1/ Mintri ngak nong song patagok palei pala bahrau hu harak payua tal UB bhap bini dom tỉnh, ban ka bruk peih ngak “ bilan hacih saat pametai anek ruak mbang 1 thun 2017” song patagok bruk pacang caga  JIT KUM menuk ada. Tuk vak peih ngak meng ni tal harei 21/3/2017

2/ Dom harei tapa, di tỉnh Yên Bái langik pandiak, độ ẩm glaong, lagaih ka halak halin palai kaik, ngak khat lahik yaok ribau ha padai saong phun pala, pataom tame di dom huyện Trấn Yên, Yên Bình, Văn Yên saong ban sit Yên Bái. Urak ini, gah ngak nông tỉnh Yên Bái daok kham merat pambuak saong dom puk palei tacei pato bhap bini pacang cakak halak palai kaik

 3#/ Harei 22/2, di ban sit Nhan Trang, kadung jien Vừ A Dính song kalup kapul “ Kayua Hoàng Sa, Trường Sa anit ranam” hu jao 120 pok jien bac ka anek saih bangsa takik song bhum tasik dalam tỉnh Khánh hòa. Hu 70 pok jien bac jao brei anek saih bangsa takik yam tapa kan kandah, bac JOI, 50 pok jien yaom sa triệu đồng sa pok brei anek saih lac anek di urang tong ikan hu rai duik kan kandah bac naih joi, song anek di urang karja  urang lin dok ngak bruk khik ramik bhum tasik di taneh ia.

4/ Harei 22/2, 9 urang saong kapal ikan NA 91818 TS di xã  Sơn Hải huyện Quỳnh Lưu gaok bala angaok tasik hu kapal di Hải đội 2 ba tame gah hu sam mekre. Hadei di tuk mehit kapal ikan NA91818 TS gaok bala caong hu daong chip, Bộ chỉ huy Bộ đội Biên phòng tỉnh Nghệ An hu tacei pato đồn Biên phòng Quỳnh Thuận pambuak saong karja palei khan brei dom kapal daok taong cap angaok tasik thau labik kapal gaok bala piah mai daong. 

5/ Meng harei 9/3 tal abih harei 13/3 di ban Cần Thơ, Mintri ilamu song Công nghệ pambuak bruk song mintri ngak nong song patagok palei pala song 13 tỉnh , ban dalam bhum peih Festival dunya ngak nong bhum taneran krong CL thun 2017. Ni lac tuk piah pambuak palagaih ka dom urang ilamu, DN dok dalam song langiu negar hu taom gaok, duah labik pambuak bruk song patagok công nghệ, pandap panda pabak ka bruk patagok ngak nong .

6/ Di phiên giao dịch bruk ngak mbang ka I kayua pasak dịch vụ bruk ngak Kiên Giang (di Sở Lao động-thương binh saong xã hội tỉnh) peih tabiak hu 46 doanh nghiệp, đơn vị tut angan tuyển dụng, tuyển sinh saong labaih 780 lao động caong hu bac bruk ngak, duah bruk ngak mai duah thau. Di phiên giao dịch, urang lao động, hu tut angan tame phỏng vấn tapak di dom labik tuyển dụng di doanh nghiệp, hu mbaok tame  ndom biai duah bruk ngak, duah thau  dom sarak gah ngak bruk di dom doanh nghiệp dalam saong langiu tỉnh, xuất khẩu lao động.

7/ Dom mbang hajan suan bilan hadei di Tết Nguyên đán ngak ka sara jaik jeng ralai tui ia, urang ngak sara di tỉnh Bạc Liêu laik tame bruk lihik abih. Tal tuk vak ni, di mblang sara di tỉnh oh ka hu asar sara halei piah mek tame. Thun ni, langik tasik oh siam lagaih song dom mbang hajan suan bilan ngak khat lihik prong ka urang ngak sara. Kayua urak ni yaom sara dok tagok, sara patih hu yaom 1.400 - 1.600 đồng/kg, sara jhuk meng 1.100 - 1.200 đồng/kg min mik va oh hu sara piah pablei.

Patui di ini dom khau tin dunya:

8/ Campuchia saong Lào sanya patagok jang gac talei pambuak bruk dua taneh ia di dom gah, abih di nyu nan lac dom gah hu pren klhang di yaok taneh ia. Panuac ndom angaok nan hu Thủ tướng Hun Sen saong akaok negar Lào Bun-nhăng Vo-ra-chít ba tabiak dalam mbang taom gaok di dua urang dang akaok di ban ine Phnom Penh.

9/ Urang jakar ngak praong di HQ bahrau hu panuac khan lac sa mbang tamuh bahrau jit virut cúm H5N8 meda njom mbak glong di sa trang trại menuk daa prong di gah tây nam ban ine Xơ Un. Sa adat brei am cuh hu ba tabiak chip ngan song 23 ribau drei da di trang trại ni.

10/ Harei 22/2, karja tiểu bang Ca-li-phoc-nia , Mỹ daok brei panduan ba yaok rituh baoh sang truh dom bhum ia dauk khang kayua hajan praong. Gah urang ngak praong puk palei brei thau, dom mbang hajan khang kayua ribuk ngak ia dauk di dom labik dalam bang ini, dalam nan kan kandah trak abih lac ban San Giô-xê../.