bruk dak padang, patagok talei jum pataom adei saai, pambuak bruk tong abih gah song hatai jia tame gauk di Đảng karja song bhap bini 2 taneh ia VN – Cu Ba.

2/ Harei 28/11, di Đại sứ quán Cộng hòa Cuba di Hà Nội, akaok negar Trần Đại Quang ba akaok kapul URANG pakat glaong karja Cộng hòa XH chủ nghĩa VN  mai pok bingu Sirah ong Phi-đen Cat-xtơ-rô Ru-xơ, dahlau daih ngak Bí thư ka sa mban chấp hành TƯ Đảng Cộng sản Cuba,  saong akaok Hội đồng karja, Hội đồng Bộ trưởng taneh ia Cộng hòa Cuba. Biak drut drui anak bruk lihik nao di ong Phi-đen Ca-xtơ-rô Ru-xơ, akaok negar Trần Đại Quang payua tal karja, bhap bini Cuba saong baoh sang akaok Phi-đen panuac klah rabha pandik harao di abih. Akaok negar Trần Đại Quang ndom lac, VN Cuba tuk halei jeng jum pataom dahlau hadei yau ha sa ngan saong cách mạng Cuba, kham merat ngak brei khang kajap jang talei pambuak bruk abih gah saong jia gauk di Đảng, karja saong bhap bini dua taneh ia.

3#/ Beir harei ni, Ủy viên mintri Chính trị Bí thư Thành ủy ban raya Hồ Chí Minh Đinh La Thăng pan akaok kapul urang jakar ban raya mai rivang Tổng lãnh sự Cuba di ban raya Hồ Chí Minh sirah ong Phi Đen Castro, urang dahlau deih ngak Bí thư ka 1 Ban chấp hành Trung ương Đảng Cộng sản Cuba, urang dahlau deih ngak Chủ tịch Hội đồng karja song Hội đồng Akaok mintri negar  Cộng hòa Cuba, lãnh tụ di bhap bini Cuba.  Tổng lãnh sự quán Cuba di ban raya Hồ Chí Minh, peih pambah mbang tal harei 4/12 piah bhap bini mai sirah ong Fidel Castro

4/ Thủ tướng rajaei barau brei buh tabiak 115 tỷ đồng meng kadung jien dự phòng TƯ thun 2016 piah daong 10 puk palei peih bruk daong dân sinh saong pasiam chip dom bruk praong yau: công trình thủy lợi, jalan mbak palei pala, ar pacang… njauk khat lahik kayua ribuk ka 3 saong hajan ia sua thun 2016. Cambaih laih, tỉnh Yên Bái hu daong 25 tỷ đồng; langiu di nan dom tỉnh Hoà Bình,  Hà Giang, Tuyên Quang, Thái Nguyên, Vĩnh Phúc, Quảng Ninh, Ninh Bình, Thanh Hóa, Nghệ An yaok tỉnh 10 tỷ đồng. 

5#/ Harei 28/11, sang iek ruak đa khoa tỉnh Phú Thọ bahrau peih ngak hu mbang ghép thận di 2 urang oh gam rilaow drah. Bruk njauk nyai nan lac urang brei thận lac pasang di urang ruak. Urang hu ghép thận lac saai Trần Thị Yến hu chẩn đoán suy thận mạn tính giai đoạn cuối atah di ni 4 bilan. Kayua urang brei, saai Phạm Quỳnh Tri, pasang di saai Yến oh gam rilaow drah nan ye tuk kuhria caga ka ca ghép hu peih ngak biak tani tanat. Gam song bruk dong ba di dom chuyên gia đầu ngành ghép thậen mng sang iek ruak hữu nghị Việt Đức, dom bác sỹ di sang iek ruak Đa khoa tỉnh Phú Thọ ngak po kỷ thuật chuyên sâu ni. Hadei di 11 harei tui iek, boh thận ghép ngak bruk siam, dom thông số sinh hóa dalam darah  bình thường, urang ruak hu pren yava siam song hu xuất viện.

