1/ Lào Cai urak ni hu labaih 150 ribau ha glai dok dalam labik mbuan si khuah, pataom tame 121 bhum taneh dalam tỉnh. Dom labik hu glai bhian khuah yau Sa Pa, Bát Xát, Văn Bàn, Bắc Hà và Bảo Yên. Ong Tô Mạnh Tiến, Akaok Chi Cục khik iek  glai tỉnh Lào Cai brei thau, anak bruk kan kandah di langik tasik, bruk pacang caga khuah glai hu puk palei peih ngak khang. Tapen di nan, jhul pakhang bruk pathau khan, dom gah pacang caga khuah glai di puk palei tui iek luac harei melam, khik ka siam bruk 4 di labik, halan hatain pacang cakak tuk bruk khuah glai rah tabiak. 

2/ Harei 1/12, karja huyện bhum ceik Ba Tơ, tỉnh Quảng Ngãi daok ieu pataom menuac duah urang njauk bala Nguyễn Đức Trọng, daok di xã Tịnh An, ban Quảng Ngãi, urang  ngak di Dự án thủy điện Đắk Re daok di xã Ba Xa, huyện Ba Tơ njauk ia ba seik. Urak ini kapul daong duah urang njauk bala gam saong bhap bini huyện Ba Tơ daok kham merat ruah duah saai Trọng min kayua hajan khang, ia craoh tagok glaong nan ye bruk ruah duah gaok biak kan kandah.

 3/ Bộ tư lệnh bhum cảnh sát tasik 4, harei 1/12, daong hu ka sa kapan ikan njauk haluh, mbuan si kram di angaok tasik, dalam nan hu 10 thuyền viên di angaok kapan hu siam merke. Urang jakar, urang lin kapan CSB 2002 peih dom jalan pacang kram di labik song peih bruk dui kapan njauk bala tame pambah lamnge Bộ tư lệnh bhum cảnh sát tasik 4 di ban sit  An Thới, Phú Quốc khik ka siam menuac urang song drap ar ka urang.

4/ Bruk ia tagok glaong di labik xóm Lăng, palei Phú Lạc, xã Hòa Hiệp Nam, huyện Đông Hòa, tỉnh Phú Yên daok rah tabiak kan kandah, ngak jaleih 100 m ar patau tạm di labik blai kiểm soát Biên phòng Đà Nông di Đồn Biên phòng Hòa Hiệp Nam. Ia tagok glaong ngak ka rai diuk di mikva srau kadau. Amuk Lê Thị Vui, daok di xóm Lăng, palei Phú Lạc, xã Hòa Hiệp Nam, huyện Đông Hòa duh hatai: “Ia ndik glaong dalam melam drei kuhria cap menuk, cap ada. Taong abih bhap bini di labik ini biak rambah, bhap bini khu daih mbang ndih bingi, bhap bini labik ini biak rambah”.

 5/ 11 bilan tapa, bruk kapan ikan song urang tong chap ikan Bình Thuận lih tame bhum tasik negar langiu biak rilo. Hu 21 kapan song 188 urang ngak di ban sit La Gi song huyện palao Phú Quý tame bhum tasik Indonesia  song  Malaysia. Piah patrun bruk kapan ikan song urang tong chap ikan njauk negar langiu chap kreik dalam tuk vak tal. Akaok UB bhap bini tỉnh BT bahrau hu harak pandar Sở ngak nong song patagok palei pala, Bộ đội Biên phòng tỉnh, Công an tỉnh, Ủy ban bhap bini dom puk palei tapen tasik tagok bruk pathau khan ka urang tong ikan, peih dom jalan pacang cakak njauk tuk dom bruk ngak suan, jang yau langyah tacang dom bruk ngak suan tui sarak peih ngak.

6/ Harei kabroi 1/12, Trại giam Sông Cái di Tổng cục 8, mintri Công an, di huyện Bác Ái, tỉnh Ninh Thuận peih bruk brei thau quyết định palao urang guc thun 2016 di akaok negar ka 36 urang guc ngak bruk siam, daok kreikdi trại giam. Hadei di var lễ, urang dang akaok trại giam hu tacei pato ngak harak gar tabiak trại, langyah chế độ, pachreih dom urang guc gilac mai palei, kham merat ngak urang hu kein laba ka baoh sang saong XH.

7/ Yaok thun, Ub bhap bini ban raya HCM hu peih bruk chuh pháo bingu dalam dom harei lễ tết yau 30/4, 2/9, tết nguyên đán song pok jien nan hu XH hóa. Tong abih phun jien ka bruk chuh pháo bingu kayua DN rik pataom labaih 16ty3 đồng yaok thun. Thun ni, ban raya peih bruk đấu thàu ka DN hu mbaok tame peih ngak bruk ni song tong abih jien mek hu labaih 30 tỷ đồng, ginup ka bruk chuh pháo bingu, trang trí jalan bingu, jalan gom ka harei tết anak tal.   

Patui di ini dom khau tin dunya:

8/ Hoàng Thái tử Ma-ha Va-gi-ra-long-con harei 1/12 hu mai tal ban ine Băng Cốc, Thái Lan piah tagok ngak patao. Bruk ini rah tabiak dua harei hadei di tuk Hội đồng Lập pháp negar nan lac Quốc hội Thái Lan hu daa Hoàng Thái Tử ngak patao. Patao barau di TL hu ieu lac Patao Rama 10, tagok rai hadei di tuk patao Phu-mi-phôn A-đun-gia-đệt metai di umo 88 DI bilan 10 meng bloh.

9/ Boh capi cán dài (Cha Pây Dong Veng) Campuchia hu UNESCO pok brei angan lac inem krung ilamu phi vật thể. Amuk Phương Sắc Ku Na (Phuong Sac Kuna), Akaok mintri ilamu nghệ thuật CPC brei thau, di nyaom biai yaok mbang di kapaul pato pakai , Khoa học  song ilamu  Liên hiệp Quốc (UNESCO) hu peih ngak di Ê-ti-ô-pi-a, gah pai Châu Phi, dom urang lambaok hu njauk hatai pok brei boh capi cán dài di CPC lac inem krung ilamu phi vật thể.

10/ Harei 1/12, cố vấn karja gam lac akaok mintri ngoại giao Myanmar Oong Xan Xu Chi hu nao tal Singapore dalam mbang rivanf dui atah 3 harei. Di labik ini, amuk Su Kyi jeng hu taom gaok thủ tướng Singapore Lý Hiển Long, brei thau talei pambuak bruk khang kajap di dua taneh ia./.