1 # Pak tỉnh Nam Định hu rah tabiak Nyaom biai thường trực Hội đồng bhap bani dom tỉnh, bal taneran kraong Hồng saonh duyên hải Bắc Bộ mbang ka sa, vaktu 2016-2021. Akaok Quốc hội Nguyễn Thị Kim Ngân hu mbaok dalam nyaom biai. Pak nyaom biai, dom urang lambaok ndom lac, dalam dom mbang nyaom Hội đồng bhap bani, mbang sua tangi saong javap jaleiy nan lac mbang nyaom prong. Bruk xử lý đơn thư urak ini jeng mboh ralo nan lac ba đơn tal dom jabat chức năng piah langyah tui adat hukum; dom bruk Thường trực Hội đồng bhap bani tỉnh hu harak pandar dom jabat chức năng mong iek, pasang iek gilac oh ralo... Ngan haong dom bất cập yau nan, dom urang lambaok jeng hu ba tabiak dom jalan ngak pasiam veik.

2/ Di jabat ngak bruk rajaei, Thủ tướng Nguyễn Xuân Phúc hu taduan kapul doanh nghiệp pakat glaong hội đồng kinh doanh Hoa Kỳ - ASEAN (ieu lac US-ABC)  kayua ong A.Phen-men,  akaok gam lac giám đốc điều hành US-ABC pan akaok. Di var taduan, Thủ tướng Nguyễn Xuân Phúc ndom lac, VN saong Hoa Kỳ mek hu dom jak jeng dalam talei pambuak bruk di dua taneh ia 10 thun tapa, abih di nyu nan lac đầu tư saong pablei salih. Rajaei VN jia saong daong lagaih thực thi hiệp định TPP jeng yau daong bhap bini doanh nghiệp ngak bruk di VN pandar siam cơ hội meng hiệp định ini.

3 # Ủy viên Bộ Chính trị, Bí thư Trung ương Đảng, Akaok Ban Tuyên giáo Trung ương Võ Văn Thưởng, gam haong kapul urang ngak bruk Ban Tuyên giáo Trung ương hu van ngak bruk haong Ban Thường vụ Tỉnh ủy An Giang ka bruk peih ngak dom bruk ngak chính trị di Tỉnh ủy An Giang. Pak van ngak bruk, ong Võ Văn Thưởng ndom lac: tỉnh An Giang njauk sangka jang bruk peih ngak bac megru, quán triệt Nghị quyết njauk nao gam haong rai diuk. Yaok thun, tỉnh njauk palih ruah dom kadha daok duh hatai piah pasiam veik angaok tinh thần mong tapak, ndom tapak, pasiam bruk ngak abih di nyu lac bruk palih ruah tabiak dom kareih camin hadah.   

4/ Mbang tổng kết di kapul thể thao VN hu mbaok tame Olympic Rio 2016 hu rah tabiak di HN. Di labik ini, ralo panuac pok tagok akaok mintri ilamu – Thể thao saong DL, Nguyễn Ngọc Thiện ka bruk patagok jien mbang saong jien bilan dalam tukvak pasram megru saong pakacah. Dalam tukvak kuhria saong pakacah di Olympic Rio 2016, dom vận động viên  hu mbang 400.000 đồng jien bilan saong 400.000 đồng jien mbang yaok harei. Min hadei di tuk gilac mai VN, yaom jien ini patrun, lac 150.000 đồng saong 200.000 đồng. Dom VĐV caong khin mintri ilamu – thể thao saong DL sangka tal chế độ jang, cambaih laih lac jien mbang saong jien bilan ka VĐV.

5 # Đại tá Nguyễn Đức Quý, Phaok akaok Sang bac Sĩ quan Không quân, Quân chủng Phòng không - Không quân brei thau: harei 26/8, sa sruh kapal haok  pasram lái di sang bac njauk laik trun hadei di tuk par tagok pak huyện Đông Hòa, tỉnh Phú Yên. Tui nan ong Nguyễn Đức Quý, sruh kapal haok laik kayua khut động cơ. Angaok sruh kapal nan hu sa urang par. Urak ini sang bac daok brei urang jakar, sĩ quan meng bal Nha Trang, tỉnh Khánh Hòa tabiak nan piah langyah hậu quả. 

