1 # Biar harei 29/8, pak Jabat Trung ương Đảng, Tổng Bí thư Nguyễn Phú Trọng hu taduan raok ong Xay-xổm-phon Phôm-vi-hản, Ủy viên Bộ Chính trị, Akaok Ủy ban Trung ương Mặt trận ba akaok Kapul urang lambaok pakat glaong Ủy ban Trung ương Mặt trận Lào Dak padang taneh aia mai rivang saong ngak bruk pak Việt Nam. Tổng Bí thư brei mboh hatai caong khin dalam tukvak anak tal, Mặt trận dua negar daok patui jalan pambuak bruk khang kajap piah paglaong siam lagaih dalam bruk dak padang talei gul pataom bangsa di yaok negar saong rik daong oh sit tame bruk pakajap saong patagok talei rohim pambuak bruk nao mai biak karei di Việt Nam-Lào.

2/ Biar harei 29/8, di Phủ Chủ tịch, Phaok akaok negar Đặng Thị Ngọc Thịnh hu taom mbaok kapul dam dara, thiếu niên bangsa hadah krah tỉnh Lào Cai. Ini lac 50 dam dara, thiếu niên hadah krah dom bangsa, lambaok ka labaih 112.000 dam dara, thiếu niên dalam tỉnhmai ban ine HN pathau khan tagok Wa dom bruk ngak hu.  Phaok akaok negar brei mboh hatai bui sambai anak dom jak jeng dalam kham merat, bac daa di dom anek saih bangsa, ralo adei lac anek saih hadah krah, naih joi dalam ralo thun gam, bac naih ralo môn. Phaok akaok negar caong khin Lào Cai sangka pato pakai jalan diukrai siam mekrei ka rai rah ranaih, iek glang rai diuk bhap bini siam jang, ini jeng lac pren khang rik daong khik caga taneh ia palei negar khang kajap jang.

4/ Jeng di melam nan, tỉnh Sóc Trăng hu pambuak bruk saong cty Cổ phần Xúc tiến pablei salih saong patagok dunya ATP peih nyaom darak blei pandar – Sóc Trăng 2016. Hu mbaok di nyaom darak hu labaih 200 gian hàng di labaih 100 đơn vị doanh nghiệp dalam taneh ia. Nyaom darak piah yaih khan thương hiệu, peih praong drak pasar di tỉnh Sóc Trăng saong pablei pandap tapak tal tangin urang blei pandar. Nyaom darak hu rah tabiak tal abih harei 4/9.

3 # Pamong tal pahadar Harei negar 2/9, harei kabroi 29/8, dom puk palei hu peih ngak ralo bruk ngak piah salam uan:

 * Pak tỉnh Gia Lai, Kapul Công nghiệp cao su Việt Nam peih Nyaom padhih meng kan ka urang jakar, urang ngak di bhum Tây Nguyên. Nyaom padhih hu mbaok labaih 200 vận động viên mai meng dom công ty dalam Kapul Công nghiệp Cao su Việt Nam pak 5 tỉnh Tây Nguyên saong di negar ayut Lào. Rah tabiak dalam 4 harei, dom vận động viên meda pakacah 7 môn nan lac: caoh mbanh, taong mbanh, cầu lông, quần vợt, điền kinh, cờ tướng saong katung talei.

Patui di ini dom khaw tin karei njauk caik hatai:

5 # Melam  kabroi 29/8, pak bal Đà Nẵng, Mentri Ilamo – padhih saong Rivang ma-in peih talaih Mbang pakacah Nghệ thuật Sân khấu Tuồng saong daoh kadha daoh bhap bani kịch pakat negar 2016. Dalam 10 harei rah tabiak, jaik 700 nghệ sĩ, diễn viên di 11 đơn vị nghệ thuật sân khấu meng kan dalam negar parang ma-in 17 vở diễn, dalam nan hu 10 vở Tuồng. Dom jabat yau  Sang daoh Tuồng Việt Nam, Sang daoh Tuồng Nguyễn Hiển Dĩnh; Sang daoh Tuồng Đào Tấn... hu ba tal urang mong iek dom tác phẩm siam mekre bak pren sáng tạo,  brei mboh hatai bất khuất di ong muk dalam bruk dak padang taneh aia saong khik iek palei negar... Ban Tổ chức jao 3 giải Ameh saong 4 giải pariak ka dom vở diễn xuất sắc; pok brei giải ameh ka 32 urang.

