1/ Harei 29/11, javap jalei panuac tangi sua di urang vak khin thau phản ứng di VN anak bruk harei 28/11, gah Đài Loan peih bruk pasram  angaok tasik di labik Ba Bình palao  Trường Sa di Việt Nam, urang brei panuac di mintri ngoại giao Lê Hải Bình ndom lac: Bruk Đài Loan peih mbang pasram angaok tasik hu angan “ Nam Viện ka 1” di labik Ba Bình di palao  Trường Sa di Việt Nam lac bruk xâm phạm trak quyền ngak pô di VN ngan song palao kaoh ni, đe dọa hòa bình, tani tanat, an ninh, an toàn hàng hải, ngak catang song ngak kan kandah bruk di Biển đông. VN khang hatai phản đối song hu panuac ieu gah Đài Loan jhui brei rah tabiak dom bruk yau nan. 

2/ Harei 29/11, omng Nguyễn Minh Triết - urang dahlau daih ngak akaok negar , dom ong muk taha dahlau deih ngak cách mạng, urang dang akaok dom dtinh3, ban gah meraong saong yaok rituh bhap bini, sinh viên ban raya HCM hu nao tal Tổng Lãnh sự quán Cuba di ban raya Hồ Chí Minh sirah ong Fidel Castro, urang dahlau deih pan akaok Cuba. Ong Nguyễn Minh Triết vak dalam sổ tang lac: “Dahlak patuah hu dom mbang taom gaok ong Fidel Castro, urang anh hùng bangsa, urang dang akaok gheih ghang abih di bhap bini Cuba saong dom bangsa njauk kateik greik. Dahlak iek praong ong kayua ong biak gheih ghang, khang hatai dang tagok mesruh metak saong ba abih rai di drei ka bruk cách mạng”.

3/ Harei 29/11, di HN, Cục Kinh tế hợp tác song patagok palei pala (Mintri  ngak nong song patagok palei pala) pambuak bruk song kapul Oxfam peih nyaom biai pathau khan roh duah song tham vấn kế hoạch, tacei ba pato pakai bruk ka urang ngak palei pala. Tui nan, tong abih phun jien peih ngak bruk ni lac labaih 1.700 tỷ đồng; dalam nan phun jien TƯ dong meng danak dak pakat negar padang ngak palei pala bahrau lac labaih 1.300 tỷ đồng, phun jien palei pala 300 tỷ đồng, phun jien karei karei 76 tỷ đồng, dom bruk ngak karei hu pato pakai lac bruk pala drak, rong glang, pala glai, bruk rong pala tong chap ikan, kaya ikan, ngak nong, ngak glai, ngak kaya ikan song bruk ngak sara ka urang bhum kathaot, bhum biak kan kandah.

4/ Harei 29/11, hội khik caga quyền lợi urang blei pandar tỉnh Hòa Bình hu peih nyaom meyai mbang ka II, tukvak 2016 – 2021. Hội hu 141 hội viên di 11 chi hội, dalam nan hu 67 hội viên tập thể, 74 hội viên cá nhân. Dalam tukvak meng bloh, dom bruk suh sah di gah urang blei pandar hu hội duah thau saong khan tagok jabat hu thẩm quyền samar pasang iek, ngak cambaih laih.

 5/ Pasak xúc tiến đầu tư song pambuak bruk tỉnh Bình Định brei thau, meng akaok thun 2016 mbiah tal ni, tỉnh hu jao harak chứng nhận đầu tư ka 21 dự án, ngan song phun jien đăng ký labaih 9.800 tỷ đồng, tagok jang 50% dut song tuk vak ni thun 2015. Tui nan hu 12 dự án buh jien tame ngak mbang gah dịch vụ, pablei salih song bất động sản. Urak ni, Bình định hu 61 dự án FDI song yaom phun jien đăng ký lac 1,798 tỷ USD.

