1 # Biar harei kabroi 23/8, pak jabat Raja-ei, Thủ tướng Nguyễn Xuân Phúc taduan raok Kapul urang lambaok Liên đoàn dom kapul nyaom kinh tế Nhật Bản (KEIDANREN). Pak van taduan raok, Thủ tướng Nguyễn Xuân Phúc ndom lac, Việt Nam haong Nhật Bản nan lac dom ayut sahabat, pambuak gauk taong abih bruk. Raja-ei Việt Nam tuk halei jeng iek prong saong pachreih tui, palaghaih taong abih bruk piah ka dom doanh nghiệp Nhật Bản bih jien tame ngak mbang suai lavik saong mek hu ralo baoh jeng siam mekre pak Việt Nam.

2/ 2,2 triệu suất sữa đậu nành Fami Kid, yaom 7,4 tỉ đồng hu alin ka jaik 27 ribau anek saih tiểu học di 8 tỉnh nan lac: Vĩnh Phúc, Hải Dương, Hưng Yên, Yên Bái, Bắc Giang, Thanh Hóa, Nghệ An, Quảng Ngãi dalam học kỳ I thun bac 2016 – 2017. Ini lac sa danak dak XH hu makna di công ty sữa đậu naành  N, piah salih barau thực trạng dinh dưỡng daok oh cân đối di uranaih VN, daong dom rai rah tương lai di taneh ia patagok ka thể chất saong trí tuệ.

3 # Page harei 23/8, Sang iek ruak Phong Da liễu Trung ương Quy Hòa pambuak haong Pasak Da liễu tỉnh Quảng Ngãi peih bruk iek ruak Hội chứng viêm da dày sừng palak tangin palak takai ka bhap bani palei Làng Chai, xã Sơn Ba, huyện Sơn Hà, labik bahrau mboh 2 urang njauk ruak Hội chứng viêm da dày sừng. Jaik 400 urang di palei Làng Chai, xã Sơn Ba, huyện Sơn Hà pataom gauk mai pak sang ilamo piah pasang iek ruak. Sa-ai Đinh Văn Cao, sa urang daok pak palei Làng Chai, ndom lac: “Drei mboh ruak ini jeng huac min urak ini hu bác sỹ ndom lac nyu oh njaom mbak, drei nao sang rami ramik sang danaok ka nyu hacih sa-at, nan mboh grap tanat paje”.

4/ Di ban Sóc Trăng, Tổng công ty Điện lực miền Nam hu peih lễ mừng công dự án pabak điện ka dom baoh sang bhap bini oh ka hu điện, ralo meng lac bhap bini Khmer tỉnh Sóc Trăng. Tapa 5 thun, dom đơn vị peih ngak hu ngak salah bloh jaik 2.000 km jalan talei trung saong hạ thế pabak điện negar ka 45.408 baoh sang bhap bini tỉnh Sóc Trăng, ralo jang 25 ribau baoh sang duk saong tui kuhria tuk camereip. Abih tih phun jien đầu tư ka dự án labaih 446 tỷ đồng.

5 # Thun bac 2016-2017, tỉnh Bình Phước hu labaih 234.270 anek saih dom pakat, tagok 5.480 anek saih dut haong thun bac dahlau. Gam haong bruk jak ba anek saih tame sang bac, gah pato megru Bình Phước hu pambuak bruk haong karja puk palei kuhria siam cơ sở vật chất. Thun bac bahrau ini, Bình Phước hu  461 sang bac, 6.500 duk bilik bac dom pakat, dalam nan hu 6 sang bac saong 109 duk balik bac hu padang ngak bahrau. 

 6/ Kapul ngak pahala palei Tân Mỹ, phường Bửu Hòa, ban Biên Hòa (Đồng Nai) pambuak saong kapul Chữ thập đỏ tỉnh Kon Tum barau nao rivang, alin pandap ka urang kan kathaot huyện Kon Rẫy. Di labik ini, kapul hu alin 511 paok pandap (yaom 350 ribau đồng sa paok pandap) ka mikva bangsa takik xã Đắk Pne, huyện Kon Rẫy. Abih tih yaom jien pandap nan jaik 179 triệu đồng.  

7 # Tapa sa adit peih ngak, bruk trật tự an toàn nao mai angaok jalan mbak dalam bal raya Hồ Chí Minh hu dom yam salih bahrau biak siam: oh rah tabiak bruk gar radaih, gar jalan, bala angaok jalan nao mai hu trun taong abih 3 gah ka mbang njauk bala, manuac metau saong urang njauk rambuis. 

Patui di ini dom khau tin dunya:

8/ Harei kabroi 23/8, Tổng thống Mỹ Barắc Ôbama hu mbang nao rivang dom labik di mban Lu-i-di-a-na barau gaok kan kandah trak kayua mbang ia sua meng bloh. Brei panuac dalam mbang họp báo di labik ini, Tổng thống Ôbama sanya daong bhap bini, tui nan đề xuất  QH pabak kadung jien daong chip tuk hu thống kê khat lahik saong dom bruk daong cần thiết ka bhap bini.

9 # Jaik 100 urang njauk jru mek hadei di tuk  hít njauk khí a-mô-ni-ắc rò rỉ meng sa sang mac ngak tabiak khak drak pak bal pabah lamnge Chít-ta-gông, gah Meraong  Băng-la-đét. Tui sa urang jakar di puk palei, mbang rò rỉ mai meng sa sang mac ngak tabiak khak drak gah diah bal Chít-ta-gông min angin nyu pluh  jhul khí a-mô-ni-ắc nao tal bal ini. Urak ini, jeng daok jaik 50 urang điều trị pak sang iek ruak kayua ngộ độc. 

10/ Gah urang ngak praong Ấn Độ brei thau, takik abih 300 urang daok di dom labik gah timur saong bhum kreih negar taneh ia ini metai dalam mbang hajan ia sua meng bloh. Labaih 6 triệu urang karei njauk gaok kan kandah tuk ia sua  ngak dauk dom baoh sang, palai lahik njam patam, jalan oh nao mai hu di dom labik ini./.