1/ Patui danak dak mbang nyaom ka sa, Quốc hội mbang 14, mesup harei 21/7 QH pang Chủ tịch Quốc hội mbang 13 Nguyễn Thị Kim Ngân lambaok Ủy ban thường vụ Quốc hội mbang 13 pathau khan Tờ trình ka dự kiến nhân sự piah QH palih ruah Chủ tịch Quốc hội, Phó Chủ tịch Quốc hội, Ủy viên Ủy ban thường vụ Quốc hội. Beir harei, QH ginum biai, biểu quyết brei tapa danh sách  piah palih ruah Chủ tịch Quốc hội, Phó Chủ tịch Quốc hội, Ủy viên Ủy ban thường vụ Quốc hội.

2/ Dua mintri công thương – jien padai barau brei ramik veik yaom xăng menyek meng 15tuk biar  harei kabroi (20/7). Cambaih laih nan lac, hadei di tuk pandar kadung jien tani tanat xăng menyek, yaom xăng Ron 92 trun 665 đồng sa lít; xăng sinh hoc E5 trun 604 đồng sa lít. Dalam tuk menyek diesel 0,05S, dầu hỏa saong menyek mazút jeng daok khik tamo yaom. Hadei di tuk ramik veik, xăng Ron 92 hu yaom  15.303 đồng/lít; yaom xăng E5 lac 14.843 đồng/lít; menyek diesel 0,05S  yaom 12.298 đồng/lít; yaom menyek gaic 10.667 đồng/lít.

3/ Ngak tui sarak patrun kapan taong cap ikan tapen ar, dalam 6 bilan tapa ban Hải Phòng patrun hu labaih 70 kapan hu công suất ala 20 C, kapan hu công suất prong meng 90CV tagok tong chap atah boh taneh tagok hu 100 sruh. Ông Nguyễn Văn Tân, iek gah tong ikan  xã Đại Hợp, huyện Kiến Thụy, gah padang rilo kapan kanduh pasei dalam mbang ni brei thau;

Peih ngak sarak 67 di rajaei, Đại hợp Kiến Thụy hu parabha brei 4 kapan kanduh pasei. Yaom lac tuk vak kuhria caga dui atah min tuk vak peih ngak samar. Meng tuk ngak kapan song ba kapan trun ia, mik va puk palei biak bui sambai song meng nan mik va biak khang hatai song dar phol đơn vị 67 piah hu kapan ka mik va tabiak tasik

4/ Karei jang yaok thun, padai daok dalam tukvak pacah mbu min abih mblang hamu yaok pluh ha  di palei Phú Thạnh, xã An Chấn, huyện Tuy An, tỉnh Phú Yên hu sambo kanyik thu layau. Dalam hamu, hu urang ini njuk ia, urang daih thaik ia. Ong Bùi Minh Hùng daok di palei Phú Thạnh, xã An Chấn, huyện Tuy An brei thau, baoh sang ong hu buh tabiak jaik 5 triệu đồng blei mac njuk, ba ia, hu mbaok di mbalnghamu njuk ia daong 3 sào padai hè thu.  

5/ Tuk vak tapa, bala angaok jalan mbak song urang metai kayua radeih phaok gauk di tỉnh Lâm Đồng tagok khang. Jabat chức năng tỉnh ni dok tagpk rilo jalan ngak piah pasiam veik. Đại tá Hồ Văn Lai, Trưởng Phòng Cảnh sát giao thông tỉnh Lâm Đồng brei thau:

Kayua tính mạng anek menuac lac praong di abih, langiu dom bruk ngak yaok harei di drei, anak tal khol hulin ginum biai song Ban giám đốc công an tỉnh hu dom jalan ngak, tacei gah cảnh sát giao thông di tỉnh tabiak quân đồng loạt. Khang hatai jhul pakhang dom jalan ngak paglong trách nhiệm di urang thực thi công vụ piah khik caga trật tự an toàn giao thông. 

