1#/ Dalam mbang ngak bruk di Ninh Thuận meng bloh, ong Nguyễn Thiện Nhân, Ủy viên mintr  Chính trị - akaok  Ủy ban Trung ương Mặt trận negar  Việt Nam hu nao rivang sang bac Trung học cơ sở Đổng Dậu, xã Phước Thái, huyện Ninh Phước. Sang bac  Trung học cơ sở Đổng Dậu hu padang meng 40 thun dahlau. Thun bac ni, sang bac hu 686 anek saih. Dalam nan bangsa Chăm meblah rilo. Urak ni, gru pato song anek saih sang bac  Đổng Dậu dok kham merat piah samar mek hu tanut pakat negar. Akaok  UBTUMT negar VN Nguyễn Thiện Nhân drut droi tuk thau sang bac hu rilo anek saih urang takik kham bac . Anak bruk rilo urang Chăm oh thau vak song puac akhar Chăm , ong Nguyễn Thiện Nhân ndom   song sang bac lac, tame yaok akaok thun bac  brei peih ngak ka anek saih vak sa harak thư meng sap Chăm brei mboh ka hatai anit ranam sang bac, boh sang song palei negar, jang yau rilo jalan ngak  karei, piah dom adei khik hu sap ndom panuac puac di bangsa drei.

2/ Mban chỉ huy pacang cakak bala langik tasik saong ruah duah daong bala tỉnh Bình Định brei thau, tal tukvak ini, kapal ikan BD-99119 gam saong 10 thuyền viên njauk khut jamriah, seik tự do angaok tasik meng 2 harei tapa hu eng drei pasiam sự cố saong patui taong cap ikan. Dahlau nan, kapal ikan BĐ 99119 TS di ông Phan Lùn daok di  xã Hoài Thanh, huyện Hoài Nhơn, kayua ong Nguyễn Ngọc Thuật ngak thuyền trưởng, angaok kapal hu 10 urang njauk khut jamriah. Mban chỉ huy pacang cakak bala saong ruah duah daong bala tỉnhB  ình Định hu ieu dom kapal taong cap ikan jaik nan mai daong.

3#/ Harei 9/10, angaok jalan Roya 1A labik tapa huyện Bắc Bình, tỉnh Bình Thuận njauk kan kandah kayua ia sua. Yaok ribau ha padai, thanh long song njam patam di urang dok di tapen krong Lũy njauk ia duak, meda lihik abih. Tui Văn phòng mban tacei jalan pacang caga bala song dong duah urang njauk bala tỉnh BT, dalam labaih 800 boh sanggak kan kandah nan, huyện Bắc Bình hu tacei brei panduan ba menuac urang, song drap ar di labaih 200 boh sang hu sang duak ia di palei Bình Thắng, xã Phan song labik tái định cư jalan roya 1A, thôn Bình Long, xã Phan Rí Thành. Dom mblang hamu jeng daok njauk ia dauk, dalam huyện dok hajan, bruk tathuak ia sua gaok rilo kan kandah, mbuan ba tal khat lihik abih.

4/ Mintri ngak nông saong patagok palei pala hu harak jao dom doanh nghiệp peih bruk blei sara khik mepiah, tukvak blei meng harei 1/7/2016. Min, tal tukvak ini, di Quảng Ngãi oh ka hu doanh nghiệp halei mai blei sara di mikva Sa Huỳnh, huyện Đức Phổ… Ong Nguyễn Duy Trinh, akaok UB bhap bini  xã Phổ Thạnh, huyện Đức Phổ  brei thau: “UB bhap bini xã jeng hu harak caong dom pakat hu thẩm quyền lac brei hu jalan daong yaom sara, jeng yau daong palagaih ka dom doanh nghiệp dalam saong langiu tỉnh blei sara ka mikva”.

