1. Harei kabroi 28/8, Akaok negar Trần Đại Quang saong diuk di ong, gam haong Kapul urang lambaok pakat glaong Việt Nam tabiak truh bal ine Ban-đa Xê-ri Bê-ga-oan (Bandar Seri Begawan), tamat siam mekre mbang rivang pakat Karja  tal Bru-nây Đa-rút-xa-lam (Brunei Darussalam), nao ribang pakat Karja tal Cộng hòa Xinh-ga-po (Singapore) meng harei 28 - 30/8. Mbang rivang pakat Karja tal Singapore di Akaok negar Trần Đại Quang piah patui veik peih ngak jalan đối ngoại di Nyaom roya Đảng mbang ka XII, ba talei pambuak bruk patagok dalam jang tapa bruk pakhang jang talei rohim haong Cộng hòa Singapore.

2/ Melam kabroi 28/8, Thủ tướng Nguyễn Xuân Phúc hu nao rivang dom kỹ sư saong dom urang ngak hầm đèo Cả daok di jalan roya 1 pambuak saong tỉnh Khánh Hòa saong Phú yên. Thủ tướng Nguyễn Xuân Phúc pok meyaom dom urang jakar, kỹ sư, chuyên gia saong urang ngak di công trường padang ngak hầm Đèo Cả hu yam tapa ralo kan kandah piah khik kajap tukvak di công trình biak hu makna ngan saong bruk patagok kinh tế XH di taneh ia, abih di nyu nan lac Phú yên saong Khánh Hòa.

3. Harei 28/8, pak Bal raya Hồ Chí Minh, Uỷ viên Bộ Chính trị, Phó Thủ tướng Thường trực Raja-ei Trương Hoà Bình hu dang akaok nyaom biai haong urang pal akaok dom mentri, ngành saong puk palei la bruk langyah khiếu nại ralo manuac, dui atah pambuak pagam tal dom dự án kavei padang aia Sông Dinh 3, tỉnh Bình Thuận saong dự án padang ngak Đại học Quốc gia Bal raya Hồ Chí Minh. Pak van nyaom, Phaok Thủ tướng Thường trực Chính phủ Trương Hoà Bình ndom lac: Bruk langyah khiếu nại dui atah, biak catang, ralo manuac di bhap bani njauk hu langyah yaok bruk cambaih laih, pagam haong trách nhiệm di urang dang akaok puk palei, jabat pambuak pagam dalam tukvak langyah. Dom caong khin di dom baoh sang pak dom dự án angaok nan lac njauk, khin hu mong iek, langyah piah padeih bruk khiếu nại dui atah yau urak ini.

4/ Dalam dom bruk di nyaom meyai dam dara hadah krah ngak tui panuac Wa mbang ka 4 thun 2016, di HN, TƯ đoàn barau peih bruk pathau khan bruk ngak hu tagok Wa, hu mbaok di 445 urang mai meng grap labik dalam taneh ia. Dalam tuk druc drui dang anak anh linh Chủ tịch Hồ Chí Minh, lambaok dam dara ưu tú dalam taneh ia hu pok panuac, brei thau bruk kham merat di rai rah ranaih halan hatian buh pren yava ka bruk pataok di taneh ia, bac megru saong ngak tui kreih camin hadah krah di HCM.   

5 # Công an tỉnh Quảng Trị bahrau tabiak harak kakei bhap bani juai ma-in kadha ma-in Pokemon Go jaik labik jabat Đảng, Karja, dom labik quân sự, an ninh quốc phòng. Harak nan jeng pakuac dom urang jakar, bol lin ma-in Pokemon Go dalam jabat ngak bruk. Nan lac sa kadha ma-in  angaok điện thoại kayua sa công ty di Mỹ patabiak, urak ini, mbang pandiak di kadha ma-in pokemon go hu pambak tal Việt Nam hadei di jaik sa bilan patabiak.

