1# Biar harei 26/9, di taneh ia Lào, amuk Nguyễn Thị Kim Ngân, akaok QH saong kapul urang pakat glaong Quốc hội taneh ia drei hu ginum biai saong akaok Quốc hội Lào Pa-ny Ya-tho-tu. Tapa nan, dua gah njauk gauk brei patagok talei pambuak bruk pato pakai urang jakar, klah rabha ilamu, abih di nyu nan lac bruk padang ngak adat hukum, bruk pasang iek peih ngak adat hukum.

2/ Di HN, mintri kế hoạch saong đầu tư, mintri pato megru pambuak bruk saong tập đoàn Fuyo NB peih bruk alin jien bac Fuyo mbang ka 18 ka dom sinh viên bac da-a naih gheih di 27 sang bac đại học dalam taneh ia thun bac 2015 – 2016. Thun ini hu 53/80 adei sinh viên lambaok ka 18/27 sang bac hu alin, yaok paok jien bac yaom 300 đô la Mỹ.  INI lac bruk ngak daong ka VN dalam bruk patagok nguồn nhân lực piah pachreih ba bruk bac daa, ruah duah ilamu saong pamaong tal jak jeng dalam tukvak anak tal  di sinh viên VN.

3# 3 thun tapa, karja  huyện Lý Sơn, tỉnh Quảng Ngãi peih ngak rilo jalan pacang cakak bruk urang pajeng toi meng labik karei tabiak pulao Lý Sơn srau pameluk pablei ka tuai damuai, ngak jhak tal angan toi Lý Sơn. Tui nan, huyện hu daong yaok po kapal pajeng tuai meng Sa Kỳ tabiak Lý Sơn yaok thun 6 triệu đồng saong sanya oh pajeng tỏi meng labik karei mai pulao Lý Sơn. Amuk  Phạm Thị Hương, Phó akaok Uỷ ban bhap bini huyện pulao Lý Sơn, tỉnh Quảng Ngãi brei thau: “Huyện hu daong kapal pajeng tuai, pajeng pandap tabiak Lý Sơn yaok thun 6 triệu đồng. Meyah kapal pajeng tỏi labik karei mai, bo biên phòng saong dom gah chức năng pambuak bruk haong huyện duah mboh, ye oh brei kapal nan nduac tra”.

4/ Sở pato megru ban Đà Nẵng daok pasang iek palih ruah 20 gru pato hadah krah hu ralo rik daong ka bruk pato megru piah alin giải thưởng Võ Trường Toản dalam tuk pahadar harei gru pato VN 20/11 tal. Giải thưởng Võ trường Toản lac giải pok meyaom yaok thun kayua sở pato megru ban raya HCM pambuak saong báo sài gòn giải phóng peih tabiak. Thun ini, mbang akaok meti giải peih praong alin thưởng ka gru pato daok di ban Đà Nẵng, yaom yaok giải 20 triệu đồng.

5 # Sang iek ruak đa khoa huyện Gò Quao, tỉnh Kiên Giang hu taduan 149 công nhân sang mac chai Vinatex daok di xã Định An, huyện Gò Quao mai iek ruak ngan saong dom triệu chứng yau pandiak, patuk, sraiy ia dung, pandik tarakaong, dalam nan hu 61 urang ndih veik sang iek ruak. Bác sỹ Nguyễn Văn Hải, Phó Giám đốc Sở Y tế tỉnh Kiên Giang brei thau, ruak ini tok lac cúm mùa, cúm bhian mboh, oh jhak hagait lô tal pren yava. 

6/ Jaik 20 ribau tỷ đồng lac yaom jien kuhria peih ngak đề án khik caga, pasiam veik saong patagok glai khang kajap bhum Tây Nguyên tukvak 2016-2025 barau hu Tổng cục Lâm nghiệp, mintri ngak nông saong patagok palei pala pok tagok thủ tướng rajaei mbaoh tangin brei adat. Bruk ngak di đề án lac pacang cakak bruk lahik glai, pataom tame langyah taneh riya, piah pasiam veik, patagok glai lagaih saong bruk di bhum Tây Nguyên.     

7# Biar harei 26/9, sa mbang hajan khang dui atah rilo tuk ngak ka rilo jalan di ban raya Hồ Chí Minh dauk dalam, kan nao mai, gar radaih di rilo labik.

Patui di ini dom khau tin dunya:

8/ Mintri y tế Philippin brei thau hu 3 urang njom vi rút Zika barau, patagok abih tih urang njom Zika di taneh ia ini lac 12 urang meng meng akaok thun tal ini.

9# Labaih 237 ribau menuac di bhum kreh negar Trung Quốc daok kurang ia taba biak khang hadei di mbang pandiak bhang dui atah rilo adit tapa. Tui kuhria mboh dahlau, bruk pandiak bhang meda ngak kan kandah tal bilan yuak thun ini di rilo tỉnh, ban bhum kreh mnegar  Trung Quốc.

10/ Danak dak lương thực dunya di LHQ barau brei thau, phái đoàn daong hu nao tal 4 ban sit di Xyri saong parabha pandap mbang menyum ka dom labik daok njauk pacang cakak, oh taduan hu pandap daong meng bilan 4 tal ini./.