1/ Dalam mbang nao rivang, ngak bruk song Quân khu 4 song tỉnh Nghệ An di tuk tết meng kan, Akaok negar ong Trần Đại Quang hu nao rivang song brei pandap ka urang kan, boh sang dalam sarak karja di 2 xã Nam Giang, Nam Lĩnh, huyện Nam Đàn. Akaok negar Trần Đại Quang tong yaom glong urang dang akaok tỉnh Nghệ An, huyện Nam Đàn hu sangka iek glang song hu rilo bruk ngak cambaih laih dong ka dom boh sang sarak karja, boh sang kan, urang njauk jru klik kruac, pok meyaom dom kapul nyaom, urang ngak pahla hu rilo bruk “ thau dar phol” “ menyum ia hadar halau ia” meng bruk pahla piah dong patrun dom khat lihik, kan kandah, dong ka dom boh sang bui sambai raok tết

2/ Gam ba tangin tame kuhria tết ka bhap bini bhum atah bayah, bhum urang bangsa takik, Đoàn dam dara Sở ngak nông patagok palei pala tỉnh Đắk Lắk pambuak bruk saong klup kapul prten ranaih ban sit Buôn Ma Thuột peih danak dak “Xuân halan hatian – tết anit ranam” alin hadiah 5 drei limo binai menek daong ka 5 baoh sang bhap bini kan kandah saong alin hadaih 60 paok pandap ka baoh sang doma dei anek saih kan kathaot daok di xã Bông Drang, huyện Lăk. Ông Y Đức Thek, sa dalam 5 baoh sang taduan hu limo lac: “Tết ini taduan hu limo drei biak bui sambai. Hu sa drei limo yau ini drei kham merat raong piah patagok kinh tế hadei ini”.

3/ Jeng hadei di tuk hu karja dong 577 tấn brah, tỉnh Kon Tum hu peih bruk parabha ka dom huyện, ban piah brah hu mai tal tangin urang meng di tuk dahlau tết. Ngan song yaom dong 15 kg sa urang, jeng dalam mbang ni hu labaih 9,700 boh sang song jiak 38.500 urang di tỉnh Kon Tum hu brah dong di rajaei piah pacang eik lipa

4/ Danak dak Tết Việt barau peih tabiak di sang ilamu dam dara ban raya HCM. Danak dak tết Việt hu rah tabiak meng harei 15 tal harei 30/1/2017. Kadha barau di danak dak tết việt thun ini lac parang iek phố lồng đèn.

5/ Urak ni, dom cơ sở, boh sang ngak ikan thu hu angan je di ban sit Trần Đề, huyện Trần Đề, tỉnh Sóc Trăng dok tame bilan tabung glong pablei tết Nguyên đán. Ong Lê Văn Dũng po cửa hàng ikan thu Dũng Phượng urang hu jiak 20 thun gam song bruk ngak, pablei salih ikan thu tasik di labik ni khan lac, jiak tết, cơ sở di ong taduan hu rilo đơn đặt hàng di tuai

6/ Piah daong ka công nhân sambai uan rok tết anek sak menuk, tỉnh TG hu peih danak dak daoh tamia “uan rok tết gam saong công nhân, uan Đảng, uan thun barau jum pataom” di KCN Long Giang (huyện Tân Phước), Cụm công nghiệp Trung An (ban sit Mỹ Tho) saong Khu công nghiệp Tân Hương (huyện Châu Thành). Tapa nan, Liên đoàn Lao động tỉnh daok hu alin hadiah labaih 2.000 paok pandap tết ka công nhân lao động gaok kan kandah; alin hadiah sang “mái ấm công đoàn” ka 39 công nhân kan kathaot.

7/ Đồng Nai lac tỉnh hu tapon pabui prong abih ngan song 1 triệu 800 ribau drei. Dalam dom harei tapa, yaom pabui trun beir, dok labaih 26 ribau đồng sa kg pabui hơi, beir di abih dalam 10 thun ni mai. Meyah BRUK INI DAOK DUI ATAH, RILO URANG RAONG PABUI MBUAN LAIK TAME JALAN PATIH TANGIN. Yaom lac pabui trun yaom biar, min urang blei mbang jeng daok blei ralo pabui yaom glong. Ni lac nghịch lý khang dalam bruk pablei salih urak ni.

Patui di ini dom khau tin dunya:

8/ Gam bui sambai di bhap bini dalam taneh ia saong kiều bào drei dalam dunya, bhap bini urang CPC asal VN hu peih var taom mbaok salam uan thun barau anek sak menuk 2017. Ong Châu Văn Chi, akaok Tổng hội urang CPC asal VN brei thau, yaom lac daok atah palei negar, mikva Việt Kiều di CPC tuk halei jeng khik ramik dom adat cambat tanarakun, ilamu di anek menuac VN, abih di nyu nan lac tết cổ truyền di bangsa.

9/ Crô-oát-ti-a tabiak panuac lac negar ni bahrau duah mboh chủng vi rút menuk ada H5N8 di tapon ada di sa trang trại atah di ban ine Da-gréps (Zagreb) 30 kilômét nao gah Đông Nam. Mintri ngak nong song patagok palei pala Crô-oát-ti-a brei thau: hu peih bruk am cuh klak tong abih tapon menuk ada di dom trang trại atah di sruh jit dalam bán kính 3 kilômét song hu bayar jien ka dom po trang trại hu tapon ada am cuh klak

10/ Giám đốc jabat pacang cakak saong patrun bala langik tasik Thái Lan Chát-chai Prôm-lớt brei thau, TL daok pasang mbaok saong ralo kan kandah tuk ia sua di gah meraong ngak khat lahik ka pasak pala cao su saong dom bruk  DL./.