1/ Beir harei 26/2, di ban Tuyên Quang Thủ tướng Nguyễn Xuân Phúc song kapul ngak bruk di rajaei hu ngak bruk song urang dang akoak tỉnh ka bruk peih ngak KTXH. Thủ tướng ndom lac tagok glai tagok KT ngak glai lac jalan ngak ka TQ. Piah peih ngak hu, Thủ tướng khan lac bruk camereip TQ brei taogk jalan mbak nao mai khang kajap, dahlau di nan lac giao thôn, hu đề án tái cơ cấu tui jalan patom iek veik, piah patrun phun jien buh tabiak ka bruk y tế, pato pakai, pablei salih, dom hạ tầng karei karei.

2/ Biar harei 26/2, jabat rajaei hu harak brei thau panuac tacei pato di phaok Thủ tướng Thường trực rajaei Trương Hòa Bình ka bruk pasiam dom khat lihik trak dalam mbang khuah khang di Bình Dương mesup harei nan. Di mesup 26/2, di khu dân cư angaok jalan 30/4, phường Phú Hòa, ban sit Thủ Dầu Một, tỉnh Bình Dương hu rah tabiak mbang khuah khang ngak 4 urang dalam sa baoh sang metai. Phaok Thủ tướng Thường trực rajaei Trương Hòa Bình hu tacei UB bhap bini tỉnh Bình Dương nao rivang sua, daong chip ka baoh sang, pasiam veik bala, pasang iek cambaih makna mbang khuah. Jeng dalam biar harei 26/2, 4 urang nan hu ba nao palei dar hadei di tuk khám nghiệm tử thi.

3/ Mesup 27/2, Tòa án bhap bini ban HN peih phiên tòa xét xử sơ thẩm đại án kinh tế rah tabiak di glang pariak pablei salih cổ phần Đại Dương (Oceanbank).:  Phiên tòa xét xử Hà Văn Thắm  (um 45 thun palei Bắc Giang),urang dahlau deih ngak akaok Hội đồng quản trị glang pariak Đại Dương (Oceanbank) song 47 bị cáo karei hu 3 tội danh: “ngak suan  gah brei mesraiy di gah tín dụng”, “Lợi dụng chức vụ, quyền hạn dalam bruk ngak di drei” và tội “ngak suan hukum dui karja ka khik ramik kinh tế, ba tal khat lihik praong”.Tui cáo trạng truy tố di Việm kiểm sát, dom bruk ngak suan hukun di Hà Văn Thắm song dom urang cấp dưới ngak khat lihik ka glang pariak ni jiak 2 ribau tỷ đồng, ngak ảnh hưởng tal bruk ba tabiak dom sarak điều hành thị trường tiền tệ di glang pariak karja, ảnh hưởng tal bruk peih ngak sarak tiền tệ di rajaei. Phiên tòa hu rah tabiak dalam 20 harei.

4/ Pahadar 62 thun harei gru jru VN (27/02/1955 - 27/02/2017) di dom puk palei dalam saong langiu taneh ia hu dom bruk ngak thiết thực. Di ban raya HCM, Thành đoàn ban raya peih harei pataom “Tuổi trẻ gah y ngak tui panuac Wa” saong jao giải thưởng Phạm Ngọc Thạch mbang ka 5 ka 27 gru jru ranaih umo hadah krah. Harei pataom “Tuổi trẻ gah y ngak tui panuac Wa” rah tabiak ngan saong ralo bruk ngak yau: parang iek thaot binguk “Tuổi trẻ gah y ngak tui panuac Wa” di sang ilamu dam dara (Quận 1) “Thau dhar phor urang gru jru”, iek glang pren yava ka dom amaik Việt Nam anh hùng di huyện langiu ban..v.v.. –di ban ine Phnompenh, taneh ia Campuchia, Tổng hội urang Campuchia asal Việt Nam di Campuchia peih harei pataom, taphia di nan tabiak mbaok Ban chấp hành lâm thời hội gru jru VN di CPC. Tui thống kê urak ini, urang Việt di CPC hu jaik 300 urang diuk rai meng bruk y. Ini lac jalan piah padang hội, piah dom y, bác sỹ sinh hoạt saong patagok dalam tuk vak tal.

5/ Harei 26/2,   Trung ương kapul dam dara Cộng sản Hồ Chí Minh  peih lễ khởi động bilan dam dara thun 2017 di ban Cao Lãnh, tỉnh Đồng Tháp hu angan “ Tuổi trẻ jum pataom dak padang palei pala bahrau song văn minh đô thị.”Jeng dalam mbang ni, TƯ Kapul peih bruk jao brei 500 kamo pacang jamuk song 50 pok pandap ka dom boh sang dalam sarak karja, 30 sruh radeih juak song 20 pok jien bac Vừ A Dính ka anek saih hu rai duik kan kandah, jao 526 triệu đồng phun jien ka dam dara padang mbang ngui, patagok KT, tong abih tih phun jien ka dom pok pandap nan labaih 600 triệu đồng .

