1# Harei 25/8 di Trụ sở Trung ương Đảng, mintri Chính trị, Ban Bí thư hu ginum biai ala bruk tacei ba di Tổng Bí thư Nguyễn Phú Trọng piah bac megru 2 chuyên đề: ka nguồn lực  song  động lực patagok khang kajap taneh ia tuk vak 2016-2030., Bruk CM công nghiệp mbang ka 4 : dom đặc trưng, tác động song hàm ý sarak ngan song VN

2/ Mesup 25/8, di HN, Học viện Chính trị quốc gia Hồ Chí Minh pambuak bruk saong Đại sứ quán Ấn Độ di Việt Nam peih nyaom meyai khoa học dunya VN - Ấn Độ: Bối cảnh barau – meta maong barau. Dom tham luận hu brei thau dom jak jeng dalam pambuak bruk patagok VN - Ấn Độ dalam dom gah kinh tế, năng lượng, QP, an ninh; gah ilamu, pato megru, khoa học công nghệ saong dom bruk ngak karei; taphia di nan brei thau triển vọng patagok di talei pambuak bruk dom gah ini di dua taneh ia.

3#/ Ban Lai Châu peih bruk parang iek Mỹ Thuật labik Tây Bắc – Việt Bắc mbang ka 21. Ni lac bruk kayua Kapul Mỹ thuật Việt Nam pambuak bruk song UB bhap bini tỉnh Lai Châu peih ngak, rah tabiak meng harei 25/8 tal harei 3/9 piah pahadar 71 thun harei quốc khánh 2/9. Ni lac mbang camereip tỉnh Lai Châu peih bruk parang iek mỹ thuật khu vực song hu mbaok di dom họa sỹ, nhà điêu khắc mai meng 15 tỉnh Tây Bắc song Việt Bắc. Parang iek hu labaih 220 tác phẩm, di labaih 200 tác giả. Dom tác phẩm hu mbaok parang iek mbang ni brei mboh ka đề tài, thể loại đa dạng song chất liệu yau sơn mài, sơn dầu, lụa, kayau, nhôm, bar, patau song di 3 janih asar lac hội họa, điêu khắc  song đồ họa

4/ Akaok UB bhap bini ban HN quyết định, meng harei 1/9, dom nhà hàng, quán bar di HN hu peih pabah mbang tal 2 tuk sabuk di dom harei suc, harei car saong harei adit. Yaok bruk ngak pablei salih nhà hành, quán bar hadei di 24 tuk brei khik kajap dom điều kiện ka an toàn, an ninh; tut angan tame pablei salih saong quận Hoàn Kiếm; hu cách âm siam oh ngak kan kandah tal dom urang jaik taphia saong oh brei pablei alak mbia ka uranaih.

5#/ Phòng Cảnh sát pacang caga apui khuah, công an tỉnh Gia Lai brei thau, mesup harei 25/8 di ban sit phố Pleiku (Gia Lai) hu rah tabiak sa mbang khuah di xưởng sản xuất hạt nhựa di Công ty Trách nhiệm hữu hạn Thành Long (labik  793 jalan Trường Chinh p, ban sit Pleiku). Mbang khuah jiak abih 100m2 nhà xưởng, máy chế biến hạt nhựa, rilo bao bì hạt nhựa, tui kuhira khat lihik yaok rituh triệu đồng. Hadei di tuk taduan hu tin, Phòng cảnh sát pacang caga apui khuah, Công an tỉnh Gia Lai pachreih ba lực lượng trun labik pandam pui. Mbang khuah oh hu urang metai. Urak ni dok hu jabat chức năng  tui iek duah thau.

