1/ Tui công văn tacei ba bruk palih ruah đại học hệ chính quy song palih ruah cao đẳng gah pato megru gam song dom cơ sở potao megru ĐH, tuk vak thí sinh tut angan tame pakacah Trung học phổ thông pakat negar song palih ruah ĐH thun 2017 meng harei ¼ tal abih harei 20/4 tal

2/ Abih hatai jai ka pren yava urang Việt – nan lac jalan ngak di kênh papar sap gah pren yava saong an toàn thực phẩm di rayo sap ndom VN, hu papar sap di harei 27/2 tal.

3/ Pahadar 62 thun harei gru jru VN ( 27/2) sang iek ruak Quân y 175 (Bộ Quốc phòng) pambuak bruk song Bộ Tư lệnh Quân khu 5 peih bruk iek ruak, brei jru saoh song brei pandap ka mik va kathaot tỉnh Quảng Ngãi. Labaih 60 y sỹ, BS sang iek ruak quân y 175 song Quân khu 5 hu iek ruak, tacei jalan iek glang pren yava, song brei jru saoh ka 2.700 urang kathaot, boh sang dalam sarak karja di dom huyện Mộ Đức, Ba Tơ, Đức Phổ song huyện palao Lý Sơn.

4/ Giám đốc Sở ngak nông saong patagok palei pala tỉnh Bình Định brei thau, tỉnh pandar hu jak jeng công nghệ tiên tiến pruh ia patak pataom di taneh padai takik kein laba. Tukvak anak tal bruk ngak ini hu peih praong piah rik daong tani tanat bruk pala drak, khik caga môi trường  saong patagok jien mek tame.

5 Mban tacei jalan song tagok glai tỉnh Tây Ninh nao tui iek bruk pacang caga khuah glai di dom dự án hu mblang taneh glai prong, hu rilo labik mbuan si khuah glong yau, labik glai Chàng Riệc, glai pacang caga Dầu Tiếng, bein pakat negar Lò Gò Xa Mát…Mban tacei jalan song tagok glai hu panuac kakei, pasiam veik dom kurang labaih dalam bruk peih ngak dom jalan ngak ka bruk pacang caga khuah glai.

6/ Anak yaom patei di tỉnh Đồng Nai trun biak ralo, Tỉnh Đoàn, Hội liên hiệp dam dara tỉnh Đồng Nai hu dang tabiak pataom blei patei ngan saong yaom glaong jang yaom thương lái, ieu bhap bini klah rabha naong trak saong urang pala patei. Chiến dịch taduan hu bruk ủng hộ di dom rai rah bhap bini.

7/ Tỉnh Hậu Giang bahrau peih ginum biai “ Patagok khang kajap mô hình phun pala, athur rong gam song bruk padang ngak palei pala bahrau”. Ni lac bruk pathau khan ilamu khoa học kỹ thuật bahrau ka urang nong piah duah tabiak dom jalan kỹ thuật patagok mô hình phun pala, athur rong song bruk njom mbak.

Patui di ini dom khau tin dunya:

8/ Harei 21/2, di tỉnh Căm-pông Cham, Bộ Tư lệnh Công binh bol bala Hoàng gia Campuchia pambuak saong jabat Tùy viên Quốc phòng Việt Nam di Campuchia peih pakak công trình giảng đường saong peih ngak công trình sang daok di sang bac Công binh Tê-chô kayua bol bala bhap bini Việt Nam alin hadiah.

9/ Gah khik caga takai tasik Italia harei kabroi (21/2) khan lac bahrau dong hu ka labaih 630 urang di cư theik di tasik Địa Trung Hải. Min, urak ni oh ka thau cambaih ka quốc tịch, giới tính, jang yau umo thun di dom urang ni./.

10/ 270 urang tị nạn hu panduan nao di harei 21/2 hadei di sa mbang khuah praong  rah tabiak dalam trại tị nạn Ha-man-li di Bun-ga-ri jaik negar saong Thổ Nhĩ Kỳ. Makna di mbang khuah daok hu dom gah chức năng pasang iek ngak cambaih laih. Ini lac mbang khuah ka dua di trại tị nạn meng akaok thun ini./.