6/ Meng akaok thun 2016 tal ini, dalam tỉnh Bà Rịa-Vũng Tàu hu labaih 1.300 urang ruak pandiak tabiak drah, ralo jang 30% duk saong thun 2015, dalam nan hu sa urang metai. Urak ini, gah y tế Bà Rịa-Vũng Tàu daok kham merat peih bruk tui iek dom urang ruak tui njauk jalan ba tabiak di mintri y tế, langyah samar dom sruh jit; tui iek jit ruak yaok harei piah samar iek ruak.

7 # Salam uan 71 thun cách mạng Bilan 8 saong Harei negar 2/9, melam kabroi 28/8, pak bal raya Hồ Chí Minh, Kapul urang vak báo Việt Nam peih melam chung kết harei nyaom pakat negar Sap daoh urang ngak báo thun 2016. 13 kadha naih gheih di dom urang ngak báo mai meng 3 bhum Baraj – Kreh negar saong gah Meraong huparang me-in dalam melam chung kết. Dom urang ngak báo – ca sỹ hu daoh dom kadha pok meyaom Đảng, Wa Hồ, hatung hatai anit ranam taneh aia, ilamo hào hùng di bangsa, abih di nyu hu dom kadha tự biên, tự diễn…

8/ Gah khik iek drak pasar tỉnh Yên Bái hu peih bruk am cuh klak 450 kg pha menuk saong dom pandap oh hu harak gar barau cap mek hu angaok radaih ô tô Huyndai  88C- 066.40 kayua Nguyễn Văn Hùng, daok di xã Đồng Khê, huyện Yên Lạc, tỉnh Vĩnh Phúc peih. Urang peih radaih Nguyễn Văn Hùng jeng lac po pandap njauk phạt 15 triệu đồng; taong abih pandap oh hu harak gar saong oh thau mai meng halei njauk pataom mek ba nao am cuh klak.

Khaw tin dunya:  

9 # Gah khik iek ar tasik di Italia harei kabroi 28-8 brei thau daong hu jaik 1 ribau 100 urang di cư angaok dom sruh gilai di eo tasik Si-xin ( Sicily), tuk nyaom manuac urang ini daok kham merat nao tal đến châu Âu. Dom urang hu daong  angaok 8 sruh gilai hơi, sa sruh gilai prong saong 2 gilai đáy bằng dalam 11 mbang daong gah khik iek takai tasik Italia angaok tasik Địa Trung Hải.

10/ Mintri pato megru Hi Lạp daok kuhria sa kế hoạch patao yaok ribau uranaih tị nạn daok di taneh ia ini, meng akaok bilan 9 tal. Tui jalan ngak ngan saong bruk daong di Quĩ nhi đồng LHQ saong dom tổ chức dunya karei, uranaih hu bac dom tal bac hu peih tabiak dalam pasak taduan atau hu ba tal dom sang bac di karja daok jaik di nan.

11   # Harei ini, Liên hợp quốc meda patui veik bruk buh phiếu kín mbang ka 3 piah duah tabiak urang salih ka Tổng thư kí Liên hợp quốc Ban Ki Mun padeih bruk hadei di 2 nhiệm kì. 15 negar dalam Hội đồng bảo an Liên hợp quốc meda buh phiếu ka 1 dalam 10 ứng cử viên, ngan haong bruk palih ruah 3 hala phiếu “tín nhiệm”, “ oh tín nhiệm” saong “hu panuac brei thau di drei”. Urak ini hu 10 ứng cử viên, 5 urang kamei saong 5 likei, pakacah tame labik ini. Urang dahlau diah ngak Thủ tướng Bồ Đào Nha An-tô-ni-ô Guê-tê-rết (Antonio Guterres) nan lac urang ba akaok hadei di mbang buh phiếu ka dua 2 harei 5 bingun bilan 8 meng blaoh. Urang dahlau diah ngak Ngoại trưởng Xéc-bi-a Vúc Je-rê-mich (Vuk Jeremic) dang  ka 2./.