6/ Di Hà Nội, Dự án quản trị karja piah patagok taong abih di jabat patagok dunya Hoa Kỳ pambuak saong mintri công thương saong hiệp hội kamei doanh nhân VN peih nyaom meyai “patagok talei pambuak bruk công – tư”. Di nyaom meyai, dom urang ndom lac, pambuak bruk công tư dalam tukvak tapa jeng daok ralo tavak tavaiy; năng lực di dom tổ chức ngành hàng, dom bruk ngak ka pato megru kỹ năng pablei pandap, kỹ năng tự bảo vệ di doanh nghiệp, dom cơ chế sarak hukum di karja dalam gah khik caga merak gauk lành mạnh di darak pasar

7# Cục Khik iek meriak gauk, Mentri Công Thương bahrau taduan mek gilac Harak chứng nhận đăng ký bruk pablei pandap đa cấp ngan haong Công ty Cổ phần Đầu tư Sản xuất saong Thương mại MLM Việt Nam. Cục Khik iek meriak gauk peih bruk pasang iek, duah thau ka dom bruk ngak hu dấu hiệu vi phạm pháp luật ka bruk khik iek bruk pablei pandap đa cấp di MLM. Harei 19/7, Cục Khik iek meriak gauk hu tabiak quyết định taong phạt yaom jien 350 triệu đồng ngan haong Công ty ini hu vi phạm dalam bruk pablei pandap đa cấp. Tui adat, Quyết định taong phạt meda hu peih ngak hadei di 30 harei kuhria meng harei mboh tangin.

Patui di ini dom khau tin dunya:

8/ Sa mbang patuh khang hu rah tabiak di mesup harei 26/8 di ban Chi-may, gah meraong Bỉ, ngak sa urang metai saong 4 urang karei njauk rambuah. Dom hãng truyền thông puk palei brei thau, mbang patuh rah tabiak di sa pasak thể thao hu angan Le Chalon di ban Chi May palai pajoa meneng tòa nhà di pasak ini. Tui gah cứu hộ 2 dalam 4 urang njauk rambuah daok dalam nguy kịch. Urak ini makna mbang patuh oh ka thau. Min dom nguồn tin ndom lac ini meda lac sa mbang patuh khí gas. 

 9 # Nhà Trắng brei thau Hải quân Mỹ hu cuh 3 phát phao cảnh cáo, hadei di tuk dom sruh gilai tấn công cao tốc di I-ran taom gaok saong nduac vil taom dhal gilai Hải quân Mỹ di bhum tasik dunya dalam Eo tasik Hóc-mút (Hormuz), gah Barak vùng Vịnh dahlau di nan sa harei. Tui panuac khan di Nhà Trắng, gilai Mỹ hu cuh cảnh cáo trun mbaok tasik kayua gilai I-ran oh ciuk nao hadei di sa mbang ndom biai katut tapa radio. Tuk bruk nan rah tabiak, gilai I-ran atah gilai Hải quân Mỹ jaik 193 mét.

10/ Khu đặc chính Hồng Công (Trung Quốc) brei thau urang njom virus Zika akaok meti. Brei panuac di mbang họp báo melam kabroi, urang dang akaok jabat kiểm soát y tế ban brei thau daok pachreih yaok jalan ngak piah pacang cakak virus njom mbak. Ưu tiên dang akaok urak ini nan lac kiểm soát jamuok njom ruak dalam khu vực. Urang rauk lac sa urang akmei umo 38 thun, hu pren yava khang kajap dahlau tuk njom virus. Jabat y tế ban hu pathau khan urang ruak tagok tổ chức y tế dunya WHO./.