1#/ Meng akaok thun tal ni, Kapul urang nong tỉnh Đăk Lăk pambuak bruk song Viện Khoa học Kỹ thuật Nông lâm nghiệp Tây Nguyên, dong meteh yaom jien blei labaih 1 triệu phun cà phê pajaih ka hội viên urang nong. Kapul hu dang tabiak dong urang nong blei labaih 6000 tấn khak drak  bayar lavik harei, padang kadung jien dong urang nong hu jiak 4 tỷ đồng, brei mesraiy ka 24 dự án song 152 boh sang ni patagok KT. Ong  Nguyễn Văn Xuân, phó chủ tịch kapul urang nong tỉnh Đắc Lắc brei thau

Tapa 15 tanut pakacah, hu jao ka dom huyện thị song thành hội, cơ bản dom tanut hu ngak bloh. Min urak ni dok 2 tanut bo tỉnh hội dok pataom tame tacei ba, kasa lac tanut ka bruk tagok urang hội bahrau. Anak tal harei 14/10, tỉnh hội hu peih mbang pakacah duah thau ka hukum ka Tài nguyên môi trường, tal quý 4, bilan 12, tỉnh hu peih ngak Kapul pakacah urang nong pakacah mbang ka 4

2/ Hadei di 2 thun peih ngak, bruk “urang nông ngak mbang pablei salih naih joi” TỈNH GIA LAI pachreih hu labaih 85 ribau hội viên urang nông hu mbaok tame, rik daong ngak brei salih barau gah ngak nông puk palei. Dalam tỉnh urak ini hu labaih 35 ribau baoh sang mek hu angan baoh sang ngak mbang pablei salih joi pakat cơ sở, 16 ribau baoh sang mek hu angan pakat tỉnh saong labaih 300 baoh sang mek hu angan pakat TƯ.

3#/ “Karja Đà Nẵng tuk halei jeng nao gam haong bruk patagok khang kajap di DN, kayua bruk ngak, kayua rai duik di urang ngak”  lac thông điệp hu urang pang akaok ban Đà Nẵng ba tabiak di Lễ pok meyaom DN iek glang siam ka rai duik urang ngak, kayua Liên đoàn LĐ ban ĐN peih harei 11/10 pahadar harei DNVN. Dự lễ pok meyaom hu 150 urang lac DN, lambaok công đoàn mai meng 42 DN iek glang siam di abih ka urang ngak di ban ĐN

“Ni lac bruk biak prong glong  ka công đoàn song Công ty, buh pren khang ka công đoàn peih ngak siam jang song iek glang siam jang ka rai duik urang ngak. Dahlau di abih lac  bruk ielk glang rai duik, bruk ngak ka urang ngak khik hu bruk ngak tani tanat song jien bilan dak harei dak tagok ka urang ngak”.

4/ Tui Chi cục raong glang saong Thú y Thừa Thiên - Huế, meng bilan 10/2016, tỉnh peih bruk daong dom labik sik ngak ralo athur pandar “công nghệ hacih, an toàn sinh học saong khik caga môi trường sinh thái”, piah khik kajap hacih sa-at pandap mbang saong langyah o nhiễm môi trường. Tỉnh Thừa Thiên – Huế urak ini hu 32 labik praong sik ngak ralo athur, yaok harei sik labaih 2.500 drei pabui, kabau, limo. Dom drei athur sik ngak ralo bhian pataom di ban sit Huế .

5#/ Tui UB bhap bini tỉnh Khánh Hòa, phun toi hu asal di palao Lý Sơn, tỉnh Quảng Ngãi hu urang di labik ni ba tame pala iek di xã Ninh Vân, thị xã Ninh Hòa, tỉnh Khánh Hòa atah di ni 10 thun. Urak ni , phun toi Lý Sơn lagaih song langik tasik taneh riya di bhum taneh cuah tapen tasik di puk palei song brei kein liba glong. Tui kuhria di karja huyện Vạn Ninh, tỉnh Khánh Hòa, urang nong tui kuhria mek hu liba labaih 200 triệu đồng sa ha yaok vụ.

6/ Meng phun jien dak padang cơ bản, ban Phan Rang-Tháp Chàm, tỉnh Ninh Thuận hu buh tabiak labaih 14,5 tỷ đồng padang ngak sang bac Trung học Văn Hải 2, di khu phố 6, phường Văn Hải. Mblang sang bac praong abih tih 3.106 m2, hu 14 duk bac, duk chức năng saong dom duk karei karei… Tui kuhria công trình hu ngak salah bloh di bilan 2/2017, pabak bruk bac daa ka jaik 900 anek saih daok di puk palei.

7#/ Tal tuk vak ni, abih bruk kuhria caga ka Lễ hội ilamu  du lịch Dinh Thầy Thím thun 2016 hu UB bhap bini ban sit La Gi, tỉnh Bình Thuận hu ngak salah bloh, daok caga raok tuai damuia mai main. Lễ hội ilamu du lịch Dinh Thầy Thím 2016, hu rah tabiak dalam 3 harei meng harei 14 tal harei 16/10 (njauk tame harei 14,15,16 bilan 9 tui saka ia bilan). Ong Trần Thanh Quế - Phó Chủ tịch Ủy ban bhap bini ban sit La Gi, Trưởng Ban peih ngak lễ hội ilamu – du lịch Dinh Thầy Thím brei thau, tui kuhria yaok thun, di labik ni raok labaih 600.000 tuai damuai dalam song langiu negar.

Patui di ini dom khau tin dunya:

8/ Harei 11/10, di pabah mbang negar Pa Vất (Pavat), tỉnh Svay Riêng, Campuchia jaik saong pabah mbang negar Mộc Bài, Tây Ninh, Việt Nam  rah tabiak bala angaok jalan mbak ngak 54 urang njauk rambuah. Tukvak 6 tuk 30 mesup sruh radaih pajeng urang nao ngak di sa xí nghiệp jaik pabah mbang negar ini kayua nduac samar nan ye njauk bala ngak ka taong abih urang dalam radaih njauk rambuah, biak patuah oh hu urang metai. Dom urang njauk rambuah hu ba nao tal dom sang iek ruak jaik di nan.

9#/ Phó Thủ trướng Thái Lan Tha-na-sặc (Thanasak) brei thau, meng akaok bilan 10 thun 2016, tuai du lịch TQ nao dom tour trọn gói meda bayar takik di abih 1 ribau bạt ka sa harei. Quy định ni hu peih ngak tui paka 31, hukum tacei ba ka bruk kinh doanh tour du lịch B.E. 2551. Bruk ba tabiak yaom thu tối thiểu lac sa binah dalam bruk kham merat di rajaei TL piah klak dom tuor du lịch oh abih jien meng TQ piah pasiam chất lượng song thaot binguk di du lịch Thái Lan.

10/ Harei 11/10, urang dang akaok 3 taneh ia  Ai Cập, Hy Lạp saong Cộng hòa Síp njauk hatai patagok talei pambuak bruk piah langyah bruk urang di cư, lac bruk sangka oh lac di 3 taneh ia bo taong abih bhap bini dunya, abih di nyu nan lac châu Âu. Thỏa thuận mek hu di mbang nyaom pakat glaong di abih mbang ka 4 dalam 2 thun tapa di Tổng thống Ai Cập En Si-si, Thủ tướng Hy Lạp A-lê-xítx Tsíp-rátx saong Tổng thống Síp Ni-cốtx A-nátx-ta-xi-a-đétx, di ban ine Cai-rô di Ai Cập./.