1# Pagaiy harei ini (30/9), harei mbang Katê 2016 – harei mbang praong abih dalam thun di bhapbini Cam Ahier di dua tỉnh Ninh Thuận saong Bình Thuận hu rah tabiak. Yaok rabau bhapbini Cam daok di tỉnh Ninh Thuận hu pataom gauk mai bimong Pô Klong Girai bui sambai raok Kate. Di bimong PôKlong Girai, bhapbini ngak adat raok ao khan po yang, peih ba mbang yang, menaiy ka po, ba dom pandap paling yang, daoh tamia...daok di tỉnh Bình Thuận, harei mbang Katê 2016 hu peih akaok meng adat raok khan ao po limei mai bimong Cam Pô Sah Inư di ban sit Phan Thiết, Bình Thuận. Yaok rabau urang hu bhapbini Cam, tuai damuai saong bhapbini puk palei hu dang tapeng jalan iek kapul raok khan ao. Hadei adat raok khan ao po kumei, gam saong adat Tống ôn di bimong  praong, di inem mek bimong Pô Sah Inư daok rah tabiak mbang pakacah mbang menyum, menyim, ngak lanh am di dom nghệ nhân mai meng rilo puk palei dalam tỉnh.

2/ Dalam dom bruk di harei  kate, melam 29/9, di mblang bimaong Po Sah Ine ban Phan Thiết, tỉnh Bình Thuận hu rah tabiak dom bruk ilamu – daoh tamia chreih chrai di mikva Chăm. Peih akaok ka dom bruk ilamu – daoh tamia di mblang bimaong Po Sah Ine lac bruk pakacah ramik pasiam khay hala – sa pandap oh kurang hu dalam adat cambat tanarakun di urang cHăm kayua dom nghệ nhân mai meng dom palei chăm dalam tỉnh BT ngak iek. Ong Chế Quốc Minh – sa nghệ nhân barau hu mbaok dalam brukl pakacah ramik pasiam khay hala brei thau:

Sap Chăm

3# Melam kabroi (29/9), di ban sit Phan Rang – Tháp Chàm, tỉnh Ninh Thuận peih pakak Lễ hội Nho saong Vang thun 2016. Lễ hội piah pok je dom urang pala nho, yaih khan ka nho saong alak vang di tỉnh Ninh Thuận. Urak ini, tỉnh Ninh Thuận hu labaih 1.200 ha, sản lượng 30.000 tấn/sa thun. Nho hu maong lac patao baok kayau di bhum thulagu Ninh Thuận, hu nao tal dom tỉnh ban dalam taneh ia. Brei panuac di var lễ, ông Lưu Xuân Vĩnh – akaok Ủy ban bhapbini tỉnh Ninh Thuận brei thau :  

Băng: “ Bruk peih ngak lễ hội Nho Vang Ninh Thuận thun 2016 piah pok je bruk tari tarieng, caong khin yam tagok di dom bangasa tỉnh Ninh Thuận di bhum taneh thuligu jang; pok je dom yaom kinh te bo phun nho ba mai ka puk palei; thau dhar phuan dom rik daong di dom urang alamu, urang khik ramik doanh nghiep saong urang nong ka bruk patagok di nho Ninh Thuận di tukvak tapa. Taphia nan, lac harei piah dom urang roh duah, dom urang alamu, dom doanh nghiệp, urang pala nho hu jalan taom gaok, menin, ginum biai alamu ka phun nho, dak padang chuỗi yaom nho, yaih khan nho saong dom đặc sản karei di Ninh Thuận.”

4/ Urak ini, urang taha umo di VN meblah jaik 11% abih tih menuac sia, lac labaih 10 triệu menuac, dalam nan, hu jaik 10 ribau urang taha umo daok diuk rai dalam dom pasak raong ba, bảo trợ di karja, tổ chức chính trị - XH saong tư nhân padang tagok. Tukvak anak tal, mintri lao động – thương binh saong XH daok tham mưu đề xuất pabak dom sarak piah daong, raong ba, iek glang siam abih ka urang taha umo.

5# Pagaiy harei 29/9, di ban raya Hồ Chí Minh rah tabiak bruk mbaoh tangin tame đề án “dak padang ban raya Hồ Chí Minh jeng ban raya thông minh tukvak 2017 – 2025, pamaong tal thun 2030” di Ủy ban bhapbini ban raya Hồ Chí Minh saong Tập đoàn Bưu chính viễn thông Việt Nam. Akaok mintri Thông tin saong Truyền thông Trương Minh Tuấn lambaok tut angan. Di ini, akaok mintri Trương Minh Tuấn ndom lac: bruk pamaong tal ban raya jeng đô thị thông minh akaok meti dalam taneh ia lac bruk njauk ngak dahlau, brei thau hatai kham merat jeng pasak jien padai,  khoa học - công nghệ…

Patui di ini dom khau tin dunya:

6/ Mesup 29/9, di jabat ngak bruk di mintri an ninh Lào di ban ine Viêng Chăn hu rah tabiak bruk tamat tal bac sap Việt paglaong khóa 1 saong peih tal bac sap Việt paglaong khóa 2. Danak dak kayua mintri an ninh Lào pambuak bruk saong lambaok mintri công an VN song đại sứ quán VN daok di Lào peih tabiak. Tal bac biak hu yaom glaong dalam bruk peih ngak  praong dalam saong hu kein laba jalan pambuak bruk di mintri công an VN saong mintri an ninh Lào. Taphia di nan pambuak bruk khang kajap di dua Đảng, dua taneh ia jeng yau dua mintri.

7# Mỹ daok pasang iek, duah thau rilo doanh nghiệp Trung Quốc gaok sahaneng lac ngak suan lệnh trừng phạt Triều Tiên. Bruk nan hu ba tabaik hadei tuk Mỹ mbang akaok mereip trừng phạt sa công ty Trung Quốc kayua hu bruk pablei salih pambuak tal dnakadak hạt nhân saong patagok tên lửa di Bình Nhưỡng. Bruk ini kayua điều phối viên chính sách trừng phạt di mintri Ngoại giao Mỹ, Daniel Fried ba tabiak di mbang điều trần harei 28/9, di Thượng viện.

8/ Gilang pariak dunya barau brei mesraiy 300 triệu USD piah daong bruk ngak ka urang tị nạn Syri di Jordan. Harak pathau khan di WB brei thau yaom jien ini hu pandar piah pachreih dom urang đầu tư saong jhul pakhang dom sarak daong urang tị nạn Syri di Jordan mbuan duah hu bruk ngak di labik ini./.