1#/ Di Phủ Chủ tịch, beir harie 13/10, akaok negar  Trần Đại Quang taom mbaok kapul urang mai hu mbaok dalam nyaom biai pakat negar PATAOM IEK VEIK (tamat bruk ) 5 thun mbang ka 4 bruk “ urang dahlau deih ngak bol lin dong gauk patrun kan kathaot, ngak KT naih joi” tuk vak 2011-2016. Hu mbaok di mbang taom gaok hu 90 urang lac  Anh hùng lao động, hội viên sản xuất, ngak mbang naih joi di Kapul urang dahlau deih ngak bol lin . Akaok negar Trần Đại Quang lac: “Kapul urang dahlau deih ngak bol lin song dom pakat hội brei pambuak kajap song dom pakat, dom gah, hu jalan dong  urang hội patagok ilamu, pato bruk ngak , dong ka urang hội hu mesraiy dom phun jien song jalan pandar dom phun jien hu kein laba, dong alih jalan KT, janih phun pala, athur rong tui jalan ngak tabiak pandap piah pablei.

2/ Di sang QH, biar harei 13/10, phaok akaok QH Phùng Quốc Hiển hu taduan kapul urang nông naih gheih dalam negar thun 2016. Ini lac dom kreih camin dalam ngak mbang pablei salih, lao động sáng tạo, padang ngak palei pala barau saong khik caga chủ quyền taneh ia palei negr. Di var taduan rok, phaok akaok QH Phùng Quốc Hiển ndom lac, ala bruk tacei ba di đảng, urang nông VN tuk halei jeng lac urang kham merat, tari tarieng. Phaok akaok jeng taong yaom glaong dom rik daong praong di urang nông VN dalam bruk salih barau saong patagok taneh ia urak ini.  

3#/ Thun 201, piah peih ngak hukum pacang caga bala meng lingik tasik, rajaei hu tabiak sarak 94 tacei bruk padang ngak song khik ramik kadung jien pacang caga bala meng lingik tasik. Hadei di 2 thun tabiak rai mbiah tal urak ni hu 42 dalam 63 tỉnh, ban padang jabat khik ramik kadung jien pacang caga bala meng lingik tasik min bahrau hu 28 tỉnh peih bruk thu quỹ, abih tih yaom jien mek tame bahrau hu 295 tỷ đồng.

4/ Tapa pasang iek, duah thau baoh sang kan kathaot, baoh sang jaik si kan kathaot tui chuẩn kathaot tiếp cận ralo gah thun 2016, urak ini HN hu 65.377 baoh sang kan kathaot, meblah 3,64% abih tih dom baoh sang dalam ban. Dalam nan bhum palei pala hu labaih 60.000 baoh sang kan kathaot, meblah 5,6% dalam abih tih dom baoh sang bhap bini dalam bhum. Di 14 xã bhum ceik, bhum urang bangsa takik hu 3.728 baoh sang kan kathaot, meblah 13,38% dalam abih tih dom baoh sang.

5#/ Danak dak “ Boh sang công đoàn” hu dom pakat công đoàn tỉnh Yên Bái sangka jhul pakhang. 3 thun tapa meng 1 tỷ đồng ieu pataom hu, jiak 50 boh sang đoàn viên, urang ngak viên chức lao động kathaot, kan kandah ka sang dok, sang taik tahah hu dong ngak bahrau, pasiam veik sang. Ni lac bruk hu makna, dong ka dom urang đoàn, urang ngak viên chức lao động kathaot, hu rai duik kan kandah yam tagok dalam rai duik, kham merat ngak siam bruk hu jao brei

6/ Peih bruk dak padang “baoh sang, but pajaih takre bac daa”, tal urak ini taong abih xã, phường, ban sit dalam tỉnh Cao Bằng hu kapul pachreih bac. Dalam tỉnh padang hu 199 pasak bac daa cộng đồng di xã, phường, ban sit, pachreih hu labaih 30.000 mbang urang mai ruah duah, bac daa.

7#/ Tỉnh Lâm Đồng, urak ni hu jiak 8000 doanh nghiệp tut angan tame pablei salih. Min rilo meng lac dom DN mbiah song sit, min yaok thun mek hu yaok ribau tỷ đồng, dong bruk ngak ka labaih 21.000 urang song rik tame labaih 60% yaom jien mek tame di kadung jien karjar tỉnh, rik dong ka bruk patagok KTXH di puk palei. Tỉnh LĐ kham merat tal thun 2020, hu labaih 10.000 DN tut angan tame ngak mbang pablei salih, dalam nan hu takik di abih 9.000 doanh nghiệp ngak mbang hu kein liba

Patui di ini dom khau tin dunya:

8/ Mintri Ngoại giao Nga brei thau, Mỹ daok peih ngak sarak tiêu thổ pambuak tal Nga dalam dom bilan puac abih di nhiệm kỳ di Tổng thống Mỹ Ba-rắc Ô-ba-ma. Brei panuac saong báo chí harei 13/10, urang brei panuac mintri ngoại giao Nga Ma-ri-a Da-kha-rô-va ndom lac, ini sa bruk ngak “nguy hiểm”. Amuk Da-kha-rô-va ndom Mỹ daok pacang cakak bruk giải ngân ka dom dự án di Nga meng Quỹ tiền tệ dunya saong gilang pariak dunya. Amuk Da-kha-rô-va ndom lac “Jui thei sahneng lac meda kateik greik hu Nga, dalam nan hu dom urang ngak praong Mỹ urak ini atau dom urang ngak praong patui di nan.

9# Karja bang Phlo-ri-đa (Florida) di Mỹ tabiak panuac lac, hu mboh sa labik njom Zika bahrau di hạt Mai-a-mi Đết (Miami Dade) di bang ni, saong daok pachreih rajaei liên bang tagok bruk dong jien, piah pacang caga bruk tamuh jit ruak. Thống đốc bang Phlo-ri-đa Rích X-cốt (Rick Scott) brei thau hu 5urang bahrau dalam nan hu 2 urang kamei song 3 urang likei njom Zika di gah barak khu phố  Lít-tồ Hai-ti (Little Haiti).. Kuhria tal tuk vak ni, urak ni hu labaih 1000 mbang njom zika di Phlo-ri-đa.

10/ PATAO Thái Lan Bu-mi-pôn A-đu-lay-đệt metai di sang iek ruak Siriraj (Bangkok) di tukvak 15 tuk 52 minit biar harei 13/10. Hadei di tuk jabat ngak bruk Hoàng gia TL brei thau bruk ini, yaok ribau bhap bini TL oh pacang hu ia meta  Bhap bini TL iek patao Bhumibol yau po yang saong bruk metai di patao ngak ka bhap bini pandik harao. TL brei tuan dok rủ 30 harei meng harei 14/10 dalam taneh ia saong caik tang nhà vua sa thun./.