1/ Lambaok Công ty cổ phần Amata Việt Namhu alin brei pandap yaom 40 triệu đồng ka Pasak rong pato uranaih jaoh yo Đồng Nai. Pok jien hu kaoh tabiak  meng kadung jien rik pataom dong ka uranaih kan kathaot  di tuk pahadar 20 thun padang công ty, dalam nan hu 20 pok jien bac ka dom adei hu rai duik kan kandah. Meng ni tal Puac thun 2016, Công ty cổ phần Amata Việt Nam daok brei jien ka mbang blac dreih boh hatai ( yaom 70 triệu đồng) ka dom adei hu rai duik kan kandah di ĐN

2/ Gilang pariak Ngoại thương Việt Nam dhar Bình Dương (ieu lac Vietcombank Bình Dương) pambuak saong UBMT negar VN ban sit Thủ Dầu Một saong phường Hiệp An barau alin 2 baoh sang jum pataom ka 2 sang kan kathaot, kan kandah ka sang daok. Baoh sang praong 40m2 saong 60m2; tabung tauk tôn, nền tauk kaik men...Jien padang ngak sang kayua Vietcombank daong 50 triệu đồng, daok veik kayua dom baoh sang rik tame.

3/ Tập đoàn Điện lực Việt Nam  brei thau, labaih 6 ribau boh sang kan song boh sang dalam sarak karja di taneh ia hu pasiam veik song lắp đặt điện  brei saoh dalam bilan 12 dalam danak dak “ Pahadah hatai khin”. Langiu di nan, labaih 300 jalan mbak palei pala dalam negar hu truac hadah meng kadung jien rik dong di urang jakar nhân viên EVN dalam danak dak “ Pahadah jalan palei”

4/ Hội Ung thư ban raya HCM pambuak saong sang iek ruak Ung Bướu ban raya saong hội ung thư VN peih nyaom meyai yaok thun pacang cakak ung thư mbang ka 19. Di ban raya HCM, dalam 100 ribau urang ye hu 172 likei saong 138 kamei njauk ung thư. Bruk njauk duh hatai nan lac, ung thư tasau, đại trực tràng mboh hu rilo jang, dom urang ung thư tagok samar meng umo 40 thun tagok di likei saong kamei. Di VN, yaok thun hu jaik 155 ribau urang njauk ruak ung thư saong jaik 110 ribau urang metai kayua ruak ini.

5/ Tui dom boh sang rong pabui di Đồng Tháp, yaom pabui ralaow dok trun. Dalam nan, makna lac kayua urang blei di TQ padeih blei. Urak ni yaom pabui dok trun khang jiak song yaom phun, lac meng 3,8 đến 3,9 triệu đồng sa tạ. Ong Ngô Phi Dũng, Giám đốc Hợp tác xã rong pabui Phú Bình, xã Phú Long, huyện Châu Thành ndom lac, meng yaom pabui trun, rilo boh sang oh rong veik song meda rong cầm chừng cang yaom tagok, tok buh jien tabiak ka mbang rong luac thun piah pabak ka tết song dom lễ Puac thun

6/ Piah daong ka dom kapul gaiy ngo pasram saong pakacah siam di harei Oóc-om-bók – pakacah gaiy ngo meng kan di bhap bini  Khmer, Ủy ban bhap bini huyện Mỹ Xuyên, tỉnh Sóc Trăng hu daong 100 triệu đồng ka 4 kapul gaiy ngo likei saong sa kapul gaiy ngo kamei di 4 baha Khmer dalam huyện. Taphia di nan, huyện daok tacei pato dom puk palei jak ba urang daong brei, ieu pataom urang vah gaiy saong pachreih ba urang pasram njauk tui bruk ba tabiak.

7#/ Nyaom darak pasa pablei salih dunya Việt - Trung (Tà Lùng, Việt Nam – Thủy Khẩu, Trung Quốc) thun 2016, dok rah tabiak di ban sit Tà Lùng, huyện Phục Hòa, tỉnh Cao Bằng. Nyaom darak pasa hu labaih 280 gian hàng ( dalam nan TQ hu 80 gian hàng, VN hu labaih 200 gian hàng). Dom pandap panda hu mbaok di nyaom darak nan lac kaya nong, kaya glai, pandap di dom bhum palei, pandap chế biến, kaya ikan, pandap menyum. Nyaom darak pasa hu rah tabiak TAL harei 4/12/ 2016

Patui di ini dom khau tin dunya:

8/ Urang ngak praong Cô-lôm-bi-a brei thau: hu ralo kadha brei mboh lac, sruh kapal haok CP2933 di Bra-xin laik di Cô-lôm-bi-a harei 28/11 meng bloh lac kayua abih nhiên liệu dalam tukvak par trun. Panuac bo urang ngak praong Cô-lôm-bi-a ba tabiak jeng njauk saong panuac hu duah mboh dalam đoạn băng ghi âm dalam bilik peih di kapal haok, tui nan urang peih kapal haok hu panuac likau par trun kayua lỗi kỹ thuật saong kapal haok abih nhiên liệu. Bala ini ngak ka 71 urang metai saong tok hu 6 urang daok diuk.

9/ Yaom jien brei ka bruk langyah khủng hoảng hạt nhân Phư-cư-si-ma 2011 di Nhật bản tagok jang dua mbang tui kuhria mboh dahlau, nan lac labaih 201 đôla Mỹ. Mintri công nghiệp NB 2013 kuhria mboh lac, yaom jien đền bù, jien keih pambah mbang sang mac điện hạt nhân Phư-cư-si-ma song khử ô nhiễm phóng xạ labaih 97,9 tỷ đô la Mỹ.Min tui kuhria mboh bahrau di abih di rajaei NB, yaom jien ni tagok tal 201 tỷ đô la Mỹ.

10/ Dom urang medil lac ruak aih cruah di Yemen tagok labaih 7 ribau urang. Kuhria tal urak ini, dom urang  ruak aih cruah metai lac 8 urang. LHQ hu panuac lac, yaok triệu urang mbuan njauk ruak aih cruah dalam taneh ia Yemen kayua bruk y tế saong bruk vệ sinh oh siam, saong kurang jien ka bruk pacang cakak jit./.