6/ Harei 26-2 di Lạng Sơn, mintri ngak nông saong patagok palei pala pambuak saong UB bhap bini tỉnh Lạng Sơn peih nyaom meyai triển khai dom jalan pacang cakak chủng vi rút cúm A/H7N9 saong dom chủng vi rútkarei njom mbak tapa negar. Tui tổ chức y tế dunya, tok dalam 2 bilan akaok thun ini, TQ hu 112 urang njom cúm A/H7N9 di 16 tỉnh, ban, abih di nyu nan lac dom tỉnh gah meraong jaik taphia VN. Kayua yau nan ye, taong abih  dom pakat meng TƯ tal dom puk palei, abih di nyu nan lac dom puk palei hu jalan taphia negar brei pambuak khang kajap, peih ngak taong abih dom jalan pacang cakak oh lui menuk ada saong pandap ngak meng menuk ada nhập lậu ba tame taneh ia.

7/ Melam 26/2 CA song karja phường Phạm Ngũ Lão (Quận 1), ban raya Hố Chí Minh  hu ra quân xử lý vi phạm bruk lieh mek vỉa hè di jalan Bùi Viện. Dalam mbang ra quâ, gah chức năng patom rilo radeih dok dựng ala lồng, lề jalan  mai trụ sở Công an phường Phạm Ngũ Lão piah langyah bruk ngak suan. Dom boh sang lieh mek vỉa hè ngak labik khik radeih, parang kapan ghe pablei salih jeng xử phạt song hu panuac sinya oh tái phạm. Kayua ni lac harei camereip ra quân xử lý, nan ye rilo boh sang pablei salih phản ứng khang. Min, hadei di tuk pan dom urang jakar bộ đội trật tự đô thị song CA phường langyah ye dom boh sang patui ngak di UB bhap bini Quận 1 ka bruk khik ramik trật tự đô thị, rik dong padang ngak ban raya HCM văn minh, salih bahrau.

Patui di ini dom khau tin dunya:

8/ Hadei tukvak padeih, labik daok di baoh sang tổng thống Mỹ hu peih pabah mbang veik dom tua brei ka tuai damuai. Dom tua tham quan Nhà Trắng hu padeih meng tuk Tổng thống barau Đô nan Trăm nhậm chức, kayua oh ka bổ nhiệm hu urang phụ trách. Nhà Trắng lac labik daok saong ngak bruk di dom rai tổng thống Mỹ. Mong peih pabah mbang tame tham quan Nhà Trắng lac meng 7h30 – 11h30 (harei ngar tal harei harei jip), meng 7h30-13h30 (harei suc saong harei car). Tuai damuai meng umo 18 thun tagok brei hu dom janih harak kayua rajaei Mỹ peih brei. Công dân urang negar langiu brei likau hu tham quan Nhà Trắng tapa đại sứ quán taneh ia drei. Tuai damuai tuk tham quan Nhà Trắng oh brei quay video, ieu phon, nhắn tin, mbang menyum, njuk pakao, oh ba tui radaih jhul, kadung bak, ba lô, vũ khí, janih ngak patuh. Dom mật vụ hu quyền ngăn cấm tuai ba tui pandap cá nhân halei bo urang medil. 

9/ Dom mbang hajan khang ba tal ia sua di Chi-lê dalam 2 harei tapa ngak takik di abih 4 urang metai song palai pajoa rilo taneh di dom labik tapen tasik di negar n. Labaih 4 triệu boh sang di ban ine Xan-ti-a-gô (Santiago) dok dalam bruk oh hu điện, ia pandar. Hijan khang gam gam dom harei tapa ngak ka krong Mai pô ia tagok, ngak glut jaleih taneh , song ia sua trak, ảnh hưởng labaih 1 triệu 450 ribau boh sang di 30 huyện tapen krong. Kayua hajan ribuk, bruk pabak ia ka labaih 60% urang di ban ine Xan-ti-a-gô jiak 4 triệu urang oh nao mai hu meng rilo harei tapa.

10/ Harei 26/2, Phó Thủ tướng Xin-ga-po Trương Chí Hiền hu nao rivang Trung Quốc dalam 3 harei. Tui kuhria dalam tukvak rivang TQ, ong Trương Chí Hiền saong Phó Thủ tướng Trung Quốc Trương Cao Lệ hu chủ trì nyaom meyai UB pambuak bruk dua gah TQ – Xinhgapo mbang ka 13, ginum meyai dom bruk piah cụ thể hóa talei pambuak bruk taong abih tiến bộ gam thời đại bo urang dang akaok pakat glaong dua taneh ia mek hu di bilan 11 thun 2015. Langiu di nan, dua gah hu mbaoh tangin sanya 19 thỏa thuận pambuak bruk dom gah pajeng ba, khoa học, khik iek tài nguyên ia, y học./.