1# Dahlau di bilan hajan ribuk thun ini, tỉnh Khánh Hòa hu ramik pasiam bloh 90 baoh sang di bhap bini bangsa takik taik tahak, mbaih ,mbaoh. Ong Phùng Tấn Duy, Chánh Văn phòng Ban Bangsa tỉnh Khánh Hòa brei thau:

Băng: “Dom huyện jeng hu panuac caong biak rilo. Tapa pasang iek di dom huyện, ini lac dom sang khut trak meyah oh pasiam veik ye mbuan jaleih, oh daok hu, nan ye njauk pasiam veik”.

2/ Harei 25/9, kadung jien daong uranaih VN pambuak bruk saong sở Lao động thương binh saong XH tỉnh Bình Định peih danak dak “Gavang tangin nit ranam – daong nao tal sang bac” di huyện Vĩnh Thạnh. Di danak dak, mban peih bruk hu alin 30 radaih juak saong 70 paok pandap bac daa hu katap, ao phao, siphau saong but, kalam… , kuhria tabiak yaom jien lac 70 triệu đồng ka anek saih kan kathaot takre bac daa di huyện bhum ceik Vĩnh Thạnh, tỉnh Bình Định.

3# Bruk ikan lồng raong di đầm Ô Loan, dalam xã An Ninh Đông, huyện Tuy An, tỉnh Phú Yên daok pambak praong.  Chi cục Raong glang saong Thú y tỉnh Phú Yên brei thau, hu jaik 100.000 drei ikan di labaih 100 baoh sang palao raong dalam đầm Ô Loan nyu metai, khat lihik labaih 2 tỷ đồng. Makna ikan metai kayua ia di đầm ô Loan oh siam, hu rilo ký sinh trùng ngak brei klik ikan laka bloh metai. 

4/ Cty cổ phần pajeng ba jalan pasei Bei Gon brei thau bruk nduac saong pablei harak tết thaun 2017. Tui nan, lịch nduac tết hu kuhria meng harei 13/1/2017 tal abih harei 18/2/2017. Tabung glaong dahlau tết lac harei 17/1 tal harei 25/1 (nan lac harei 20 tal harei 28 bilan mat), gah jalan pasei hu pablei tabiak 133.000 ribau harak saong tabung glaong hadei tết meng harei 31/1 tal harei 12/2/2017 ( meng harei 4 bilan sa tal harei 16 bilan sa thun anek sak menuk), pablei tabiak 160.000 harak. Dom dhar pajeng ba jalan pasei taduan đăng ký harak tập thể meng harei 8/9 tal abih harei 20/9 saong pablei meng harei 25/9 tal harei 30/9/2016. Meng harei 1/10/2016, công ty hu pablei harak ka tuai damuai, yaok urang hu blei oh tapa 4 harak ka sa mbang nao. Cty cổ phần pajeng ba jalan pasei Bei Gon sanya, yaok bruk pambuak tal tàu tết jeng hu khan cambaih angaok báo chí saong website chinhanhduongsatsaigon.vn piah patakik  bruk đầu cơ harak atau harak chợ đen.

5# Dom sang raong ikan pathoc di Trà Vinh daok having akaok kayua yaom trun khang, dalam tuk  labik raong dak harei dak jhak, jien phun buh tame rilo. Urak ini ikan pathoc pablei di danao raong yaom meng 26.000 đ- 27.000 đồng/kg, tui janih, dalam tuk yaom phun meng 30.000-35.000đ/kg. Tui yaom yau nan, urang raong khat meng 5.000 - 8.000đ/kg. Makna ngak brei ikan trun yaom kayua akaok vụ gaok pandiak bhang, ia mbak, ia njom nerak,urang raong palao trễ saong mek pablei dalam sa tukvak min takik hu urang blei.

6/ Harei 24/9, di huyện Phong Điền, ban sit Cần Thơ, rah tabiak harei ilamu DL sinh thái Phong Điền – Cần Thơ thun 2016. Ini jeng lac sa bruk ngak pachreih tui harei DL dunya 27/9. Harei nyaom pachreih hu ralo gian hàng yaih khan DL saong ralo tuai damuai mai rivang iek duah thau ka DL labik ini.

7# Kayua takik kein laba, nan ye urang ngak nong bhum Đồng Tháp Mười, dalam huyện Tân Phước, tỉnh Tiền Giang peih praong taneh pala phun thanh long ala takai hamu tal yaok rituh ha. Thanh long mikva pala rilo meng lac janih ralo bhong. Yaom lac năng suất di phun thanh long bhum ini bahrau hu 20 tấn/ha, min karja saong gah chức năng puk palei oh ka pachreih hu urang nong peih praong bruk pala ini. Makan  kayua baoh thanh long yaom oh tani tanat, hu rilo ruak kik saong taneh riya bhum Đồng Tháp Mười jeng daok hu rilo phèn.

Patui di ini dom khau tin dunya:

8/ Nyaom meyai dunya ka khik caga động, thực vật hoang hu mbaok di 180 taneh ia hu peih tabiak di ban Giô-han-nét-xbớc Nam Phi ngan saong kadha praong hu ndom tal lac bruk peih ngak lệnh oh brei pablei bala limen, take tê giác.

9# Gah cứu hộ In-đô-nê-si-a harei 25/9 duah mboh 36 urang saong daok kham merat duah 22 urang karei daok lihik hadei di dom mbang ia sua saong jaleih taneh rah tabiak di akaok adit di tỉnh Tây Gia-va (West Java ) gah pai In-đô-nê-si-a. Ta-eng quận Ga-rút (Garut), gah cứu hộ duah mboh 33 urang metai.

10/ Urang vak di rayo sap ndom VN daok di Ai Cập brei thau: dalam kham merat barau abih piah jhul pakhang talei pambuak bruk QP di Prang saong Ai Cập, harei kabroi 25/9, akaok mintri QP Giăng I-vét Lơ Đri-ăng hu nao tal Cai-rô saong hu taom gaok Tổng thống Ai Cập En Si-si./.