1/ Harei 12/1 Tổng Bí thư Nguyễn Phú Trọng song kapul pakat glong VN nao rivang TQ, 2 Tổng Bí thư brei mboh hatai bui sambai ka bruk patagok khang kajap song tong yaomtalei pambuak bruk 2 đảng , 2 negar dalam tuk vak tapa, njauk hatai ndom lac dalam tuk vak dom bruk khủng hoảng song srau kadau dok rah tabiak di rilo labik di dunya urak ni, ye bruk patagok srom mbon song dom jak jeng bo VN song TQ mek hu, hu makna biak prong ka bhap bini 2 negar

2/ Meng harei 17 tal harei 19 bilan 1 thun 2017, palei ilamu – DL dom bangsa VN (Đồng Mô, Sơn Tây, Hà Nội) hu peih danak dak “papaok pay nung hijao gam saong urang kan kathaot mbang tết “ngan saong kadha “Góp tình – trao tết”. Danak dak “Papaok bay nung hijao gam saong urang kan kathaot mbang tết” lac bruk ngak hu makna, lac tuk piah dom rai rah urang VN brei mboh bruk jum pataom, daong ba gauk, patagok bruk hala siam pacang hala tahak, klah rabha bui sambai uan rok tết anit ranam, pamaong tal sa thun barau siam mekre.  

3/ Labaih 200 gian hàng di 150 doanh nghiệp dalam negar song Thái Lan hu mbaok tame Nyaom darak pasa thun 2017 kayua sở Công thương ban  Đà Nẵng peih ngak bahrau peih tabiak di Cung Thể thao Tuyên Sơn.  Dom pandap hu mbaok di darak pasa biak siam yau: khan aow, điện tử, rilaow, ia giải khát, bingu phun cảnh thủ công mỹ nghệ, nhu yếu phẩm, pabak dalam tuk tết nguyên đán. Nyaom darak pasa xuân Đà Nẵng 2017 piah duh ka bruk blei pandar di urang, pablei salih pandap panda, duah thau darak pasa di DN dalam tuk Tết Nguyên đán.

4/ Yaom lac, urak ini hu 9/13 tỉnh hu sang iek ruak lao saong sang iek ruak phổi,, dom ilamu bahrau duk iek drah hu peih tabiak, piah samar thau lac urang ruak lao saong lao oh pang jru, khik ramik saong tui iek hu siam lagaih. Min, bruk pacang cakak lao di dom labik jeng oh ka hu siam yau hatai caong khin, abih di nyu nan lac bhum Tây Nam Bộ, dom urang ruak lao barau, jeng daok di tanut glaong.    

5/ Tết Nguyên đán anek sak munuk 2017, Liên đoàn Lao động tỉnh Kon Tum hu peih ngak rilo bruk piah iek glang Tết ka urang ngak, viên chức lao động hu rai duik kan kandah yau : brei 400 pok pandap, yaok pok 500 ribau đồng, jao 3 boh sang mái ấm công đoàn yaok boh sang  yaom 30 triệu đồng, peih harei pataom ngak har chưng xanh di xã Đăk Na, huyện Tu Mơ Rông

6/ Piah daong ka yaok urang, yaok sang jeng hu tết, tỉnh Cà Mau buh tabiak labaih 32 tỷ đồng piah nao rivang, pataom mbaok, alin hadiah pandap tết anek sak menuk 2017. Dalam nan, labaih 27 tỷ đồng piah blei pandap tết brei ka dom urang hu mbang tui sarak karja. Cambaih laih nan lac, urang sarak hu TƯ alin pandap janih sa saong janih dua, tỉnh hu alin pabak tame 200.000 đồng sa urang; ngan saong urang sarak oh hu TƯ alin pandap, tỉnh hu alin 300.000 đồng sa urang.

7/ Tui Sở Lao động - Thương binh và Xã hội tỉnh Đồng Nai, dalam tuk Tết Nguyên đán anek sak menuk anak tal, tỉnh hu labaih 162 ribau urang taduan hu pandap tết. Dom urang hu dong brei lac urang hu buh pren yava ka taneh ia, boh sang kan, jiak si kan kathaot, urang dok dalam sarak bảo trợ XH, urang dok mbang jien hưu song trợ cấp bảo hiểm xã hội, anek saih bangsa takik dok bac di dom sang bac pato bruk ngak di tỉnh, urang oh hu labik dok song 1000 học viên di labik điều trị njien jru phien. Yaom dong meng 200 ribau tal 5 triệu đồng, tagok meng 11 tal 25% dut song thun bloh.

Patui di ini dom khau tin dunya:

8/ Di tỉnh Viêng chăn, Lào, sang iek ruak chỉnh hình saong phục hồi chức năng Đà Nẵng hu alin hadiah ka pasak chỉnh hình saong phục hồi chức năng 686  di taneh ia Lào dom pandap piah ngak tangin takai ja, tui yaom jien abih tih 2 tỷ 200 triệu đồng. 

9/ Takik di abih 7 urang metai song 25 urang karei njauk rambuac hadei di tuk sa sruh radeih pajeng tuai laik trun takai ceik di bhum Ca-sơ-mia. Tui hãng tin A-R-Y (ARY) của Pa-ki-xtan, radeih pajeng 32 urang ni meng ban ine I-xla-ma-bát di angaok jalan tal labik Pha-ua Ca-hu-ta. Bala rah tabiak di sa khúc cua di bhum ceik Ha-gi-ra tuk radeih ginuh tame. Dom urang njauk rambuac dalam nan hu urang kamei song uranaih hu ba tal sang iek ruak. Dalam nan hu dom urang dok dalam nguy kịch.

10/ Mintri ngak nông TQ barau brei thau sa mbang tamuh jit ruak cúm menuk ada H5N6 barau di trang trại raong glang di tỉnh Hồ Nam, gah meraong TQ, ngak metai labaih 1 ribau drei menuk ada. Ini lac mbang tamuh jit ruak cúm menuk ada ka 5 di taneh ia ini kuhria meng bilan 10 thun bloh./.