6/ harei 29/8, di nyaom meyai báo chí pacang cakak ruak viêm gan vi rút, lambaok Cục y tế dự phòng, mintri y tế brei thau: VN lac sa dalam dom taneh ia hu urang njom vi rút viêm gan B, viên gan C rilo dalam khu vực saong gaok kan kandah trak kayua njom vi rút viêm gan. Tui kuhria urak ini VN hu jaik 9 triệu urang njom vi rút viêm gan B saong jaik 1 triệu urang njom viêm gan C. Dom urang metai tui kuhria dalam thun 2015 kayua vi rút viêm gan B lac labaih 23.000 urang saong kayua vi rút viêm gan C labaih 6.000 urang. 

7 # Biar harei 29/8, Ủy ban bhap bani tỉnh Quảng Nam pambuak haong Cục Sở hữu trí tuệ, Mentri Khoa học saong Công nghệ peih bruk brei thau ka chỉ dẫn địa lý "Ngọc Linh" ka pandap sâm củ. Labik địa lý hu jao brei harak chứng nhận nan lac xã Trà Linh, huyện Nam Trà My, tỉnh Quảng Nam. Đề án khik ramik saong patagok phun sâm Ngọc Linh tal thun 2030 hu Raja-ei mboh tangin di bilan 9/2015. Sâm Ngọc Linh urak ini hu yaom meng 45 triệu đồng tal labaih 150 triệu đồng sa kg tui janih sit atau praong saong tui thun pala.

Patui di ini dom khau tin dunya:

8/ Harei 29/8, Tổng thống Philippines Rodrigo Duterte sanya jao thưởng yaok pluh ribau đô la Mỹ ka urang halei tacei brei thau piah cap urang cảnh sát halei pacang khik  ka dom băng đảng ma túy, saong hu panuac lac dom urang ngak praong tham nhũng njauk trừng trị. Tổng thống Duterte brei thau: oh hu bruk nhân nhượng dalam bruk mesruh pacang ma túy bo tui cảnh sát hu labaih 1.900 urang njauk tiêu diệt dalam bruk mesruh pacang ma túy hu peih tabiak meng harei 1/7 meng bloh.

9 # Urang jakar Cuba harei kabroi brei thau, dalam harei paguh (31/8), hãng Giet Blu (JetBlue) meda hu jeng hãng kapar haok akaok meti di Mỹ peih mbang par dakrai sajarah tal Cuba. Ini lac takai yam nao bahrau di abih dalam jalan pasiam veik talei rohim pambuak bruk nao mai di dua negar jaik taphia. Yaom harak kapal haok sa mbang nao angaok kapal haok ini, lac 99 đôla. Gam haong Giét Blue, ralo hãng kapar haok karei di Mỹ yau Sin-vơ E-uây (Silver Airway), A-me-ri-kừn Elai (American Airlines) jeng hu peih dom mbang par định kỳ meng Maiami (Miami) tal Cuba dalam bilan ngan haong yaom meriak gauk.

10/Jabat ngak bruk Tổng thống Mỹ brei thau, karja Oa-sinh-tơn jeng daok khả năng hu QH taneh ia ini brei tapa hiệp định pablei salih pambuak bruk  xuyên Thái Bình Dương (TPP) dahlau di tuk Tổng thống Ba-rắc Ô-ba-ma tamat nhiệm kỳ di harei 20/1 thun 2017. Nhà trắng hu panuac lac, meyah TPP oh hu phê chuẩn, bruk dang akaok di Mỹ njauk suy yếu dalam khu vực. Tok daok dom bilan puac abih di nhà trắng, Tổng thống Ô-ba-ma daok jhul pakhang dom kham merat piah ngak salah dom bruk daok meteh dhi, dalam nan hu bruk pachreih QH Mỹ brei tapa hiệp định pambuak bruk xuyên Thái Bình Dương TPP dahlau di tuk hiệp định pablei salih ralo gah ini hu ba tabiak ngak tui./.