1/ Pahadar 70 thun mbang camereip Chủ tịch Hồ Chí Minh puac ariya tadhau yhut tết di angaok riyah lingik rayo sap ndom VN, melam 17/1 rayo sap ndom VN peih danak dak taom gaok ilamu hu angan “ Panuac di taneh ia palei negar” Akaok nagar Trần Đại Quang mai hu mbaok song brei panuac. Akaok negar ndom lac, negar drei bahrau peih bruk  pahadar 70 thun harei taneh ia dang tagok kháng chiến. Song harei ni, khol drei drut droi pahadar 70 thun Chủ tịch HCM puac ariya tadhau yhut tết Đinh Hợi 1947 di angaok riyah lingik rayo sap ndom VN pachreih ba mik va, urang lin dalam taneh ia.

2/ Meng ini tal harei 25/1, di dom khu, cụm công nghiệp di tỉnh Đắk Lắk rah tabiak danak dak “tết sum vầy”. Danak dak hu dom bruk ngak yau alin hadiah pandap, taom gaom ndom meyai nao mai ilamu daoh tamia, thể thao ngak brei bui sambai, chreih chrai ka công nhân viên chức, urang ngak. Hu peih ngak di 4 khu, cụm công nghiệp nan lac, Khu công nghiệp Hòa Phú, Khu công nghiệp Tân An, Cụm công nghiệp Ea Đar saong Cụm công nghiệp M’Đrắk.

 3/ Urak ni, di ban Đà Nẵng, dom labik sản xuất pablei salih sit jeng dok pandar hàn the, phẩm màu song jru bảo quản độc hại.Bruk pasang iek chất lượng hacih saat pandap mbang oh ka siam lagaih kayua dom mẫu dut iek dok takik dut song pandap mbang di angaok darak pasa, gah chức năng kurang pandap hut eik. Anak bruk ni, ong Đặng Việt Dũng, Phó Chủ tịch Ủy ban bhap bini ban Đà Nẵng hu panuac ieu dom gah chức năng pambuak bruk song puk palei tagok bruk bruk tui iek, khik hacih saat pandap mbang dalam tuk tết.

4/ Tỉnh Gia Lai daok patagok dom jalan pacang cakak khuah patuh tuk tết nguyên đán 2017, khik kajap ka bhap bini uan rok thun barau bui sambai, salamat. Tui nan, bruk pasang iek dahlau, dalam saong hadei tết hu thau lac jalan ngak praong dang akaok dalam bruk pacang cakak patuh. Taphia di nan, gah chức năng di tỉnh hu nao pasang iek dom labik mbuan patuh glaong yau, dom pasak pablei salih, siêu thị, cây xăng… Taphia di nan, tacei pato kỹ thuật saong daong dom cơ sở padang lực lượng, cơ sở vật chất, jalan pacang padam khuah.

5/ Tết thun ni, dom po bein di ban raya HCM ba tabiak darak pasa labaih 1,4 triệu chậu mai dom janih. Urak ni, urang mai tal bein blei tong abih bingu di mik va di dom huyện tapen ban raya ngan song yaom glong jang labaih 5% dut song tuk vak ni thun dahlau. Daok bingu lan, thun ni, bingu pala di ban raya oh rilo yau thun dahlau. Yaom yaok phun lan sa dhar bingu meng 40 tal 50 ribau đồng. Dom janih bingu, phun cảnh karei hu yaom mbiah, meng 100 tal 120 ribau đồng sa gu

6/ Tỉnh Tiền Giang, dom harei jaik di ini, kayua hajan dui atah ngak khat lahik praong ka dom palei ngak dom pandap thủ công pablei tết. Khang abih nan lac di palei ngak Hủ tiếu Mỹ Tho, ban sit Mỹ Tho; palei ngak har phồng Đông Hòa Hiệp saong palei ngak ikan thu daok di dom labik tapen tasik.

7/ Hajan khang dui atah rilo harei tapa ngak khutl rilo mblang taneh pala njam patam di Sóc Trăng. Hu labaih 80% mblang taneh lasun tím di Vĩnh Châu duak dalam ia trak. Urak ni karja puk palei song gah chuyên môn ban sit Vĩnh Châu dok samar duah thau bruk khat lihik di lasun tím piah duah jalan dong  ka mik va, dong urang nong samar yam tapa kan kandah piah tani tanat bruk ngak mbang

Patui di ini dom khau tin dunya:

8/ Nyaom meyai Diễn đàn kinh tế dunya thun 2017 hu peih tabiak di ban Davos di Thụy Sĩ. Ngan saong kadha “Urang dang akaok kuhria caga saong hu trách nhiệm”, nyaom meyai mbang ini daok pataom hu urang dang akaok pakat glaong rilo taneh ia saong chủ tịch dom tập đoàn di dunya ginum meyai ka dom bruk kinh tế - patagok saong thời sự dunya. Tui kuhria, kapul VN kayua Thủ tướng Nguyễn Xuân Phúc ba akaok, hu mbaok tame nyaom meyai ini di harei ini 18/1. 

9/ Bruk duah boh kapan haoh MH370 di Hãng kapan haoh Malaysia ala mbat tasik meda  padeih veik bo oh duah mboh hagait kasruh kapan haoh pajeng 239 urang lihik di thun 2014. 3 negar Ôxtrâylia, Trung Quốc song  Malaysia hu pagam tal bruk duah thau boh kapan haoh MH370, hu tabiak panuac lac , yaom lac kham merat ba dom khoa học kỹ thuật siam di abih, min urak ni oh ka duah mboh sruh kapan haoh ni

10/ Akaok mintri Du lịch Gioóc-đa-ni Li-na An-náp brei thau, yaom lac hu dom bruk tấn công, gah DL taneh ia ini jeng mek jien tame hu 4 tỷ đôla dalam thun 2016. Urak ini, DL rik daong 10% ka GDP di Gioóc-đa-ni saong dalam 10 thun tapa mboh hu tiềm năng, gah đầu tư hu buh yaok tỷ đô la tame dom khách sạn di taneh ia Trung Đông ini./.