1#/ Jalan padang ngak Khu kinh tế Đông Nam Quảng Trị tỉnh Quảng Trị tal thun 2035, pamong tal thun 2050 bahrau hu Thủ tướng rajaei mbaoh tangin brei adat ngan saong bruk padang ngak Khu kinh tế Đông Nam Quảng Trị jeng labik patagok KT sami samar, khang kajap, lac pasak pachreih hu bruk đầu tư song pasak pajeng ba pandap panda di bhum song khu vực, kak kajap  bruk patagok song khik caga quốc phòng, an ninh. Labik padang ngak nan praong jiak 24 ribau ha, dalam nan hu taong abih taneh hành chính di 17 xã, ban sit di gah Đông Nam di tỉnh Quảng Trị, di dom huyện Hải Lăng, Triệu Phong song Gio Linh. 

2/  Urak ini, taneh ia drei hu jaik 600 ribau doanh nghiệp daok ngak bruk. 9 bilan tapa, hu gilac 91 ribau doanh nghiệp tut angan padang barau. Tukvak tapa, dom doanh nhân, doanh nghiệp VN hu ralo rik daong tame bruk patagok di nền kinh tế ngan saong jaik 40% GDP yaok thun, ba bruk ngak ka yaok ribau urang ngak, rik daong langyah dom bruk XH ka taneh ia. Dalam nan, hu ralo doanh nghie65ppadang hu dom angan je praong dalam khu vực saong di dunya.

3#/ Harei 12/10, UB bhap bini tỉnh vĩnh Phúc hu peih bruk taom gaok dom DN dalam tỉnh, pahadar 71 thun harei DNVN ( 13/10). Dom thun tapa, dom DN di tỉnh Vĩnh Phúc dak harei dak khang meng số lượng tal chất lượng,rik dong tame bruk patagok KT XH di tỉnh, dong ba bruk ngak ka urang urang ngak. Urak ni, dalam tỉnh hu labaih 7.100 DN tut angan padang tagok tui hukum DN

4/ Tal urak ini, tỉnh Bình Định hu jaik 5.300 doanh nghiệp daok ngak di dom gah. Dalam 9 bilan di thun 2016, tỉnh Bình Định hu brei harak chứng nhận đầu tư ka 600 doanh nghiệp padang ngak barau ngan saong yaom phun jien tut angan abih tih jaik 2.500 tỷ đồng, tagok labaih 25% duk saong thun dahlau. Urak ini dalam tỉnh pachreih hu ralo tập đoàn, gah đầu tư praong mai ngak mbang pablei salih dalam dom gah. Ong Hồ Quốc Dũng, akaok Ủy ban bhap bini tỉnh Bình Định brei thau: “Piah patui daong dom doanh nghiệp, doanh nhân, dalam tukvak tal, tapa dom sarak, dom ngành, dom puk palei dalam tỉnh daok klah rabha saong daong palagaih ka dom doanh nghiệp, gah đầu tư mai ngak mbang di Bình Định”.

5#/ Meng thun 2006 tal ni, tỉnh Bình Phước hu 820 anek saih nao bac tui jalan cử tuyển di dom sang bac cao đẳng, đại học dalam song langiu tỉnh. Anek saih hu cử tuyển dalam dom sang bac đại học, cao đẳng, min oh nao bac, eng drei klak bac, bac oh đạt yêu cầu atau njauk kỷ luật brei padeih bac lac 232 adei. SV bac tamat bloh lac 220 adei, dalam nan hu 184 adei hu bruk ngak. Dok veik hu Sở pato megru ngak danh sách payua Sở Nội vụ song Ủy ban bhpa bini dom huyện, ban sit pambuak bruk ba brei bruk ngak.

6/ Melam 12/10, Hội Liên hiệp dam dara Việt Nam tỉnh Vĩnh Long PEIH BRUK TAOM MBAOK PAHADAR 60 THUN HAREI  HỘI LH DAM DARA VN (15/10) SAONG HAREI PATAOM SAP DAOH DAM DARA BANGSA KHMER – HOA TỈNH VĨNH LONG mbang ka V thun 2016. Dom thun tapa, dom pakat hội dalam tỉnh hu peih ngak labaih 300 công trình, bruk ngak dam dara, rik daong saong puk palei peih ngak salah dom tanut padang ngak palei pala barau saong văn minh đô thị, pachreih hu labaih 20.000 mbang urang hội hu mbaok tame.

7#/ Di Đền Đông Cuông, xã Đông Cuông, huyện Văn Yên, tỉnh Yên Bái bahrau rah tabiak Lễ hội Lisei bahrau. Ni lac rija di mik va bangsa Tày Khao piah thau dar phol po yang, amuk kei daong brei sa thun hajan siam hangin lagaih, pala drak njauk. Ni jeng lac tuk tuk piah ka tuai damuai atah jiak mai likau patuah, jamo, likau hu siam mekre song dom urang puk palei mai taom gaok, bac megru ilamu song gauk dalam bruk ngak nong  ,  pato pakai anek taco, khik ramik song patagok ilamu meng kan di urang Tày Khao. 

Patui di ini dom khau tin dunya:

8/ Đại sứ quán Việt Nam di Prang hu peih sa var taduan mek rup thaot chân dung Chủ tịch Hồ Chí Minh. Ini lac pandap alin di nghệ sĩ Bu-ta-gin, sa urang Prang asal An-giê-ri alin bhap bini VN. Rup cih khổ 1m x 0,8m hu ngak tabik meng mẩu ba-ar sit hu cakak tabiak meng dom tạp chí in màu, hadei di nan hu ghép veik saong mbat tagok ba-ar biak gheih, ngak jeng sa tác phẩm nghệ thuật gheih mekre.

9#/ Labaih 124 triệu menuac di dunya hu truy cập tame YouTube piah mong iek mbang tranh luận ka 2 di 2 urang tabiak ứng cử Tổng thống Mỹ lac tỷ phú Đô-nan Trăm song urang dahlau deih ngak  Ngoại trưởng, lac amuk Hi-la-ri Clin-tơn, dalam tuk hu 63 triệu urang tui iek bruk ni tapa truyền hình. Urang mong iek patom rilo di abih di Canada, Mexico, Australia, Anh song Việt Nam. Amuk Hi-la-ri Clin-tơn taduan hu 25.000 urang tui iek, dalam tuk ong Đô-nan Trăm hu 16.000 urang.

10/ Sa ruah duah di dom urang ilamu Mỹ brei mboh, jhui mbang sara tapa 2 ribau 300 miligram yaok harei (sa chung cà phê). Hiệp hội tim mạch Mỹ barau ini hu kakei, yaom lac sara lac sa dalam dom janih dinh dưỡng  ka rup pabhap, tok di mbang labaih 1 ribau 500 mg sa harei, pambuak saong bruk mbang huak siam; ralo baoh kayau patau saong baoh karaoh, ia. Tui dom urang ilamu, lượng Nati dalam rup pabhap meblah jaik 75% hu iek lac siam mekre./.