1/ Dalam 2 harei 29 song 30/11, tỉnh Bình định hu hajan khang jeng ia sua di angaok krong ngak duak rilo mblang padai đông xuân bahrau trun pajaih di dom huyện Phù Mỹ, Vĩnh Thạnh, Tây Sơn song ban sit  Quy Nhơn.Anak bruk kan kandah di langik tasik, UB bhap bini tỉnh BĐ hu tacei pato dom puk palei samar peih ngak dom jalan pacang cakak hajan ia sua. Sở ngak nong song patagok palei pala tỉnh BĐ hu panuac ieu parabha ia di dom danao, kuhria tathuak ia, pacang ia duak ka padai Đông Xuân bahrau tam drak.

2/ Hu gilac sa sruh kapal taong cap ikan atah binek ngak meng  jien mesraiy tui Nghị định 67 di rajaei hu ba trun tasik di mblang ngak kapal ban sit La Gi, tỉnh Bình Thuận. Ini lac kapal ikan kanduh kayau hu công suất praong abih tỉnh Bình Thuận meng phun jien ưu đã ini. Hadei di tuk ba trun ia, kapal hu tabiak tasik taong cap atah binek ngan saong 12 urang taong cap. Po kapal  Nguyễn Tấn Nguyên lac: “Caong khin di dahlak lac ngak mbang hu kein laba. Dahlau daih, ame ong kei dahlak ngak bruk taong cap, urak ini dahlak hu pataui bruk saong anek dahlak jeng ngak bruk taong cap. Hu Nghị định 67 ini, dahlak ngak harak mesraiy. Karja, rajaei saong dom mban ngành hu brei dahlak mesraiy piah dahlak ngak kapal ini”.

3/ Sở ngak nong song patagok palei pala tỉnh Khánh Hòa brei thau ka makna ba tal ikan metai di vịnh Vân Phong, huyện Vạn Ninh.  Ikan metai labaih 100 tấn, ngak khat lihik trak ka urang rong. Tui dom jabat chức năng,  ikan metai kayua tảo Ceratium tamuh tabiak rilo, dom janih tảo ni tabiak bingu, atau dok ieu lac thủy triều đỏ, ngak brei iakn metai, Sở jeng hu panuac ieu urang rong ikan ba lồng bè atau chap mek avar tuk mboh ia meriak bhong. 

4/ Meng akaok thun tal ini, dom urang njom HIV barau di tỉnh Đồng Nai lac 204 urang, 81 urang salih tapa AIDS. Duk saong thun 2015, dom urang njom HIV barau patrun biak ralo, labaih 19%. Makna patrun bruk njom mbak HIV saong patrun bruk metai kayua AIDS lac kayua bruk khik iek duah mboh urang njom barau hu paglaong, chất lượng ngak bruk urang jakar dak harei dak hu siam lagaih; peih bruk pacang cakak njom mbak yau: brei jrum klauk, bao cao su hacih, iek ruak jru kháng HIV (ARV), cai nghiện ma túy meng Methadone.   

5/ Hadei di 3 thun peih ngak Đề án “patagok pathau khan, pato pakai adat hukum ka urang jakar, bhap bini bhum tapen negar, palao kaoh tuk vak 2013- 2016” bruk hu thau ka adat hukum di urang jakar saong bhap bini di tỉnh Kon Tum hu patagok, dom bruk ngak suan adat hukum  di bhum tapen negar hu trun khang. Tapa rilo jalan ngak gheih, yau pambuak siam lagaih bruk ngak di 10 kalup kapul langyah adat hukum, 17 kapul pathau khan ilamu, thau saong ngak njauk tui adat hukum di urang jakar, bhap bini di 101 puk, palei, di 13 xã tapen negar di 4 huyện dalam tỉnh Kon Tum hu paglong. 

6/ Ong Bùi Thành Nhơn, Giám đốc Sở Lao động, Thương binh saong  Xã hội tỉnh Đồng Tháp brei thau, dalam 3 thun (2014 – 2016), tỉnh Đồng Tháp hu ba jaik 2000 urang nao ngak bruk di negar langiu, ba Đồng Tháp yam tagok dang akaok bhum taneran kraong Cửu Long ka bruk hu rilo menuac nao ngak bruk hu tukvak di negar langiu tui harak pambuak bruk. Thun 2017, tỉnh ba tabiak bruk lac, ba 1000 urang nao ngak bruk di negar langiu. Đồng Tháp lac tỉnh  duy nhất dalam taneh ia hu sarak daong urang ngak nao ngak bruk di negar langiu ngan saong yaom mesraiy meng 90 tal 100% yaom jien ngak harak gar tabiak negar lingiu.

7/ pasak tacei ba danka dak pacang caga ia sua di ban raya HCM bahrau pok panuac tagok UB bhap bini ban raya likau buh tabiak jiak 3000 tỷ đồng piah pacang ia DAUK thun 2017. Meng yaom jien ni, ban raya HCM hu buh brei 2.000 tỷ đồng piah padang ngak 51 dự án pacang ia sua, 971 tỷ đồng dok veik hu pandar piah pabak ka bruk pasiam veik, khik ramik jalan pacang caga ia sua. Tui jalan ngak, dalam thun 2017, ban raya oh dok 12 labik duak ia kayua hajan 

Patui di ini dom khau tin dunya:

8/ pahadar 40 thun harei padang talei pambuak bruk ngoại giao di dua taneh ia Việt Nam – Thái Lan (1976 - 2016), Bưu điện Thái Lan hu peih parang iek tem ngan saong kadha “Việt Nam. Labik dui pachreih biak khang” di miuyim tem Thái Lan di ban ine  Băng Cốc. Lambaok Bưu điện TL brei thau, tapa dom bộ tem hu parang tabiak dalam mbang parang iek, bhap bini Thai hu thau cambaih jang ka taneh ia, anek menuac, ilamu saong phong cảnh thiên nhiên di VN.

9/ LHQ brei thau, urang ruak njom tả tagok tal 7.700 urang di 12 tỉnh ban di Y-ê-men, tagok  27% dut song adit dahlau nan. Điều phối viên ngak pahla di Liên hợp quốc di Y-ê-men Giooc Khu-ri (George Khoury) brei thau, jit tả rah tabiak dalam tuk bruk meriak gauk dok rah tabiak di Y-ê-men,palai pajoa trak gah y tế di negar ni. Bruk ni jeng ngak ka sruh jit tả di Y-ê-men jeng dok kan kandah jang./.

10/ Harei 30/11, sa sruh kapal haok trực thăng quân sự di Ấn Độdaok dalam tukvak pasram, nyu laik di mban Tây Ben-gan, gah timur taneh ia ini, ngak brei 3 urang lin metai saong sa urang karei njauk rambuah. Urang brei panuac di gah bol bala Ấn Độ Độ Đi-pan-ni-ta Đa brei thau, sruh kapal haok trực thăng laik tuk daok kuhria par trun căn cứ quân sự di huyện Xu can, mban Tây Ben-gan./.