1# Mesup  27/9, ông Nguyễn Thiện Nhân, Akaok Ủy ban trung ương Mặt trận Negar Việt Nam hu var ngak bruk haong Ủy ban bhap bini ban raya Hồ Chí Minh ka bruk pasang iek, duah thau bruk njauk hatai di bhap bini, di kapul nyaom ngan saong bruk ngak di jabat hành chính karja thun 2016. Bruk langyah tal 99% dalam abih tih labaih 6 triệu 700 ribau hồ sơ dom janih meng akaok thun tal ini, lac kham merat praong di dom urang jakar công chức di ban raya. Piah paglaong bruk duh ka bhap bini dalam tukvak tal, ông Nguyễn Thiện Nhân mboh lac, Ủy ban bhap bini ban raya Hồ Chí Minh njauk paglaong bruk pasang iek, pataom mbaok tame, rik daongdi bhap bini dalam salih bharau thủ tục hành chính. Ban raya njauk duah thau makna halei, dịch vụ, thủ tục halei ngak ka bhap bini oh njauk hatai piah duah jalan ngak ka nyu siam.

2/ Tui  cục y tế dự phòng, meng akaok thun tal ini, dalam taneh ia hu 72.000 urang njauk ruak pandiak tabiak drah, tagok biak ralo duk saong thun 2015; dalam nan hu 21 urang metai. Dalam taneh ia hu labaih 27.000 urang ruak tangin takai cambuai, jaik 3.400 urang ruak hu ký sinh trùng sốt rét, 3 urang metai. Mintri y tế ndom lac tukvak tal, taphia jit ruak Zika saong pandiak tabiak drah ye jit cúm A (H1N1) meda tamuh tabiak tuk dom tỉnh gah brak tame bilan li-ar lac tukvak dom urang ruak tagok khang. Taphia di nan, dom jit ruak karei yau: cúm A(H5N1), A(H7N9) jeng mbuan tamuh tabiak tuk virut ngak jeng ruak daok hu di tapon menuk ada

3# Harei 27/9, biên phòng tỉnh Lào Cai pambuak bruk saong dom gah pambuak tal, peih bruk am cuh klaak  2,7 tấn mì chính nhập lậu meng Trung Quốc. Abih tih mì chính Trung Quốc njauk khik mek saong am cuh klak hu 108 bao janih 25kg yaom abih tih 16.500 Nhân dân tệ (jaik 60 triệu Việt Nam đồng). Tui nan, yaom blei yaok kg mì chính jaik 20.000 đồng min. Meyah pandap  nhập lậu nan tame hu, nyu hu ba nao tal dom darak, dom đại lý dalam tinh Lào Cai, atau srau pameluk haong mì chính dalam taneh ia piah pablei di darak pasar.

4/ Kapul pasang iek liên ngành pacang cakak buôn lậu, bleik saleik pablei salih pandap ja saong an toàn thực phẩm di ban sit Đồng Xoài, tỉnh Bình Phước barau duah mboh 155 kg ralo bruk di cơ sở tạp hóa Khánh Hạnh daok di xóm 2, palei 1B, xã Tiến Thành, ban sit Đồng Xoài. Abih tih ralo bruk bo kapul pasang iek duah mboh saong pataom mek di cơ sở tạp hóa Khánh Hạnh lac 155kg, dalam nan hu 35 kg ralo menuk, 45 kg talang pabui saong 75 kg ralo pabui. Taong abih ralo nan hu pataom mek gam saong dom pandap tapa tukvak pandar ba nao am cuh klak.   

5# Dhar pajeng ba jalan pasei Sài Gòn brei thau, hu 65 kapul tut angan blei jaik 5.000 harak radaih pui Tết Đinh Dậu 2017. Piah blei hu harak  tập thể, brei hu meng 20 urang tagok dalam sa jabat, nao sa sruh radaih pui, sa harei, sa labik nao. Harak blei tui jalan tut angan tập thể tok hu salih, bayar tuk thông tin angaok harak oh njauk haong harak gar di urang blei nao) saong yaom phí lac 30% yaom harak saong brei salih, bayar 24 tuk dahlau di tuk radaih pui peih. Meng harei 01/10 tới, gah jalan pasei hu peih pablei harak radaih pui Tết ka menuac urang.

6/ harei ini 28/9, dua sang mac saradang di cty cổ phần tabau saradang Cần thơ lac sang mac saradang Vị Thanh saong Phụng Hiệp hu peih tabiak ngak bruk. Eng sang mac saradang Long mỹ Phát di cty TNHH tabau saradang cồn Long Mỹ Phát hu peih ngak meng harei 10/9 meng bloh. Tabau hu 10 chữ saradang hu dom sang mac blei di hamu yaom labaih 1.000 đồng sa kg.

7# Taong janeh hạt giống ka 8 urang Japon dalam mbang taong rah tabiak di tuk jala pandiak harei 27/9, tay vợt laik 1 Việt Nam - Lý Hoàng Nam hu tame vòng 2 đơn nam giải quần vợt pakat dunya Việt Nam F6 Futures rah tabiak di Bình Dương. Jeng dalam nội dung đơn nam, taong abih 3 tay vợt di VN hu đặc cách brei tame lac Nguyễn Hoàng Thiên, Nguyễn Văn Phương saong Trịnh Linh Giang jeng samar padeih takai di vòng 1 uk lah dom  đối thủ saong tỷ số 0-2.

 Patui di ini dom khau tin dunya:

8/ Gah y tế dunya barau tabiak harak pathau khan lac, 92% menuac sia dalam dunya daok diuk rai di dom labik ô nhiễm không khí tapa tanut brei adat (tui chuẩn di gah y tế dunya), dalam nan Đông nam Á, timur địa trung hải saong pai Thái Bình Dương njauk gaok kan kandah trak abih.

9# Dalam mbang nyom 14 di Thái Lan saong Trung Quốc ka bruk peih ngak dự án jalan pasei cao tốc Sino-Thai meng bloh, dua gah njauk gauk brei ngak salah hợp đồng dahlau di tuk pok tagok Rajaei Thái Lan brei tapa dalam bilan10. Hadei di nan, pilih ruah thầu saong tui kuhria, brei ngak 3,5 km camereip jalan meng Băng-cốc (Bangkok) tal gah Đông Bắc tỉnh tal Na-khon Rát-cha-si-ma (Nakhon Ratchasima) di bilan 12 tal. Anak tal, jalan cao tốc ini hu pambuak jalan pasei cao tốc Sino-Lao, rik daong patagok kinh tế - xã hội di khu vực.