6/ Harei kabroi 20/7, hu mbaok dalam nyaom meyai trực tuyến pakat negar pataom iek veik thun bac 2015 – 2016 saong peih bruk pato megru mầm non thun bac 2016 – 2017, sở pato megru Đắc  LẮc taong yaom: yaom lac mek hu dom siam mekre, min bruk phổ cập mầm non tui quy định di tỉnh jeng daok ralo kan kandah. Ong Thaái  ăn Tài, phaok giám đốc sở pato megru Đắc Lắc brei thau: “Dalam tukvak tal, sa dalam dom asal bo sở pato megru tham mưu UB tỉnh tacei pato hu tính chất độc phá nan lac ngak jeng hành lang pháp lý, Dom harak ba-ar hành chính siam abih piah pachreih đầu tư tame bruk bac mầm non, nan lac sa dalam dom jalan ngak tui kol dahlak mboh lac khả thi abih saong biak lagaih saong bruk ngak di Đắc Lắc urak ini”.

7/ Urak ni, rilo mblang taneh tangei pajaih Honey10 di urang nong huyện Chợ Gạo, tỉnh Tiền Giang njauk njom ruak sọc hala, ngak brei phun oh tabiak asar. Taeng  xã   Bình Phục Nhứt hu jiak 30 ha taneh tangei njom ruak, dalam nan hu labaih 90% taneh njom ruak meng 50% tagok. Taneh dok veik njauk njom trak, urang nong taKh klak piah nyaih njom anek ruak. Ong Nguyễn Ngọc Vinh, Akaok bilai pala drak khik caga phun pala  huyện Chợ Gạo brei thau:

Tuk rah tabiak bruk nan, khol hulin pambuak bruk song karja puk palei tui iek duah thau. Camereip thau ruak ni ngak patrunl năng suất, oh tabiak boh. Hu panuac likau công ty PAblei asar pajaih brei hu trách nhiệm song urang ong, klah rabha kan kandah song urang nong.

Patui di ini dom khau tin dunya:

8/ Gah DL  negar NB harei kabroi 20/7 brei thau, dalam 6 bilan akaok thun 2016, tuai DL Thái Lan mai tal NB jaik 486 ribau urang, ralo jang 14,7% duk saong thun dahlau. Tui kuhria mboh  di Gah DL negar, abih tih jien mek tame meng tuainegar langiu mai tal NB dalam meteh thun 2016 nan lac 11,7 triệu đô la Mỹ, tralo jang 28% duk saong thun dahlau.

9/ Bắc Kinh song 6 tỉnh gah barak Trung Quốc dok njauk mbang hajan khang gam dui atah meng 18/7 mbiah tal ni. Hajan dut hu di ban An Dương  tỉnh Hà Nam  harei 19 song 20/7 lac 423mm, dok veik di ban Vũ An   tỉnh Hà Bắc lac 406mm. Hajan khang jeng dauh ia di rilo labik dalam ban, kan kandah tal bruk nao mai, karja ban Bắc Kinh brei kriek pambah mbang rilo jalan radeih buýt song tàu điện ngầm, labaih 50 mbang par meng mblang kapan haoh Bắc Kinh nao tal dom labik karei brei klak abih./.

10/ Kadung jien nhi đồng LHQ barau brei thau, dom urang njom vi-rút Zika di Ê-cua-đo hu patagok meng 92 urang tagok tal 1 ribau 106 urang tok 3 bilan hadei di mbang megei baoh taneh khang 7,8 độ rích-te langiu takai tasik taneh ia harei 16/4 meng bloh. Lambaok di kadung jien nhi đồng LHQ di Ê-cua-đo, ong Gran Li-ai-ti hối tuần rajaei taneh ia ini samar peih praong dom bruk ngak pacang cakak piah patrun njom mbak saong gaok kan kandah di vi-rút Zika ngan saong uranaih saong dom baoh sang./.