1/ Taduan panuac daa  di akaok negar Trần Đại Quang, harei ni (28/2), Patau song Hoàng hậu Nhật Bản hu mai rivang pakat karja VN. Ni lac mbang nao rivang VN camereip di Patau song Hoàng hậu Nhật Bản;, mbang nao rivang meda peeih tabiak jalan ngak bahrau dalam talei pambuak bruk NB- VN. Urak ni, NB lac negar  pambuak bruk ngak mbang prong dang akaok di VN, negar dong ODA prong abih labaih 30% phun jien ODA dong ka VN. Saong lac negar dang ka 2 ka bruk buh phun jien tame ngak mbang tapak di VN,  ngan song 42 tỷ Dola Mỹ, yaom jien ngak mbang pablei salih di dua gah thun 2016 labaih 29,4 tỷ đô la Mỹ.

2/ Biar harei 27/2, Thủ tướng Nguyễn Xuân Phúc taduan akaok mintri  Ngoại giao saong pablei salih Bru-nây daok rivang Việt Nam saong hu mbaok dalam mbang nyaom ka sa UB pambuak bruk dua gah VN - Bru-nây. Thủ tướng caong khin pambuak bruk saong Bru-nây dalam gah dầu khí, ngak nông hữu cơ, halan hatian pabak brah suai lavik, tani tanat ka Bru-nây piah khik kajap an ninh lương thực.

3#/ Mesup harei 27/2, di HN, Ban tacei jalan ba drei tame dunya ka KT peih  mbang ginum biai ka sa thun 2017. Phó Thủ tướng Vương Đình Huệ- akaok mban tacei jalan  dang akaok.Dom urang di mban tacei jalan hu pan panuac khan ka bruk peih ngak ba drei tame KT dunya thun 2016, jang yau hu panuac likau ka jalan ngak thun 2017.

4/ Biar harei ini, amuk Tòng Thị Phóng, Ủy viên mintri Chính trị, Phaok akaok Quốc hội hu nao rivang saong tadhau yuh dom gru jru, urang jakar y bác sĩ sang iek ruak Đa khoa tỉnh Đồng Nai tuk pahadar 62 thun harei gru jru VN 27/2. Tadhau yuh kapul urang jakar, y bác sĩ sang iek ruak Đa khoa Đồng Nai, jeng yau gah y tế ĐN, amuk Tòng Thị Phóng ndom lac, dom thun meng bloh, gah y tế lac sa dalam dom gah nao dahlau dalam bruk salih barau ngan saong bruk iek glang urang ruak, anit ranam menuac, brei mboh phẩm chất di urang gru jru tui panuac pato di Wa Hồ “lương y yau từ mẫu”, iek bruk pandik harao di urang ruak yau pandik harao di rup drei. 

5/ Dalam dom bruk ginum biai di mbang nyaom ka 1 dom jabat pakat glong APEC thun 2017 dok rah tabiak di tỉnh Khánh Hòa, mintri ngak nong song patagok palei pala VN peih ngak sarak ka an ninh padai brah. Di labik ni, mintri ngak nong song patagok palei pala VN ba tabiak 3 jalan ngak ka bruk patagok ban prong, puk palei, an ninh padai bra, tagok khang kajap lagaih haong bruk biến đổi khí hậu.

6/ Melam kabroi 27/2, di ban sit Gia Nghĩa tỉnh Đăk Nông, Sở Y tế Đăk Nông peih melam nhạc Blouse patih ngan saong kadha “daoh ka anit ranam, daoh ka urang ruak”. Ini lac melam nhạc Blouse patih akaok meti hu peih tabiak di Đăk Nông, ngan saong dom kadha daoh, kadha nghệ thuật di dom y bác sĩ daok ngak bruk di tỉnh. Danak dak parang iek oh pablei harak, tuai damuai rik jien tame thùng pahala tui kadung jien di yaok urang piah daong urang ruak kan kathaot daok iek ruak di dom sang iek ruak. Abih tih jien rik daong nan hu ba tame quỹ ging mbang anit ranam di dom sang iek ruak đa khoa meng tuyến huyện tal tỉnh di Đăk Nông.    

7/ Mesup 27/2 labaih 1200 urang jakar, urang đoàn dam dara, anek saih, SV lambaok ka dom gah di thành đoàn Cần Thơ peih bruk tabiak mbaok bilan dam dara thun 2017. Ngan saong kadha “ Dam dara Cần thơ jum pataom dak padang palei pala bahrau song văn minh đô thị” hadei di lễ ra quân, dom urang đoàn dam dara rami ramik dom bảng quảng cáo suan hukum, puh hareik tathuak dom danao ribong dok di quận Ninh Kiều, labik chợ nổi Cái Răng, puh ramik jalan dhuan hajao saat mekre an toàn di huyện Thới Lai, brei sang “ khăn quàng đỏ “ ka uranaih hu rai duik kan kandah, pathau khan ka bruk padang ngak ilamu angaok jalan, bruk pacang caga khuah ka bhap bini.

Patui di ini dom khau tin dunya:

8/ Tông thống Mỹ Đô-nan Trăm harei kabroi 27/2 brei thau ong hu đề xuất kadung jien karja tui nan hu patagok pandar cai ka QP saong duah dom khoản pandar cai patak pataom karei piah pabak tame. Tổng thống Trăm hu duah jalan patagok pandar cai QP  nan lac 54 tỷ đô la dalam đề xuất kadung jien karja akaok meti saong patrun dom yaom jien tương ứng meng dom khoản pandar cai QP karei, dalam nan patrun khang viện trợ negar langiu. Yaom lac oh ka hu yaom patagok barau ndom ye bol bala Mỹ lac khang abih dunya saong Mỹ hu buh ka QP ralo jang taneh ia halei dalam dunya.

9/ Rajaei TQ bahrau hu panuac khan hu 8 urang metai kayua jit cúm menuk ada H7N9 meng kreik bilan 2 meng bloh, tagok urang metai takik di abih 108 urang dalam bilan brak ni. Dom urang tui iek jit ruak hu panuac ieu urang TQ caik hatai tal jit cúm H7N9, rah tabiak dalam bilan brah song bilan xuân.Dalam bilan brah ni, TQ hu 5 labik tamuh ruak, ngan song labaih 175 ribau menuk ada ba nao am klak. Oh lac TQ, 2 negar jiak taphia NB song HQ tuk vak tapa dang anak jit cúm menuk ada pambak prong hu ba nao am cuh klak yaok triệu drei menuk.

10/ Dom urang pan akaok Tập đoàn Lót-te di Hàn Quốc hu njauk hatai jao taneh ka rajaei piah peih ngak hệ thống phòng thủ tên lửa tầm glaong tukvak puac di Mỹ, piah pacang cakak saong bruk đe dọa tên lửa  di taneh ia láng giềng TT. Tui mintri QP HQ, dom harak gar daok veik hu samar ngak salah bloh piah ba hệ thống phòng thủ tên lửa pandar di puac thun ini yau bruk ba tabiak di HQ saong Mỹ. hệ thống  nan tukvak puac hu ngak piah taong  pacang tên lửa đạn đạo par glaong dalam saong langiu bầu khí quyển, ba tal sa hệ thống phòng thủ tầm atah jang hệ thống PAC-3 bo gah Phòng vệ Nhật Bản daok peih ngak urak ini./.