6/ Melam 28/11, mbang pakacah “tài năng ranaih âm nhạc pakat negar thun 2016” hu peih tabiak di HN. Mbang pakacah thun ini pachreih hu 61 anek saih dalam taneh ia hu mbaok tame. “mbang pakacah tài năng ranaih âm nhạc pakat negar 2016” kayua cục nghệ thuật parang iek, hội nhạc sĩ VN saong học viện âm nhạc negar VN pambuak bruk peih tabiak piah duah tài năng, pachreih saong pok meyaom dom nghệ sỹ ranaih hu ralo rik daong ka gah thanh nhạc. Ini jeng lac tuk piah dom nghệ sỹ taom gaok, ndom meyai nao mai, pakacah, klah rabha ilamu, bac megru gauk dalam tukvak lao động nghệ thuật.

7#/ Harei kabroi 28/11, , Ban Chấp hành Tỉnh Đoàn Đắc Lắc peih TAL pasram megru ka bruk padang ngak palei pala bahrau di puk palei. Dalam 2 harei, jiak 170 urang đoàn, dam dara di dom xã dalam tỉnh Đắc Lắc hu dom giảng viên tacei ba dom chuyên đề ka bruk padang ngak palei pala bahrau. Tỉnh đoàn hu peih pakak labaih 1km jalan krong ribong di xã Ea Bar, huyện Buôn Đôn, hu yaom labaih 1 tỷ đồng ngak labaih 1 km jalan bê tông di xã biak kan kandah Ea Tul, huyện Chư M’gar song urak ni dok peih ngak danak dak “ Hadah jalan palei” di xã tapen negar huyện Ea Súp.

8/ Kuhria tal harei 28/11, ban raya HCM hu 83 urang njom virus Zika di 17 quận huyện, dalam nan hu 9 urang metian daok hu iek glang di dom sang iek ruak chuyên khoa. Tui pasak y tế dự phòng ban raya, dalam 4 harei tapa hu 14 urang ruak barau. Dalam 17 angaok 24 quận, huyện hu urang njom ruak virus Zika, Bình Thạnh ralo abih hu 17 urang. Patui nan lac quận 2 hu 14 urang, quận 12, Tân Phú hu 9 urang ruak. 

Patui di ni dom khau tin dunya:

9 Harei 28/11 NB song TQ hu peih mbang ginum biai ka an ninh 2+2 mbang akaok meti dalam jiak 2 thun tapa. Brei panuac di mbang ginum biai di Nhà khách Điếu Ngư Đài di ban ine Bắc Kinh, Thứ trưởng Ngoại giao Nhật Bản Takeo Akiba ndom lac dok kandong veik dom quan nga5i di NB song TQ ka dom sarak an ninh di gauk. Ong ndom lac 2 negar brei ginum biai tapak piah jia tame gauk. Dalam tuk nan, trợ lý Ngoại trưởng Trung Quốc Khổng Huyễn Hựu cong khin mbang ginum biai ni hu vai trò tích cực dalam bruk jhul pakhang bruk tagok talei rohim di 2 negar

10/ Harei 28/11, điện Kremlin brei thau Tổng thống Nga Vladimir Putin brei padeih bruk rilo urang jakar ngak praong pakacah gauk tame Viện Hàn lâm Khoa học taneh ia ini. Thư ký báo chí di Tổng thống Nga, ong Dmitry Peskov, brei thau Tổng thống Putin ba tabiak bruk nan kayua dom urang ini oh pang tui panuac di ong ba tabiak dahlau nan lac oh pakacah tame Viện Hàn lâm Khoa học Nga. Tổng thống Putinbrei padeih bruk 4 urang ngak praong, dalam nan hu sa akaok mintri nội vụ saong sa vụ trưởng di mintri quốc phòng./.