1/ Harei kabroi 4/12, Akaok Quốc hội Nguyễn Thị Kim Ngân song kapul urang QH   ban Cần  Thơ  hu  taom gaok cử tri hadei di mbang ginum biai ka 2, QH mbang 14 di ban CT . Brei panuac anak bruk huac kanda di cử tri ka bruk tham nhũng urak ni, Akaok QH Nguyễn Thị Kim Ngân ndom lac oh hu vùng cấm dalam bruk tham nhũng. Akaok QH Nguyễn Thị Kim Ngân jia lac tui jalan trách nhiệm di drei, meyah hu dom panuac tangi sua  di urang jakar oh ngak njauk hatai cử tri, dom urang QH hu payua tal dom jabat chức năng piah roh duah peih ngak, patagok bruk khik ramik điều hành piah ka bhap bini jia hatai jang tame sarak di Đảng song karja.

2/ Mban peih bruk pakacah “Sáng kiến ứng dụng langyah dom bruk gah môi trường” hu alin 5 giải sa ka 5 kapul gru pato saong anek saih hu dom sáng kiến biak gheih. Bruk pakacah kayua sở pato megru ban Đà Nẵng peih tabiak. Dom đề tài, sáng kiến hu mbaok tame dhi pakacah pakat ban sit hu tapa 2 mbang chấm nan lac chấm dom đề tài thuyết minh saong chấm parang iek tapak. Hu peih tabiak meng bilan 4/2016, mbang pakacah hu daong patagok bruk tư duy sáng tạo dalam kapul urang jakar, gru pato saong anek saih ka bruk khik caga môi trường.

3/ Labaih 100 nghệ nhân di 24 kalup kapul kalang dalam negar hu mbaok tame Nyaom pakacah kalang nghệ thuật VN thun 2016 rah tabiak di ban Vũng Tàu, tỉnh Bà Rịa-Vũng Tàu. Labaih 300 kalang, dom nghệ nhân hu ngak jeng sa thoat binguk mbak sambo màu ka kalang. Dom labaik hu kalang meng kan yau Huế, ban raya Hồ Chí Minh, Hà Nội, Bắc Giang, Hải Phòng, Buôn Mê Thuột, Đắc Lắc, Đắc Nông....hu parang iek dom kalang biak gheih biak mekre .

4/ Dom harei ini, tapon nyaom bol pan phao kraong yau đồn Biên phòng, mban chỉ huy quân sự hu pachreih urang jakar, urang lin nao daong bhap bini pasiam dom khut khat kayua ribuk ia sua di ban sit Vĩnh Châu, tỉnh Sóc Trăng. Kapul urang jakar urang lin hu samar nao tal dom labik gaok kan kandah daong  puh ramik, padang veik saong njauk jaleih, tauk veik sang par tabung piah bhap bini daok tạm, nyaik hajan ngin. Thượng tá Nguyễn Hoàng Việt,  urang chính trị Ban Chỉ huy Quân sự ban sit Vĩnh Châu brei thau, anak meta kuhria labik daok ka mikva. Dom sang par tabung hu tauk veik, gah biên phòng hu pambuak saong gah dân quân daong mikva padang veik sang barau.

5/ Thun  ni, tỉnh Kiên Giang dui pachreih hu 15 dự án đầu tư, phun tut angan tame labaih 2.500 tỷ đồng, dong tagok  dự án đầu tư dalam tỉnh urak ni lac 690 dự án, di angaok taneh prong labaih 34.131 ha, tong abih phun jien tut angan tame labaih 450 ribau tỷ đồng. Dalam tong abih dự  án nan , hu 312 dự  án pdok peih ngak song yaom  jien buh tame abih tih jiak 140.000 tỷ đồng,  meblah 31% yaom phun jien. Rilo meng lac dom dự án ni hu buh tame dalam dom bruk ngak nong, ngak kaya ikan, ngak cong, pablei salih du lịch, dịch vụ, sx song ngak pandap panda, padang ngak jalan mbak.

6/ Sở y tế Đồng Nai, harei 4/12, brei thau urang akaok meti di tỉnh ini njom virus Zika. Nan lac sa urang kamei umo 24 thun daok metian 29 adit. Hadei di tuk hu brei thau ka urang akaok meti njom virus Zika, gah y tế dự phòng tỉnh Đồng Nai hu peih dom jalan ngak piah pacang labik urang ruak njom virus Zika, taphia di nan pruh jru cakak virus pambak praong.

7/ Dok di ban raya HCM, kuhia tal tuk vak ni, hu 94 urang njom virus Zika di 19 quận huyện, tagok 5 mbang dut song 2 thun dahlau.Anak jit ruak kayua vi rút Zika pambak samar, melam 5/12 Pasak Y tế dự phòng ban raya HCM hu ngak iek bruk pruh  jruhóa chất meng kỹ thuật bahra. Kỹ thuật pruh hóa chất pametai jamuk bahrau ni lac kỹ thuật pruh yau sauk pandiak. Dom labik hu pruh iek meng công nghệ bahrau lac ký túc xá dom sang bac Đại học Khoa học Xã hội song Nhân văn (quận Thủ Đức), sang bac Cao đẳng Kinh tế Hải quan (Quận 9), sang bac Giao thông vận tải di Quận 2.  

Patui di ini dom khau tin dunya:

8/ Kuhria tal urak ini, hu takik di abih 30 urang metai dalam mbang khuah sa kho pandap harei 3/12 meng bloh di ban Oóc-len, bang Ca-li-phoóc-nia (California), Mỹ. Urang ngak praong huac lac, dom urang metai  daok hu rilo jang tuk gah cứu hộ tame dalam nao labik njauk pui mbang khuah.

 9/ Hajan khang dalam dom harei tapa di bhum tapen tasik gah merong Tây Ban Nha ngak dauh rilo labik di ban Ma-la-ga (Malaga) song dom ban sit jiak tapen. Takik di abih sa urang metai, rajaei Tây Ban Nha hu tabiak panuac ieu bhap bini sangka tuk tabiak jalan dalam tuk langik jhak.

10/ Dom akaok mintri y tế di NB, TQ saong HQ harei ini hu taom gauk  di ban Pusan, Hàn Quốc, ginum meyai ka jalan pacang veik dom janih ruak njom mbak, dalam nan hu jit ruak Ebola, hội chứng laka jalan hố hấp bhum trung đông (MERS). Dom akaok mintri jeng ndom tal dom sarak pambuak tal bruk menek biar saong bruk già hóa dân số urak ini, patagok jalan khik kajap pren yava ka bhap bini saong tuai DL dalam tukvak rah tabiak dom bruk thể thao praong yau Thế vận hội Ô-lim-pic saong Paralimpic./.