6/ Piah hu ginup pandap panda, tani tanat yaom kaom drak pasar, pabak bruk blei pandar di bhap bini, dom doanh nghiệp di tỉnh Tiền Giang hu caga pandap panda labaih 370 tỷ đồng pablei tết nguyên đán 2017; dalam nan, dom pandap pandar yaok harei jaik 44 tỷ đồng. Tỉnh hu padang jalan ngak, pachreih dom doanh nghiệp tut angan tame danak dak khik mepiah pandap panda pablei tết ngan saong dom ưu đãi. Abih di nyu nan lac, brei mesraiy piah blei pandap pablei tết tui yaom laba ưu đãi dalam 4 bilan.  

7/ Huyện Phước Long, tỉnh Bạc Liêu urak ni hu 6/7 xã hu pok brei angan palei pala bahrau. Dahlau nan, dalam tuk vak padang ngak palei pala bahrau, urang dang akaok huyện nhiệm kỳ dahlau hu peih rilo dự án tuk oh cân đối hu phun jien ba tal sre padang ngak cơ bản jiak 400 tỷ đồng. Anak vi phạm trak ni, Ban Thường vụ Tỉnh ủy Bạc Liêu hu kỷ luật ka labaih 20 urang jakar meng pakat huyện tal dom phòng ban song pakat xã. Piah pasiam bruk ni, dalam tuk vak tapa, huyện hu PAblei đấu giá sang dok, taneh riya, pataom mek jien je daok tavak, pandar dom phun jien di TƯ , di tỉnh piah pataom tame langyah nợ đọng dalam bruk padang cơ bản. Urak ni huyện bayar hu labaih 100 tỷ đồng dalam tong abih 400 tỷ đồng nợ đọng.

Patui di ini dom khau tin dunya:

8/ Panuac barau abih di dom urang ngak praong Cô-lôm-bi-a harei ini brei thau, hu 3 urang dit blong đội Cha-pê-cô-en-xê Rây-an di Bra-xin daok diuk dalam mbang laik kapal haok di Cô-lôm-bi-a. Jeng tui panuac khan nan, 76 dalam 81 urang angaok kapal haok pajeng đội dit blaong Cha-pê-cô-en-xê Rây-an di Bra-xin gaok bala di ban sit La U-ni-ông, Cô-lôm-bi-a di melam dahlau metai abih. Urak ini jeng daok dua urang oh ka thau cambaih. Dahlau nan, melam 28/11, lac mesup 20/11 (tui mong VN) sruh kapal haok pajeng 72 urang saong 9 phi hành đoàn, dalam nan hu dom urang di kapul dit blaong Cha-pê-cô-en-xê Rây-an, daok nao tal mblang kapal haok Mê-đen-lin di Cô-lôm-bi-a, laik di ban sit La U-ni-ông.

9/ Salam uan harei dunya pacang caga AIDS anak tal ( 1/12) Liên minh châu Âu (EU) bahrau hu panuac khan brei thau 7 urang njom HIV njom ruak AIDS di Châu âu hu sa urang oh thau drei njom ruak. KQ roh duah hu peih ngak di 28 negar thành viên EU song Iceland, Liechtenstein, Na Uy. Ủy viên châu Âu ka  Y tế Vytenis Andriukaitis ndom lac HIV/AIDS dok lac jit ruak prong trak di Châu  âu, Pasak tui iek song pacang caga jit ruak châu âu (ECDC) ndom lac tỷ lệ 1/7 urang njom HIV oh thau njauk ruak lac vấn đề biak njauk báo động

10/ Harei 29/11, NB hu ba nao am cuh klak jaik 330 ribau drei menuk ada hadei di tuk sruh jit cúm menuk ada hu mboh di 2 labik di gah brak taneh ia ini. Ini lac mbang akaok meti dalam 2 thun tapa jit cúm menuk ada hu duah mboh di dom trang trại menuk ada di NB. Di tỉnh Ni-ga-ta, karja hu ba nao am cuh klak jaik 310 ribau drei menuk dalam sa trang trại hadei di tuk duah mboh 40 drei cim metai. Di tỉnh Ao-mo-ri jaik 16.500 drei ada hu ba nao am cuh klak hadei di tuk tapon ada hu duk iek mboh dương tính saong cúm A/H5N8./.