1/ Ong Phan Trọng Hổ, Giám đốc Sở ngak nong song patagok palei pala tỉnh Bình Định brei thau, hadei di tuk ngak iek Đề án tong chap ikan nngừ  Đại dương, tal urak ni, 25 kapan ikan dalam mô hình tong chap ikan ngừ đại dương tui công nghệ Nhật Bản di tỉnh ngak hu biak siam. Min urak ni bruk ba ikan ngừ đại dương pablei tapa NB dok gaok rilo kan kandah nan ye bruk padang darak đấu giá pak di BĐ lac jalaln ngak siam piah patagok yaom kaom song angan je ikan ngừ ĐD.

2/ Piah duh siam jang bruk iek glang pren yava bhap bini abih di nyu nan lac bruk taduan dom ca cấp cứu, ba dom urang ruak trak nao tuyến angaok, UB bhap bini tỉnh Tiền Giang hu buh jaik 35 tỷ đồng brei ka gah y tế tỉnh blei dom trang thiết bị y tế barau saong 12 radaih ô tô cứu thương ka 12 sang iek ruak saong pasak y tế dalam tỉnh.  

3/ UB bhap bini ban Cần Thơ hu var ginum biai song dom gah dom puk palei piah brei tapa bruk padang ngak karja điện tử ban meng ni tal thun 2020. Bruk ngak nan piah paglong kein laba, siam lagaih bruk khik ram9ik karja, patagok bruk meriak gauk, pasiam bruk pablei salih piah pabak ka dom kapul nyaom, DN song menuac urang song pabak bruk ngak mbang, jhul pakhang bruk patagok KTXH.

4/ Chi cục khik iek drak pasar tỉnh Trà Vinh peih bruk  am cuh klak yaok tấn pandap oh thau cambaih asal saong jaik 58.000 pok  pakao ngoại nhập lậu. Ini lac dom pandap duah mboh dalam mbang tabung glaong dahlau, dalam saong hadei tết anek sak menuk. Langiu di nan gah chức năng daok langyah 150 bruk sung hukum, ralo abih lac pandap me-in uranaih oh thau mai meng halei saong oh hu chất lượng.

5/ Tui sở ngak nong song patagok palei pala tỉnh An Giang, bilan đông xuân urang nong AG trin pajaih avar song jauk hu labaih 8.200 dalam 200.002 ha mblang padai hu trun pajaih. Bruk njauk bui sambai lac tuk vak ni, urang nong pablei padai samar, hu yaom, dom janih padai chất lượng glong song padai thường, padai nduik jeng tagok labaih 100 đồng sa kg.

6/ Anak bruk jit cúm menuk ada daok mbuan tamuh tabiak di dom tỉnh , ban dalam taneh ia, tỉnh Bà Rịa – Vũng Tàu hu peih bruk klauk vắc xin ka tapol menuk ada mbang I meng ini tal puac bilan 3 thun 2017. Ong Nguyễn Lương Trai, Chi cục trưởng Chi cục raong glang saong thú y tỉnh Bà Rịa – Vũng Tàu brei thau: ngan saong 2 triệu liều vắc xin caga klauk dalam mbang I ini hu klauk ka dom baoh sang raong sit sot , abih di nyu nan lac dom labik njauk klauk pacang tui quy định, daok dom trang trại raong praong brei kuhria lượng vắc xin, gah chuyên mô meda daong kỹ thuật klauk.

7/ Dalam dom harei tapa, kapul dom urang amaik di ban raya  Hồ Chí Minh hu daong blei jiak 2 tấn patei ka urang nong tỉnh Đồng Nai. Ni jeng lac labik camereip di ban raya hu daong blei patei ka urang nong. Meng di tuk mehit lac patei di ĐN yaom biak lap oh pablei hu, Kapul dom urang amaik di ban raya HCM blei 1 tấn patei ka urang nong tỉnh ĐN yaom meng 7.000-8.000 đồng/kg. 

Patui di ini dom khau tin dunya:

8/ Sa pathau khan ka bruk bất bình đẳng di Inđônêsia brei mboh, 4urang kaya abih di taneh ia ini urak ini daok hu drap ar ralo jang 100 triệu urang kan abih. Kapul ngak pahala Oxfam harei 23-2 brei thau, Inđônêsia, taneh ia hu labaih 250 triệu bhap bini, dang ka 6 dunya ka bruk  bất bình đẳng thu nhập.

9/ Harei 23/2, Thủ tướng Trung Quốc Lý Khắc Cường hu panuac pachreih karja dom puk palei brei kreik darak pasa menuk ada duik di dom labik hu vi rút menuk ada H7N9 . Rajaei TQ tabiak panuac ieu tagok bruk tui iek jit menuk ada song bruk pajeng ba menuk ada duik.

10/ Tap[a pasang iek di Hiệp hội Y khoa taneh ia Anh brei thau, jaik 12 ribau bác sĩ châu Âu meda tabiak truh taneh ia Anh kayua urang mboh oh hu rap ar hadei di tuk taneh ia ini buh phiếu brei tapa bruk tabiak trun liên minh châu Âu (Brexit)./.