1/ Harei 6/12, Tổng Bí thư Nguyễn Phú Trọng song dom urang QHl ban HN hu taom gaok rilo cử tri xã Cổ Loa, huyện Đông Anh song  phường Thạch Bàn, quận Long Biên, ban Hà Nội, piah pathau khan ka mbang nyaom ka 2 QH mbang 14. Di var taom gaok, klah rabha dom suh sah di cử tri, Tổng Bí thư Nguyễn Phú Trọng langyah, ngak cambaih laih dom bruk cử tri dok sangka, pagam tal bruk hu mbaok tame Hiệp định đối tác xuyên Thái Bình Dương (TPP), bruk mesruh metak pacang caga tham nhũng, tiêu cực, palai pajoa, patagok bruk lập pháp.

2/ Hajan khang dalam 2 harei tapa, pambuak saong bruk tathuak ia sua di dom danao ia thủy lợi, thủy điện, ia di dom kraong di tỉnh Quảng Ngãi tagok glaong. Harei 6/12, hajan ia sua ngak 2 urang metai, yaok ribau baoh sang dauk dalam ia sua. Tỉnh Quảng Ngãi hu brei ralo kapul ngak bruk mai dom puk palei pasang iek saong tacei pato bruk pacang cakak hajan ia sua.

3/ Kayua hajan khang ba tal ia sua, rilo jalan xã, jalan huyện dalam tỉnh Bình Định dauk dalam ia. Urang dang akaok UB bhap bini tỉnh Bình Định hu nao pasang iek tapak bruk ia sua, tacei pato dom gah pagam song UB bhap bini dom pakat peih bruk pacang cakakhajan ia sua, khik salamat ka bhap bini, siam mekre ka danao ia, pacang ia dauh ka phun pala .

4/ Mesup harei 6/12, tatua Vĩnh Hy di xã Vĩnh Hải, huyện Ninh Hải, tỉnh Ninh Thuận jaleih 2 nhịp, dui tui sa urang laik trun ia tuk nao tapa tatua, min biak patuah oh metai. Ong Nguyễn Văn Tỷ,  Bí thư chi bộ palei Vĩnh Hy, xã Vĩnh Hải, huyện Ninh Hải, tỉnh Ninh Thuận lac: “Adei saai kuhria ngak tatua, đắp nền tạm oh hu kỹ thuật nan ye ia tame dui seik tatua. Ngak kan kandah ka bruk nao mai di mikva”.     

5/ Harei 6/12, pasak bruk ngak dam dara tỉnh Gia Lai peih bruk parang iek Mỹ Thuật hu angan “Sambo màu dã quỳ” Parang iek yaih khan 56 tác phẩm di labaih 30 tác giả, rilo meng lac urang đoàn, dam dara takre nghệ thuật dok ngak bruk, bac megru dalam tỉn. Bruk njauk biai nan lac, dom tác phẩm ini hu meng dom mbang nao tal dom labik dalam tỉnh. Tapa bruk ni dong khik ramik song patagok ilamu di bhap bini bangsa takik tỉnh Gia Lai.

6/ Cim katrau lac janih cim kan raong, mbuan metai. Min, meng ruah duah bac megru ilamu nan ye ong Nguyễn Minh Quang, daok di palei Lương Phú B, xã Lương Hòa Lạc, huyện Chợ Gạo, tỉnh Tiền Giang hu jak jeng meng janih cim raong ini, jien laba labaih sa tỷ đồng yaok thun.

7/ Tui pasak Y tế dự phòng ban raya Hồ Chí Minh kuhria tal harei 5/12 di ban raya HCM hu 98 urang njom virus Zika, dalam nan hu 12 urang kamei metain daok hu  iek glang di dom sang iek ruak chuyên khoa. Dom urang ruak Zika rilo meng dok di quận Bình Thạnh 20 urang, Quận 2  15 urang, quận 12 hu 10 urang. Gah y tế  ban raya dok tagok bruk tui iek dịch tễ, pruh jru hóa chất pametai jamuk di grauk labik, puh ramik môi trường, pametai lăng quăng, pathau khan bhap bini ba gauk pacang caga ruak kayua vi rút ni.

Patui di ini dom khau tin dunya:

8/ Di ban ine Pnôm-pênh, Campuchia barau rah tabiak nyaom meyai 3 gah hong dua gah pakat akaok metri di VN, Lào, CPC ka bruk pacang cakak ma túy mbang ka 16. Brei panuac di tuk peih bruk, ong Ke Kim Yan, Phaok Thủ tướng rajaei taneh ia Campuchia ndom lac, VN, Lào saong CPC lac 3 taneh ia hu hong gauk jalan taphia negar saong jeng lac pabah mbang pajeng ba di dom kol tội phạm pablei ma túy. Kayua yau nan ye bruk pambuak gauk pacang ma túy lac bruk praong di 3 taneh ia hu hong gauk jalan taphia negar.

9/ Sa mbang megei boh taneh khang 6,8 độ rích-te rah tabiak di bhum gah barak palao Su-ma-tra di In-đô-nê-sia.Tui jabat tui iek địa chất Mỹ, pasak di bruk megei baoh taneh ini atah di bhum Ban-đa A-chê 130 ki-lô-mét gah đông nam song daok di labik dalam 33 ki-lô-mét. Urak ni oh ka hu panuac khan ka riyah praong saong oh ka thau khat lihik hadei di mbang megei boh taneh.

10/ Gah meraong TL daok hu hajan ia sua, ngak kan kandah tal rai diuk di yaok rituh ribau urang saong ngak takik di abih 14 urang metai dalam dom harei tapa./.