1#/ Bilan 11 anak tal, danak dak ia pandar di pasak xã Dào San, huyện Phong Thổ tỉnh Lai Châu hu ba tame pandar, dong pasiam bruk kurang ia pandar ka jiak 200 boh sang mik va urang bangsa Mông di labik ni. Ni lac danak  dak hu padang meng kadung jien dong di dom urang ngak pahla song pren yava  di dom urang jakar, urang lin Đồn Biên phòng Dào San. Tuk ba tame pandar, danak dak hu pabak bruk pandar  ia ka mik va 2 palei Hợp 1 và Hợp 2, dom sang bac, sang iek ruak song jabat ngak bruk di xã

2/  Akaok thun 2007,  tỉnh Phú  Yên hu ba labik sik ngak ralo athur praong di ban sit Tuy Hòa tame ngak. Ini lac lò sik ngak ralo athur praong abih di tỉnh Phú Yên, yaok harei sik hu 200 drei pabui saong 50 drei limo. Ong  Nguyễn Lương Sinh, phaok akaok UB bhap bini ban sit Tuy Hoà, tỉnh Phú Yên brei thau: “Anak tal ban sit hu pasang iek, ramik veik taong abih labik sik ngak rilo ini, kuhria  veik bloh ba tabiak xã hội hóa; ieu dom kapul nyaom, menuac urang, doanh nghiệp buh jien tame ngak pasiam dây chuyền, paglaong công nghệ, anak tal  padang labik sik ngak ralo jeng pasak  pablei ralo hacih”.

3# UB bhap bini huyện Bắc Bình, tỉnh Bình Thuận brei thau, hajan ia sua song bala gam gam rah tabiak dalam dom harei tapa ngak khat lihik prong tal bruk ngak nong song cơ sở hạ tầng dok di tỉnh. Ngak glut jaleih 2 labik binek Úy Thay – Đá Giá di xã Phan Điền, ngak duak 300 mét jalan Quốc lộ 1A song ngak jaleih abih tatua  Lệ Ngân atah 10 m tapa krong Đồng, ia sua dok ngak ghlut jaleih 9 ki-lô-mét jalan mbak palei pala song binek kavei di  xứ đồng Chà Vầu, Nha Mưng, Tà Bo. Tong abih tih phun jien khat lihik labaih 37 tỷ đồng.

4/ Peih ngak danak dak bruk ngak negar padang ngak palei pala barau, tỉnh Bình Dương kham merat tal thun 2020, taong abih dom xã, phường hu ngak salah bloh bruk padang ngak palei pala barau. Dalam tukvak 2016 – 2020, tỉnh Bình Dương kuhria ieu pataom hu labaih 1.145 tỷ đồng meng doanh nghiệp saong 1.500 tỷ đồng meng bhap bini brei ka danak dak padang ngak palei pala barau.

          5# Kapul SV Cần Thơ song pasak dong patagok SV hu tabiak mbaok “Labik ngak bruk haong gauk”. Ni lac mô hình piah padang sa labik ngak bruk haong gauk song kein liba glong dalam bruk ngak ngan song menuac urang, kapul nyaom, dom dom SV peih bruk padang mbang ngui di ban sit.

6/ UBMT negar VN tỉnh Sóc Trăng pambuak bruk saong cty  Xổ số kiến thiết Sóc Trăng peih pakak saong jao 250 baoh sang jum pataom ka baoh sang kan kathaot dalam tỉnh, yaok baoh sang yaom 30 triệu đồng. Ong Dương Sà Kha, akaok Ủy ban Mặt trận negar Việt Nam tỉnh brei thau, 16 thun tapa, kadung jien ka urang kan kathaot dom pakat jak ba hu labaih 210 tỷ đồng, padang ngak labaih 14.000 baoh sang jum pataom ka urang kan kathaot. Gam saong nan lac daong ralo paok jien bac, anek pajaih phun pajaih, athur raong, iek ruak ka yaok pluh ribau mbang urang.

7#/ Tui Sở ngak nong song patagok palei pala tỉ nhAG, gah ngak nong tỉnh song dom huyện , ban sit, ban prong dok pataom tame bruk pacang caga ruak ka tapon athur dalam bilan hajan ia sua.  Chi cục Thú y tỉnh An Giang hu peih ngak bruk klauk jru pacang caga tui labik, pataom tame di dom labik mbuan si tamuh jit ruak glong. Dom boh sang rong glang hu peih ngak siam bruk pacang caga ruak ka tapon athur rong yau klauk pacang dom janih Vacxin, pruh jru pametai anek ruak di var ro.

Patui di ini dom khau tin dunya:

8/ Dom harei tapa, di ban ine Phnômpênh, Campuchia hu ralo mbang hajan dui atah ralo tukvak ngak ka dom jalan di ban ine Phnômpênh dauk ia, ngak khat lahik drap ar di bhap bini. Oh lac ban ine Phnômpênh bo dom tỉnh karei dalam taneh ia jeng dauk ia. Hajan ralo ngak khut khang cơ sở hạ tầng palei pala, abih di nyu nan lac jalan mbak saong thủy lợi; dom mblang padai saong njam patam jeng  dauk ia hajan, abih di nyu nan lac dom tỉnh đầu nguồn saong dom tỉnh bhum taneran hu kraong Mê Kong nao tapa.

9#/ Uranaih di cư song tị nạn dalam dom trại di Hy Lạp, harei 10/10 hu nao bac di sang bac công lập. Ni lac sa bruk kham merat di rajaei Hy Lạp dong ka donm uranaih di cư tỵ nạn samar ba drei tame XH. Danak dak pato ka uranaih du cư song tỵ nạn hu dom kadung jien di Liên Minh châu âu dong ba ka rajaei Hy Lạp. Tui nan, hu labaih 1.500 uranaih di cư song tỵ nạn hu bac di 20 sang bac yaok harei 4 tuk di tuk beir harei. Dom kapul dong ba dunya brei cặp, tapuk song radeih buýt piah pajeng ba dom adei nao bac.

10/ Tổng thống Cô-lôm-bi-a Hoan Ma-nu-en Xan-tốt brei thau ong hu buh tabiak ralo meng yaom jien thưởng 930 ribau đô la bo drei taduan hu ka dom urang gaok kan kandah kayua  bruk khủng hoảng dui atah meteh abhap di taneh ia ini. Panuac angaok nan hu Tổng thống Xan-tốt ba tabiak dalam mbang nao rivang sa ban sit kan kathaot di gah Pai Cô-lôm-bi-a, labik hu yaok pluh urang, dalam nan hu urnaih, metai lihik dalam sa mbang mesruh khang./.