1/ Akaok mintri jalan mbak pajeng ba bahrau mbaoh tangin tame Harak 3597/QĐ-BGTVT pa tabiak jalan ngak siam piah duh ka bruk nao mai di bhap bini, khik caga trật tự, an toàn giao thông dalam tuk Tết Dương lịch, Tết Nguyên đán song Xuân Đinh Dậu thun 2017. Akaok mintri …..pajeng ba hu panuac ieu dom jabat chức năng tacei pato dom gah pajeng tuai, pablei vé daharau ka tuai meng rilo jalan song pandar  công nghệ thông tin, palagaih ka urang khin pablei harak radaih.

2/ Sở jalan mbak pajeng ba tỉnh Quảng Ngãi pambuak saong huyện Lý Sơn peih bruk padang ngak pabah lamnge Bến Đình. Dự án pabah lamnge Bến Đình, huyện Lý Sơn kayua Sở jalan mbak pajeng ba tỉnh Quảng Ngãi ngak po đầu tư hu padang ngak  angaok  taneh praong 8 ha. Abih tih phun jien buh tame ngak jaik 200 tỷ đồng kayua công ty cổ phần xây dựng công trình Thủy Hà Nội  ngak, tui kuhria tukvak ngak 18 bilan.

3/ Meng akaok thun tal ni, gah khik iek darak pasar tỉnh Lạng Sơn hu pasang iek jiak 3.500 mbang, langyah labaih 2.000 mbang ngak suan adat, phạt , bA tame kadung jien karja labaih 7 tỷ 700 triệu đồng. Dalam nan, taeng bruk pablei salih jru tavoa hu phạt hành chính song mek veik harak chứng nhận pablei salih ngan song 7 labik di huyện Thuận Châu song Mai Sơn.Dalam tuk puac thun, bruk pablei salih pandap lậu, pandap ja, pandap oh siam rah tabiak rilo, pasang iek dom labik ngak pandap, pablei salih song yaom kaom pandap panda, langyah chip dom bruk buôn lậu, bleik msaleik dalam pablei salih.

4/ Di ban Phan Thiết, mintri công thương pambuak saong mintri ngak nông saong patagok palei pala, UB bhap bini tỉnh Bình Thuận peih nyaom meyai xúc tiến pablei thanh long. Ini lac bruk ngak piah daong pablei thanh long Bình Thuận saong dom tỉnh pala thanh long. Dalam taneh ia urak ini hu jaik 37.000 ha thanh long pataom ralo di Bình Thuận, Tiền Giang saong Long An.

5/ Tui Sở ngak nong song patagok palei pala Đồng Nai, meng bilan 12/2016, Sở ngak nong song patagok palei pala song Sở công thương tỉnh ĐN pambuak bruk pasang iek asal rilaow pabui song menuk di dom darak pasa song dom labik blei rilaow. Meyah mboh rilaow oh hu dấu kiểm dịch, gah pasang iek cap mek song taong phạt.

6/ Meng harei 22 tal harei 25/11, sở pato megru Long An pambuak bruk saong MKapul Room to Read peih harei pakacah gru pato joi tiết bac thư viện pakat khu vực gah meraong di Long An. Hu mbaok tame harei pakacah hu 20 gru pato pakat tiểu học di dom tỉnh Trà Vinh, Tiền Giang, Vĩnh Long, Long An saong ban Cần Thơ. Gam hu mbaok pakacah daok hu sở pato megru tỉnh Đak Lăk lac tuai hu da-a mai.

7/ Piah padang bruk pablei salih siam mekre, cambaih laih,  piah dui pachreih  DN buh jien tame ngak mbang, tỉnh Ủy Trà Vinh bahrau ba tabiak sarak patagok chỉ số năng lực meriak gauk pakat tỉnh ( PCI) tuk vak 2016-2020. Tỉhn kham merat tal thun 2016-2017, labik dang PCI takik di abih tagok 10 hạng, tal thun 2020 , LABIK DANG PCI di tỉnh dalam nyaom 15/63 tỉnh, ban dalam negar song nyaom 5/13 tỉnh ban, bhum taneran krong CL

Patui di ini dom khau tin dunya:

8/ Urang vak di rayo sap ndom VN daok di TL brei thau: rajaei di thủ tướng Pra-dút Chan-ôcha barau tabiak panuac lac brei kaoh tabiak meng kadung jien karja samu 350 triệu đô la Mỹ piah daong tapak ka urang kan kathaot di taneh ia ini. Ong Pra-dút brei thau, yaom jien nan hu brei mesraiy chip dalam bilan 12 thun ini. Tui urang dang akaok rajaei TL, jalan ngak ini piah daong urang hu jien mek tame biar piah patagok pandar cai, rik daong pachreih kinh tế patagok.

9/ Jabat Khí tượng học Nhật Bản bahrau brei thau, sa mbang megei boh taneh dut hu tuk camereip lac 6,1 độ ríchte ngak megei tỉnh Phư-cư-si-ma (Fukushima) di negar ni. Mbang megei boh taneh rah tabiak tuk 6 tuk 23 minite mesup harei ni ( tuk vak palei pala) tâm chấn dok di bhum tasik tỉnh Phư-cư-si-ma, di labik 37,1 độ vĩ Bắc song 141,5 độ kinh Đông. Urak ni oh ka thau khat lihik  song bruk cảnh báo sóng thần oh ka hu ba tabiak.   

 10/ Mintri jien padai Anh brei thau barau cakak trun dự báo patagok kinh tế di taneh ia ini dalam 2 thun patui. Tui nan, tăng trưởng abih tih sảnp hẩm quốc nội di  negar Anh tok tagok 1,4% dalam thun tal 2017, patrun duk saong kuhria mboh dahlau di bilan 3 dahlau nan lac 2,2% saong 1,8% dalam thun 2018./.