1 # Melam kabroi 24/8, Đảng bộ, Raja-ei saong bhap bani bal Tam Kỳ, tỉnh Quảng Nam peih ngak Lễ pahadhar 110 thun Phủ lị Tam Kỳ (1906-2016), taduan Huân chương độc lập Hạng 3 saong mek Quyết định công nhận lac bal janih 2 di Thủ tướng Raja-ei. Patagok pak van pahadhar, Thủ tướng Nguyễn Xuân Phúc ndom lac, Quảng Nam nan lac sa bhum taneh meda ilamo ranam taneh aia, anh hùng cách mạng, ilamu pachreih bac. Dalam mbang mesruh metak peih paha bangsa, yasa taneh aia, tỉnh Quảng Nam tuk halei jeng nao dahlau dalam bruk ngak cách mạng, taong kaol kanjah jhak pacang khik taneh aia.

2/ Công an tỉnh Thái Nguyên barau peih nyaom meyai patagok bruk ngak di urang hu angan je dalam bhap bini bangsa takik ngan saong bruk khik kajap an ninh trật tự di tỉnh thun 2016. Di nyaom meyai, domurang ndom lac, piah patagok hu kein lagaih bruk ngak di urang hu angan je dalam bhap bini bangsa takik, dalam tukvak tal, gah công an brei patui kuhria tham mưu ka pakat ủy, karja tacei pato saong pambuak bruk saong dom mban, ngành, kapul nyaom dom pakat peih ngak siam bruk taong abih bhap bini khik caga an ninh taneh ia palei negar, pacang cakak tội phạm, tệ nạn XH… pambuak saong dom bruk ngak di puk palei.

3 # Sự cố môi trường tasik pambak tapak tal 5 xã bhum tasik bãi ngang saong labik tapen tasik di huyện Triệu Phong, tỉnh Quảng Trị. Peih ngak jalan panduan salih bruk ngak, ba bruk ngak khang kajap ka bhap bani, dom puk palei peih ngak bruk pasang iek veik quy hoạch, kế hoạch pandar taneh piah jao taneh ka bhap bani pandar. Tal ini, dalam huyện Triệu Phong, tỉnh Quảng Trị padang ngak hu 65 trang trại saong baoh sang raong glang anek athur raong, menuk ada bahrau, ngak brei tagok 127 trang trại, baoh sang raong glang.

4/ Ngan saong kadha “Đà Nẵng sambo màu 2016”, lễ hội kalang Đà Nẵng rah tabiak dalam 2 harei 27 saong 28/8 jaik tal pachreih hu labaih 60 drei kalang mai meng dom klup kapul kalang di Thừa Thiên Huế, Hội An, ban raya Hồ Chí Minh saong dom klup kapul kalang ban Đà Nẵng. Labaih 60 drei kalang bak sambo hadah hu ba drei tame saong tasik di ĐN ba mai ka urang maong dom trải nghiệm biak thú vị. Taphia di nan daok hu dom bruk ngak karei chreih chrai ka bhap bini saong tuai damuai DL yau: pakacah trang trí, kalang, cih rup cih cát angaok lốp radaih tái chế. Dom kadha me-in bhap bini.

5 # Kapul nyaom Chữ thập đỏ Bal Kon Tum pambuak haong Kapul nyaom chữ thập đỏ quận 12, bal raya Hồ Chí Minh saong nyaom ngak pahla “Vòng tangin nhân ái”, quận 12, bal raya Hồ Chí Minh bahrau mai rivang saong alin brei pandap ka urang kathaot saong uranaih metui pak bal Kon Tum. Pak ini, kapul nyaom hu alin brei 1.140 pok pandap, hu yaom 100 ribau đồng sa pok (dalam nan hu brah, mỳ tôm, khan ao, takhaok dép, siphau tapuk...) ka uranaih kathaot saong uranaih metui pak Mái ấm Vinh Sơn 1, Mái ấm Vinh Sơn 2, Pasak Bảo trợ xã hội tỉnh Kon Tum saong Sang bac Tiểu học Đặng Trần Côn, xã Ngọc Bay – bal Kon Tum, tỉnh Kon Tum.

6/ Tui amuk Nguyễn Hoài Thúy Hằng, Giám đốc Sở pato megru tỉnh Hậu Giang, thun bac 2016 - 2017, tỉnh kurang jaik 1.400 urang jakar khik iek, gru pato, nhân viên dom pakat bac; dalam nan, kurang ralo abih lac pakat bac mầm non, mẫu giáo ngan saong labaih 1.000 urang jakar khik iek, gru pato, nhân viên; pakat tiểu bac tiểu học kurang 322 urang jakar khik iek, gru pato, nhân viên. Bruk kurang urang jakar khik iek, gru pato, nhân viên di dom pakat bac rah tabiak di dom puk palei dalam tỉnh; dalam nan, huyện Phụng Hiệp kurang ralo di abih lac 459 urang.

7 # Tui kuhria dahlau, dalam harei negar 2/9 thun ini, tuai damuai nao mai tapa dom bến radaih tagok jaik 20 – 25% dut haong tukvak ini thun dahlau. Pak Bến radaih Miền Tây, tui kuhria dahlau tuai damuai nao tapa tagok meng 20% - 25% dut haong tukvak ini thun 2015. Pataom ralo dom tuyến meng Bal raya Hồ Chí Minh nao tal dom tỉnh Tiền Giang, Bến Tre, Cần Thơ, Bà Rịa-Vũng Tàu... Bến radaih meda pablei vé meng 3g30 tal 22g dalam dom harei 1/9 saong harei 2/9. Tuai damuai hu hatai caong khin blei vé, mai tal quầy vé Bến radaih Miền Tây, atau iew phon ka 0837510524 piah hu pato tacei.

Patui di ini dom khau tin dunya:

8/ Tui panuac barau cập nhật, dom urang metai hadei mbang megei baoh taneh khang 6,2 độ rích-te di bhum kreih negar Italia mesup kabroi 24/8 nan lac 80 urang saong yaok pluh urang njauk rambuah saong daok gar dalam đóng đổ nát. Bruk ngak dahlau tuk ini lac daong dom urang njauk bala.

9 # Bộ Nội vụ Ả-rập Xê-út brei thau: lực lượng an ninh negar ini meda cuh metai sa urang tuk urang nan daok kham merat ngak brei patuh mbaik jru patuh di gah langiu sa baoh sang megik pak labik Ka-típ (Qatif) gah pur negar ini, labik hu ralo urang Islam tui dòng Si-ai (Shi'ite) diuk rai.

10/ Thống đốc bang Oa-sinh-tơn, Mỹ, ong Giây In-xli harei kabroi 24/8 hu tabiak ban bố tình trạng khẩn cấp di 20 hạt di khu vực gah timur mban ini kayua patagok dom bruk khuah glai đe dọa tal tính mạng saong drap ar di bhap bini./.