1/ Pahadar 60 thun hệ Y tế dự phòng (1956 - 2016), harei 5/12 di Phủ Chủ tịch, akaok negar Trần Đại Quang hu taom gaok dom urang jakar y tế naih gheih hu rilo rik dong ka bruk y tế dự phòng. Brei panuac di labik ni, akaok negar Trần Đại Quang caong gah y tế sangka pato pakai, dak padang kapul urang jakar  y tế dự phòng hu ilamu, naih gheih gah bruk ngak, gam hu y đức siam, ginup ilamu pacang cakak dom jit ruak kan kandah. Lingiu di nan, njauk pambuak pakajap meng quân song dân y dalam bruk y tế dự phòng, abih di nyu lac di bhum atah bayah, bhum tapen negar palao kaoh.

2/ Phaok Thủ tướng Vương Đình Huệ lambaok ka Thủ tướng rajaei mboh tangin tame Quyết định ka bruk buh brei sara mbang ka tỉnh Hà Tĩnh daong bhap bini bhum dauk ia kayua hajan khang. Tui nan, phaok Thủ tướng Vương Đình Huệ jao mintri jien padai buh tabiak brei saoh 1.500 tấn sara mbang meng gilang khik mepiah di negar piah peih ngak bruk nan. UB bhap bini tỉnh Hà Tĩnh njauk taduan mek saong pandar sara hu buh brei nan daong chip, njauk menuac, njauk urang.

3/ Ngan song kadha “Tây Bắc – dom boh hatai hadah apui”, harei 5/12, di ban Việt Trì, tỉnh Phú Thọ, Mban tacei jalan Tây Bắc pambuak bruk song Ủy ban Trung ương Mặt trận negar Việt Nam, Ủy ban bangsa, tỉnh Phú Thọ peih ngak dalam prong prang bruk pok meyaom urang hu angan je naih gheih di bhum Tây Bắc. Tapa nan, hu pok meyaom 548 urang naih gheih, lambaok ka labaih 22.500 urang hu angan je hu palih ruah meng puk palei dalam abih tih labaih 131 ribau urang hu angan je di taneh ia hu pok angan.

4/ UB bhap bini tỉnh Nghệ An peih danak dak “Đêm hội sắc xuân miền tây” pambuak saong harei pataom bingu hướng dương thun 2016 meng harei 24 tal harei 27/12 di huyện Nghĩa Đàn, pabah mbang tame tabiak di bhum Tây Bắc Nghệ An. Danak dak Miền Tây palei Nghệ ndung bak ilamudi bhap bini dom bangsa Thái, Thổ, Mông, Khơ Mú, Ơ Đu. Harei pataom bingu hướng dương saong Đêm hội sắc xuân miền Tây lac tuk piah ka bhap bini saong tuai damuai hu thau, hu thau, hu pok meyaom ilamu bhap bini dom bangsa gah pai palei Nghệ.

5/ Ban ĐN song kapul Sun Group hu  khan brei thau ka lễ hội pháo bingu dunya Đà Nẵng thun 2017. Tui nan lễ hội hu rah tabiak meng harei 29/4/2017 tal abih harei 24/6/2017 ngan saong kadha “ Hadah tanyak Ngũ Hành Sơn”. Ni lac sa dalam dom lễ hội pháo bingu hu peih ngak prong abih di Châu á song jeng lac mbang camereip ban ĐN brei xã hội hóa lễ hội, jao ka sa DN dang tabiak peih ngak.

6/ Gah chức năng ban sit Vũng Tàu, tỉnh Bà Rịa Vũng Tàu peih bruk pathau khan, jak ba po kapal ikan hu công suất labaih 20 CV nao tabiak truh Bãi Trước mai pataok di 2 gah kraong Bế Đình, jaik labik tái định cư Bến Đình. Labaih 100 kapul pataok di labik ini brei panduan nao. Bruk ini hu peih ngak meng ini tal abih harei 9/12 tal.  Daok labik Cửa Lắp tal Bãi Sau tukvak peih ngak meng harei 19 tal harei 22/12. Hadei tukvak ini, meyah dom po kapal oh panduan nao, gah chức năng meda cưỡng chế dom pakal mai labik pataok njauk quy định.  

7/ Tỉnh Đồng Nai dok kham merat peih ngak dom jalan pacang caga jit hadei di tuk hu sa urang njom ruak  akaok meti. Urang njom Zika lac sa urang kamei umo 24 thun daok di phường An Bình,  ban sit Biên Hòa, Đồng Nai. Urang ni dok metain hu 29 adit, hu triệu chứng pandiak, caphaoh  rup saik meng harei 27/11. Tal harei 30/11 saai iek ruak di sang iek ruak  Nhiệt đới ban  Hồ Chí Minh, tapa dut iek mboh lac dương tính song virus Zika. Jabat y tế ĐN hu tui iek dalam bán kính 200m labik urang kamei ni dok, min oh ka duah hu urang halei hu dấu hiệu ruak.

Patui di ini dom khau tin dunya:

8/ Thủ tướng Nhật Bản Shinzo Abe brei thau, ong hu nao rivang Trân Châu cảng gam saong Tổng thống Mỹ Barack Obama di puac bilan ini. Tui nan, urang dang akaok NB hu nao tal Hawaii meng harei 26 tak harei 27/12 saong hu rivang Trân Châu cảng, labik rah tabiak bruk kapal haok NB taong tame tame căn cứ hải quân di Mỹ harei 7/12/1941 ngak labaih 2.400 lin Mỹ saong bhap bini metai, peih akaok bruk kalin kan dunya mbang ka 2 di Thái Bình Dương.

9/ 2 harei hadei di tuk rah tabiak bruk apui khuak khang di sa nhà kho di ban Oắc-len (Oakland) bang Ca-li-phoc-nia, (Mỹ) dom urang metai hu duah mboh tagok tal 36 urang. Hadei di 52 tuk ngak bruk oh padeih tangin, dom kapul cứu hộ njauk padeih bruk duah kayua rilo boh sang mbuan si jaleih.

10/ Jabat Điều phối dom bruk ngak pahala Liên hợp quốc harei kabroi peih bruk rik daong yaom jien biak praong di abih kuhria meng dahlau mai, lac  22,2 tỷ đôla ka dom bruk daong pahala di dom labik gaok kan kandah kayua mesruh metak saong bala meng lingik tasik di dunya dalam thun tal 2017. Jaik 8,1 tỷ đôla dalam abih tih yaom jien ieu daong tui kuhria hu parabha ka bhap bini Xyri- taneh ia daok njauk bruk metak palai pajoa./.