1/ Beir harei 16/1 Tổng Bí thư Nguyễn Phú Trọng taduan raok  Thủ tướng Nhật Bản Shinzo Abe dok mai rivang VN. Tổng Bí thư tong yaom glong  phun jien ODA bo Nhật bản brei ka VN dalam dom bruk yau padang ngak cơ sở hạ tầng chất lượng glong, patagok gah ngak cong, pambuak bruk ngak nong, cakak song biến đổi khí hậu, pato pakai urang hu chất lượng lgong. Tổng Bí thư ndom lac dom mbang nao rivang di urang pang akaok 2 negar meda lac sa bruk pambuak talei rohim di bhap bini Việt Nam - Nhật Bản.

2/ Công ty Cổ phần mblang radaih Huế barau peih bruk duh tết nguyên đán anek sak menuk. Dalam dom harei tabung glaong, Công ty Cổ phần mblang radaih Huế pambuak bruk saong dom doanh nghiệp patagok jaik 50 radaih yaok harei piah duh tuai damuai nao mai tuk tết. Di var tabiak bruk duh tết nguyên đán anek sak menuk, dom mblang radaih pajeng tuai damuai saong doanh nghiệp pajeng ba hu mbaoh tangin sanya lac taong abih tuai damuai mai tal mblang radaih dalam dom harei tabung glaong tết jeng hu ginup radaih nao mai. Dom pô radaih sanya oh pajeng quá tải, nao njauk tuyến, oh brei tuai damuai trun tagok radaih karei.

3/ Di Bạc Liêu dom mbang hajan prong suan bilan dui atah rilo tuk vak gam song ribuk prong hangin khang ngak jaleih song par tabung jiak 60 boh sang bhap bini dok di  phường Nhà Mát, ban Bạc Liêu song xã Vĩnh Thịnh, Vĩnh Mỹ A, huyện Hòa Bình.Dalam nan hu 6 boh sang jaleih abih song labaih 50 boh sang par tabung, tui kuhria khat lihik jiak 800 tire65u đồng. Hadei di tuk rah tabiak, karja puk palei hu brei menuac tal labik dong ka mik va pasiam veik, padang veik sang piah samar tanit tanat rai duik, bui sambai, raok tết.

4/ Meng kreh bilan mat tal urak ini bingu kiểng di bhum taneran kraong Cửu Long tagok yaok harei. Tui nan, bingu vạn thọ di bein, yaom meng 80 tal 100 ribau đồng sa gu sa chậu, cúc Hà Lan meng 100 ribau đồng sa gu sa chãu; daok kiểng mai dom janih, yaom biar abih jeng labaih 200 ribau đồng sa chậu, bingu giấy labaih 150 ribau đồng sa chậu, tắc kiểng labaih 150 ribau đồng sa chậu …. Tagok meng 20 tal 30% duk saong thun bloh.

5/Chi cục khik ramik darak pasa tỉnh Đắk Nông dok pambuak bruk song dom gah chức năng peih mbang tabung glong mesruh pacang buôn lậu, bleik saleik dalam pablei salih song pandap ja dahlau, dalam song hadei tết nguyên đán anek sak menuk 2017. Jalan ngak tabung glong di Chi cục khik ramik darak pasa tỉnh Đắk Nông lac pacang cakak dom bruk buôn lậu, pajeng ba pandap panda suan hukun, pablei salih pandap ja, pandap kém chất lượng, abih di nyu nan lac dom janih pandap pandar rilo dalam tuk tết

6/ Rik pren daong ka bhap bini kan kathaot hu bilan xuân bui sambai, UB MT negar tỉnh Tiền Giang gam saong Mban Trị sự phật giáo tỉnh barau brei kapul nao rivang, alin hadiah pandap tết ka 1.600 baoh sang kan kathaot daok di 20 xã di 4 huyện gah pai di tỉnh nan lac:  huyện Cái Bè, Cai Lậy, Châu Thành saong Tân Phước. Yaok paok pandap yaom 300 ribau đồng kayua Ban Trị sự Phật giáo tỉnh jak ba dom phật tử, urang ngak pahala daong brei.

7/ Harei 16/1, sang iek ruak Nhi Đồng ban raya HCM di labik 15,  jalan Võ Trần Chí, xã Tân Kiên, huyện Bình Chánh hu peih pambang ngak brukr hadei di 2 thun padang ngak. Ni lac sang iek ruak uranaih prong abih labik gah merong song lac danak dak prong di gah Y t. Sang iek ruak hu padang ngak di angaok taneh prong labaih 12 h, hu 1000 papar ndik, tong abih phun jien buh tame ngak 4 ribau 500 tỷ đồng, hu 10 balik chức năng song 39 khoa lâm sàng, , cận lâm sàng.  Abih di nyu ni lac sang iek ruak akaok meti hu  khoa y học hạt nhân song  khoa xạ trị piah iek ruak ka uranaih ruak ung bướu

Patui di ini dom khau tin dunya:

8/ Urang vak di rayo sap ndom VN daok di CPC brei thau: kapul ngak bruk Đại sứ quán Việt Nam harei kabroi 16/1 hu nao pachreih ba, rivang sua saong daong mikva Việt kiều di huyện Lớt Đét , tỉnh Còn-đan samar tani tanat rai diuk hadei di tuk rah tabiak sa mbang jaleih haluk ngak khat lahik trak ka drap ar di bhap bini pak nan, dalam nan hu 9 baoh sang lac Việt kiều njauk tayah tayac abih.

9/ Đại sứ quán Việt Nam di Trung Quốc , bahrau peih danka dak tết bhap bini uan raok tết anek sak menuk 2017. Brei panuac di var taom mbaok, Đại sứ đặc mệnh toàn quyền negae  Cộng hòa xã hội chủ nghĩa Việt Nam di Trung Quốc Đặng Minh Khôi chreih chrai salam uan mik va Việt kiều, dom dom doanh nghiệp, anek saih VN hu mai pataom mbaok di Đại sứ quán piah uon raok tết, hadar veik dom jak jeng mek hu dalam dom thun tap, siam mekre dalam thun bahrau, jeng lac tuk piah kak kajap  jang hatai anit ranam gauk di bhap bini, ba gauk pamong tal tanrh ia palei negar.

10/ Sa mbang megei baoh taneh khang 5,7 độ rích te rah tabiak melam ini, ngak megei ban Me-đan  – ban praong abih ka 3 di In-đô-nê-xi-a, palai pajoa ralo sang danaok saong ngak yaok ribau urang tuh tabiak jalan nao nyaik bala./.