6/ Harei 25/8, di ban raya HCM hu rah tabiak mbang mbaoh tangin pambuak bruk pathau khan di UB bhap bini ban raya HCM saong rayo sap ndom VN. Tui biên bản mbaoh tangin, UB bhap bini ban raya HCM hu daong ka urang vak di rayo sap ndom VN hoạt động nghiệp vụ dalam địa bàn njauk tui qui định hukum. Pabak thông tin ka rayo sap ndom VN ka dom gah saong bruk ngak dalam ban raya. Gah rayo sap ndom VN hu dak padang chuyên trang ka ban raya HCM, daong ban raya dalam bruk ngak thông tin, pathau khan đối nội saong đối ngoại ka bruk patagok kinh tế XH saong dom bruk ngak karei di ban raya. Ong Nguyễn Thế Kỷ , Tổng Giám đốc rayo sap ndom Việt Nam brei thau: “Yaom lac oh mbaoh tangin sanya min rayo jeng ngak saim bruk pathau khan, abih di nyu nan lac ban raya HCM dalam dom pluh thun tapa. Min ngan saong bruk mbaoh tangin sanya harei ini ye trách nhiệm di kol dahlak lac trak jang, hu trách nhiệm jang. Dahlak saneng hu bruk pathau khan ini nan lac biak praong saong dahlak sanya lac danak dak harei ini hu peih ngak hóa taong abih dom binh chủng di rayo sap ndom VN”.

7#/ Di tỉnh Tiền Giang urak ni hu 24 cơ sở, Doanh nghiệp sx har trung thu hu quy mô prong, pablei ka drak pasa dom tỉnh jiak tapen. Piah khik hu chất lượng har trung thu, Chi cục khik ramik darak pasa  tỉnh peih bruk mek jiak 50 mẫu dom thực phẩm di dom pasa prong ngak nguyên liệu chế biến har trung thu piah test samar. Jang yau dom gah chức năng song dom puk palei peih ngak rilo kapul tui iek ka an toàn vệ sinh pandap mbang di 150 labik ngak har, pablei har trung thun dok di tỉnh

Patui di ini dom khau tin dunya:

8/ Bruk trấn áp sa băng tội phạm urang Mỹ asal Việt quy mô praong, dalam chiến dịch pacang tội phạm hu angan "Gang of Thrones",hu ba tal ralo bruk đột kích di cảnh sát di labik San Jose. Urang ngak praong peih jaik 2 pluh bruk cap kreik, ngan saong dom urang njauk cap nan lac sa urang sỹ quan cảnh sát, pataom mek sa kho ma túy, vũ khí, mac taong bạc saong sa drei baya. Cảnh sát xác nhận hu cap kreik 23 urang, taphia di nan tabiak quyết định khởi tố dom urang ini ngan saong dom tội danh tống jien, tham nhũng, pablei salih ma túy, tấn công, sở hữu phao sung hukum.

9#/ Harei 24/8 cảnh sát Thái Lan hu khan lac hu phác họa di 4 urang likei medhi lac thủ phạm di dom mbang tong bom di labik padeih padei Hua Hin song tỉnh Phang Nga atah di ni 2 adit. Cảnh sát Thái Lan brei thau 3 dalam phác thảo ni patui mô tả di dom nhân chúng ka 3 urang likei hu mbaok di Hua Hin dalam harei  10/8 song nyu dreih yau thaot binguk mboh dalam camera an ninh. Tong abih hu rah tabiak 4 mbang patuh bom di Hua Hin, 2 mbang di sa kalup kapul main sambai melam 11/8 song 2 mbang di geing đồng hồ ban mesup harei 12/8. Urak ni cảnh sát TL dok phát lệnh truy nã 3 dalam 4 urang nan, lac dom nghi phạm di mbang tong bom dok Hua Hin..

10/ Harei 25/8 dom urang ngak praong Ý brei thau dom urang metai kayua mbang megei baoh taneh 6,2 độ Richter harei 24-8 di taneh ia ini lac 247 urang, labaih 300 urang karei njauk rambuah. Di dom ban sit njauk gaok kan kandah trak kayua mbang megei baoh taneh, yaok ribau nhân viên daong bala jeng daok kham merat rok takac piah duah urang daok diuk. Jabat khik caga dân sự Ý brei thau kuhria tal tukvak ini hu takik di abih 247 urang metai, saong yaok rituh urang lahik. Khu vực njauk palei pajoa trak abih nan lac dom ban sit Amatrice, Accumoli di tỉnh Rieti ngan saong 190 urang metai  saong Pescara del Tronto di tỉnh Ascoli Piceno ngan saong 57 metai./.