1/ Tỉnh Quảng Nam hu peih bruk caik bảng công trình song ba jalan ĐT 610 pambuak 2  huyện Duy Xuyên song Nông Sơn ba tame pandar. Jalan ĐT 610 lac jalan njaik ia sua, dong duah urang njau kbala dalam bilan hajan ka bhum pasak hành chính huyện Nông Sơn song labik jiak tapen, tong abih phun jien buh tame ngak lac 125 tỷ đồng.

2/ Tỉnh Quảng Ngãi bahrau  mbaoh tangin brei adat dự án đầu tư padang ngak tatua Cửa Đại ngan saong yaom jien abih tih lac 2.250 tỷ đồng; dalam nan, phun jien trái phiếu rajaei lac 1.500 tỷ đồng saong phun jien di tỉnh tỉnh Quảng Ngãi lac 750 tỷ đồng. Dự án tatua Cửa Đại hu peih ngak meng thun ini tal thun 2020 kayua mban khik iek dự án đầu tư xây dựng dom công trình jalan mbak tỉnh ngak po đầu tư saong khik iek

3/ Harei 23/3, di ban sit Gia Nghĩa, tỉnh Đắk Nông, kadung jien “ thau ka boh hatai” hu jao 300 pok pandap ka anek saih kan, anek saih bangsa takik di tỉnh, piah pachreih ba dom adei yam tapa kan kandah, yam tagok dalam bruk bac megru. Yaok pok pandap hu yaom 400 ribau đồng, dalam nan hu brah, ia tasau, har song dom janih karei karei. Tui kuhria meng ni tal puac thun, kadung jien “ thau ka boh hatai” hu dong ka tỉnh Đăk Nông padang ngak sa sang bac tiểu học di ban Gia Nghĩa, labik dom anek saih kan, anek saih lac bangsa takik hu dong tong abih jien bac, mbang, daok di sang bac.  

4/ UB bhap bini ban Đà Lạt saong Công ty OTA Floriculture Auction – gahị bhian peih darak pablei to yaom bingu dang akaok di NB, gam saong dom gah chức năng di tỉnh Lâm Đồng daok kham merat padang pasak giao dịch bingu Đà Lạt piah dil ba tame pablei dalam thun 2018. Tuk pasak giao dịch bingu Đà Lạt hu padang ngak salah bloh hu pabak bruk pablei salih rilo di abih lac 2,5 triệu dhar bingu sa harei saong meda giao dịch 550 triệu dhar bingu sa thun.

5/ Sở Y tế Đồng Nai bahrau phạt hành chính 40 triệu đồng, mek veik harak adat iek ruak dalam tuk vak 3 bilan phòng khám đa khoa Âu Mỹ Việt, dok di phường Tân Tiến, ban sit Biên Hòa kayua ngak sung rilo. Phòng khám đa khoa ni ngak suan adat yau : bác sỹ oh hu harak ngak bruk;  oh hu sổ iek ruak, iek ruak min oh cih vak ginup tui adat.

6/ Chi cục Thủy lợi tỉnh Bình Dương brei thau, urak ini Chi cục daok pambuak bruk saong dom jabat chức năng sron mek ralo ikan metai di danao thủy lợi Từ Vân 1 (xã Lai Hưng, huyện Bàu Bàng, tỉnh Bình Dương), taphia di nan mek mẫu ia piah ngak cambaih makna. Tui bhap bini daok jaik labik danao saong bhum jaik taphia, urak ini ikan metai ndon patih angaok mbaok ia, mbau bruk jaik sa adit ini mai.

7/ Tui Sở ngak nong song patagok palei pala tỉnh AG, tal urak ni, urang nong dalam tỉnh juak hu labaih 51.853 ha padai vụ Đông Xuân 2016 - 2017,tagok 22% taneh trun pajaih. Tui kuhria năng suất urak ni hu labaih 6,58 tấn/ha.  Dut song tuk vak ni vụ dahlau, mblang taneh yuak bloh bahrau hu 50%. Urak ni urang nong dalam tỉnh pataom tame iek glang di puac vụ piah yuak abih mblang padai Đông xuân thun ni mek hu năng xuất song sản lượng glong di abih.

Patui di ini dom khau tin dunya:

8/ Meng harei 1/4 tal, bhap bini CPC taduan hu ralo pandap hu yaom glaong di rajaei. Thủ tướng CPC ong Hun Sen brei thau, pandap ka sa lac taong abih dom gilang pariak pablei salih dalam taneh ia jeng patrun jien laba brei mesraiy meng 30% sa thun trun daok 18% sa thun tui hatai caong di bhap bini. Ngan saong yaom điện iek tui bhum, khu vực saong urang pandar jeng hu patrun yaom jaik 300 ria/ki lô óat giờ (jaik 1.500 đồng). 

9/ Thủ tướng Pháp Béc-na Ca-zơ-nơv ( Bernard Cazeneuve) brei thau lac bruk khủng bố jeng dok rah tabiak biak glong, saong hu panuac sinya rajaei Pháp daok ieu pataom taong abih gah piah khik  caga siam mekre ka bhap bini negar ni

10/ Gah Y tế HQ brei thau, taneh ia ini hu sa urang njom vi rút Zika, patagok dom urang njom vi rút ini di Hàn Quốc tal urak ini lac 19 urang. Tui pasak pasang iek saong pacang cakak jit ruak HQ, urang ruak lac sa urang likei umo 55 thun, njauk njom vi rút Zika kayua jamuok kaik hadei di tuk nao rivang Bô-li-vi-a. Urang ruak ini hu iek ruak di sa sang iek ruak di Gô-y-ang (Goyang), gah pai ban ine Xơ-un saong daok siam veik./.