1# Mesup 28/9, amuk Đặng Thị Ngọc Thịnh, Ủy viên Trung ương Đảng, Phó akaok negar saong kapul ngak bruk hu mai rivang saong ngak bruk di xã Hàm Trí, huyện Hàm Thuận Bắc, tỉnh Bình Thuận ka bruk peih pakacah “ba gauk padang ngak palei pala bahrau”. Di labik ini, Phó akaok negar biak caik hatai sangka tal thu nhập bình quân,bruk diukrai di bhap bini  dalam xã. Rilo bruk di xã Hàm Trí peih ngak hu jak jeng yau: xã hội hóa pajaih padai, pambuk bruk pabam pajaih padai xác nhận, bruk raong limo, kapul pala thanh long VietGAP, daong patagok jien mek tame ka urang ngak nong. 

2/ Mban Tuyên giáo TƯ barau peih mbang nyaom saong lambaok dom urang dang akaok dom mintri, ngành ka bruk peih ngak kế hoạch 03 di mban Bí thư TƯ Đảng ka “peih ngak chỉ thị 05 di mintri chính trị ka bruk jhul pakhang bac megru saong ngak tui jalan diukrai siam mekre di HCM”. Brei panuac di mbang nyaom, ong Mai Văn Ninh, Phaok akaok mban Tuyên giáo Trung ương ndom lac: tukvak anak tal, dom puk palei, mban ngành brei thau cambaih chỉ thị 05, maong ini  lac bruk ngak gam gam di dom tổ chức Đảng, đơn vị, pataom tame langyah dom bruk duh hatai di jabat, đơn vị, dom bruk bo jabat, đơn vị daok sangka.

3# Dom sarak daong khik caga, patagok glai pambuak saong sarak patrun kathaot samar, khang kajap saong daong bhap bini bangsa takik tukvak 2016-2020 lac asal kadha dalam quy định bahrau hu Ủy ban bhap bini tỉnh Bắc Giang ba tabiak. Tui nan, meng hjarei 1-10-2016, hu daong ka dom baoh sang pala pabak glai pacang caga, glai tự nhiên yaom jien 1,6 triệu đồng/ha/thun dalam 3 thun camereip saong 600 nghìn đồng/ha/thun ka 3 thun patui di nan; pala glai sản xuất saong patagok glai lingiu kayau yaom daong 10 triệu đồng/ha.

4/ Dalam 5 thun tapa, tỉnh Đắk Nông hu jaik 24.000 mbang baoh sang mek hu angan urang nông ngak mbang pablei salih joi. Dom baoh sang mek hu angan thun hadei bhian glaong jang thun dahlau. Yaok thun, Đắk Nông hu labaih 1000 baoh sang urang nông ngak mbang pablei salih joi. 

5# Piah daong bhap bini bhum kan kandah hu labik daok siam mekre dalam bilan hajan ribuk, tỉnh Khánh Hòa hu peih ngak danak dak daong bhap bini bangsa takik pasiam veik sang taik tahak. Di huyện Diên Khánh saong ban sit Ninh Hòa, 95 baoh sang bhap bini bangsa takik hu daong pasiam veik sang daok meng jien di kadung jien karja tỉnh. Gam saong bruk daong ini, karja palei daok ieu pataom dom gah, meng nan hu 100 baoh sang tra hu daong pasiam veik sang danaok.

6/ Tui sở xây dựng ban raya HCM, tukvak 2016 – 2020, ban raya brei padang ngak 39 dự án sang daok XH  praong abih tih 140 ha ngan saong labaih 44.700 baoh sang saong kham merat ngak salah bloh jaik 30.000 baoh sang dalam thun 2016; dalam nan, urak ini hu 8 dự án peih ngak ngan saong labaih 4.200 baoh sang, saong 12 dự án hu brei adat ngak (jaik 12.000 baoh) saong 19 dự án hu công nhận po đầu tư atau jalan đầu tư.

7# Thun 2011, tỉnh Hậu Giang hu 23 xã dalam bhum kan kandah, urak ini trun daok 12 xã, taong abih dom baoh sang kathaot tui tanut maong tui rilo gah pandar ka tukvak 2016 - 2020 lac 29.000  baoh, dalam nan tok hu jaik 2.500 baoh sang kathaot lac bhap bini bangsa Khmer. Thun 2016, Hậu Giang hu parabha brei jaik 7,5 tỷ đồng peih ngak danak dak 135, dalam nan daong bhap bini Khmer di 29 palei biak kan kandah dom brukh raong pabui, kubao, limo, menuk, ada, raong ikan piah patagok kinh tế, padang ngak 7 công trình jalan mbak palei pala saong sa sang bac mẫu giáo.

Patui di ini dom khau tin dunya:

8/ Mỹ, Nhật Bản saong Hàn Quốc daok ginum meyai dom jalan ngak piah cakak klaoh dom kein laba mek hu meng bruk pablei dhang saong dom công nhân TT ngak bruk di taneh ia langiu. Trợ lí Ngoại trưởng Mỹ ka dom bruk Đông Á ong Đa-ni-en Rát-xồ brei thau, 3 taneh ia jeng daok pasang iek veik dom bruk haong gauk hadei di mbang thử hạt nhân di TT. Mỹ, HQ saong NB hu patagok sức ép tame bruk uy tín jeng yau kein laba di TT, mbiah tal tuk taneh ia ini talap veik dom bruk ginum biai nghiêm túc ka bruk oh hu hạt nhân angaok bán đảo TT saong ngak tui dom adat di bhap bini dunya.

9 #Ngan saong kadha “Mesruh pacang bruk neh rabha umo thun”, harei dunya urang praong thun 1-10 năm nay, Liên hợp quốc ba tabiak bruk ka yaok urang di dunya thau habar lac  neh rabha umo thun saong dom kanjah jhak di nyu ngak ka urang praong thun. Kayua urak ini, neh rabha umo thun daok rah tabiak yaok harei saong grauk labik daok lac bruk pandik harao di urang praong thun. Bruk njauk biai nan lac, roh duah brei mboh, dom urang praong thun hu rilo duh hatai diuk rai katut jang 7,5 thun duk saong dom urang hu hatung hatai chreih chrai.

10/ Harei 28/9, jabat thanh tra pacang tham nhũng di TQ brei thau, ong Vương Hồng Nhân, phaok tổng giám đốc Tập đoàn sắt thép Hồ Bắc, tập đoàn thép praong abih TQ, daok njauk pasang iek ka bruk tham nhũng. Dalam sa harak pathau khan panak, UB pasang iek kỷ luật TƯ brei thau ong Vương njauk tình nghi “vi phạm kỉ luật catang”, sa thuật ngữ ndom nyaik tội hối lộ, saong oh pabak chi tiết ka bruk ini./.