5#/ 5 thun tapa, tỉnh Quảng Trị ieu pataom hu jiak 7000 tỷ đồng buh tabiak peih ngak danak dak pakat negar padang ngak palei pala bahrau, dalam nan bhap bini rik dong labaih 1000 tỷ đồng meng harei ngak, jien mbaok song pandap panda. Urak ni di tỉnh Quảng Trị hu 18 xã mek hu tanut chuẩn palei pala bahrau, dalam nan hu 2 xã bhum ceik di huyện Hướng Hóa. Tỉnh Quảng Trị kham merat dalam thun ni hu 11 xã mek hu tanut palei pala bahrau, tagok xã mek hu tanut chuẩn di tỉnh labaih 29 xã

6/ Báo Tuổi trẻ ban raya HCM, pasak papar binguk VN di ban raya HCM, cty cổ phần khak drak Bình Điền pambuak bruk saong 11 tỉnh, thành đoàn labik bhum taneran kraong Cửu Long barau alin hadiah paok jien bac “daong pren nao  bac” ka 202 tân sinh viên đại học yam tapa kan kandah di 11 tỉnh ban bhum taneran kraong Cửu Long. Abih tih yaom paok jien bac mbang ini labaih 1,4 tỉ đồng. Yaok paok jien bac yaom 7 triệu đồng, SV kan kandah rilo lac 10 triệu đồng sa paok, hu alin tui dom bhum, lac bhum kreih negar, Tây Nguyên, Đông Nam Bộ, bhum taneran kraong Cửu Long saong dom tỉnh gah brak.

7#/ Meng di tuk mintri Y tế khan lac hu 2 urang njom virus Zika di ban raya Hồ Chí Minh và Bình Dương, Sở Y tế ban raya Hồ Chí Minh samar peih dom jalan ngak piah xử lý dịch tễ di labik tamuh ruak. Pasak Y tế dự phòng ban raya HCM hu panuac lac, urang ban raya brei pambuak bruk song gah y tế, kham merat pametai jamuk, lăng quăng, puh ramik dom pandap caik ia piah jamuk oh hu labik dok, caik anek. Urak ni ban raya HCM dok tui iek 30 sang iek ruak pakat ban raya song pakat quận, huyện. Dom urang ruak mboh yau njom virus Zika hu samar ba tame tui iek.

Patui di ini dom khau tin dunya:

8/ 29 urang njauk rambuah tuk sa radaih pui pajeng tuai daok nao angaok jalan ray Long Ai-xlừn njauk blait kong di jaik labik Niu Hai Pác, di bang Niu Yoóc, Mỹ. Bala rah tabiak tuk radaih pui pajeng tuai paoh sa radaih pui karei tuk atah Man-hat-tan 32 kilômét mai gah timur. 3 toa akaok dalam 12 toa radaih pui tableik truh jalan ray. 29 urang njauk rambuah hu ba tame sang iek ruak, ralo meng lac joh talang saong chấn động tâm lý.   

9#/ Cảnh sát đặc nhiệm Đức harei  9/10 hu đột kích tame sa boh sang di sa ban daok gah tamun Chem-nít (Chemnitz) song chap hu sa urang likei pagam tal bruk truy lùng sa urang tỵ nạn Xy ri  gam tal bruk tong bom. Urang brei panuac Văn phòng tui iek Tội phạm bang Sa-xô-ni (Saxony) Tôm Bê-hát (Tom Berhardt) brei thau, oh hu urang hlaei njauk rambuac song oh rah tabiak bruk cuh phao dalam mbang đột kích ini. Urak ni, urang likei ni dok njauk chap kreih piah thẩm vấn.

10/ Tui LHQ, Ma-rốc  jeng sang di biak ralo urang tị nạn yaom lac tok di sa labik padeih takai dalam jalan nao meng châu phi tal châu Âu. Cao ủy LHQ ka urang tị nạn brei thau, urak ini hu jaik 4.200 urang tị nạn di Ma-rốc, dalam nan jaik 2/3 lac urang Xy-ri saong daok veik lac meng dom taneh ia labik jaik Sa-ha-ra. Dom urang tị nạn palih ruah daok veik Ma-rốc brei thau, urang mbuan taduan hu quy chế tị nạn saong tuk taduan hu quy chế ini, urang hu daong jien yaok bilan. Langiu di nan bruk hu ilamu dreih gauk ngak ka ralo urang mboh mbuan ba drei tame saong menuac daok pak nan./.