1/ Nyaom darak pasa  pandap ngak cong palei pala bhum gah barak hu peih tabiak di Ninh Bình. Ni lac jalan piah yaih khan, palih ruah, pok meyaom pandap ngak cong palei pala di dom puk palei dalam taneh ia. Nyaom darak pasa pandap ngak cong palei pala di gah barak hu 350 gian hàng, yaih khan pandap ngak cong siam pakat bhum song pandap meng kan di yaok puk palei.

2/ Phaok akaok negar Đặng Thị Ngọc Thịnh gam saong dom urang QH đơn vị tỉnh Vĩnh Long hu taom gaok labaih 500 cử tri xã Mỹ An saong Mỹ Phước huyện Mang Thít piah khan brei thau bruk caga ka mbang nyaom ka dua, saong tui pang panuac di cử tri payua tal mbang nyaom. Di var taom gaok, ralo cử tri payua tal dom urang QH ka bruk daong sinh viên brei pambuak saong ba bruk ngak, hu sarak pachreih saong pandar nhân tài; hu jalan khik iek, pasang iek bruk môi trường tuk pachreih urang buh jien tame ngak mbang di VN.

3/ “Jalan nao tapa dom bhum taneh inem krung” lac angan dom danak dak ilamu hu rah tabiak di palei ilamu du lịch dom bangsa VN, Đồng Mô, Sơn Tây, Hà Nội. Ngan song bruk “Labik inem krung ca trù, quan họ, Ví, Giặm”, bhap bini hu ba drei tame dom bruk parang me-in, yaih khan dom nghệ thuật meng kan di VN hu UNESCO pok brei angan lac inem krung ilamu phi vật thể lambaok ka menuac sia dunya. 

4/ Nyaom roya urang kamei tỉnh Bình Dương mbang ka X tukvak 2016 – 2021 barau tamat bloh. Dalam tukvak 2016-2021, Hội Liên hiệp urang kamei  tỉnh Bình Dương kham merat yaok thun hu labaih 80% urang hội, urang kamei hu khan brei thau adat hakum pambuak tal urang kamei saong bruk likei kamei samu gauk; labaih 90% urang jakar, urang hội karei hu pato pasram paglaong ilamu dak padang baoh sang hanem phon.

5/ Hội quán Nụ Cười di labik 67 jalan Nguyễn Du, ban sit  Tuy Hòa, tỉnh Phú Yên kayua saai Trần Thanh Long song saai Nguyễn Thị Hằng ngak po, hu peih pablei dom jam lisei yaom 2000 ribau đồng sa jam ka dom urang ngak kan kathaot song SV hu rai duik kan kandah dok di ban sit. Ni lac quán lisei 2000 đồng sa jam camereip di Phú Yên, anak meta hu peih di var jala pandiak harei adit yaok adit. Tuk hu rilo urang, kapul nyaom ngak pahla dong, hội quán peih pablei rilo jang, pablei lisei 2000 đồng sa jam dalam dom harei dalam adit

6/ Tapa 20 thun peih ngak (1996 - 2016) chiến dịch “Hadah hadai ilamu hè” di urang đoàn, dam dara halan hatian tỉnh Đồng Tháp hu daong 800.000 urang xóa mù chữ. Tui jalan ngak lac “gam mbang, gam daok, gam ngak, gam pato saong gam bac hong bhap bini, tapa 20 thun peih  bruk, dom pakat bộ Đoàn tỉnh Đồng Tháp hu peih pato ka jaik 800.000 bhap bini umo meng 15 tal 60 thun di dom huyện bhum atah bayah dalam tỉnh.

7/ Mban peih giải Bóng chuyền kamei dunya VTV Cup 2016 brei thau giải bóng chuyền hu rah tabiak meng harei  8 – 15/10, di  Nhà thi đấu Đa năng tỉnh Hà Nam. Giải pakacah thun ni hu 6 đội bóng khang yau Đội tuyển Việt Nam, Đội tuyển Indonesia, Đội tuyển ranaih umo Trung Quốc, Đội Nagasaki (Nhật Bản), Đội bóng Từ Châu tỉnh Giang Tô (Trung Quốc) song Đội Chonburi (Thái Lan).Dom đội bóng pakacah vòng tròn tính điểm, palih tabiak 4 đội mek hu thành tích glong di abih tame bán kết

Patui di ini dom khau tin dunya:

8/ Mintri ngoại giao HQ brei thau, taneh ia ini saong Mỹ njauk gauk lac ginum meyai saong Bình Nhưỡng oh lac jalan siam piah phi hạt nhân hóa TT. Urang brei panuac mintri ngoại giao ndom lac bruk samar ndom lac ginum meyai saong TT meda ngak suy yếu dom kham merat trừng phạt di dunya pacang Bình Nhưỡng, ngak ka bruk phi hạt nhân hóa TT jeng atah bayah jang saong daong ka TT hu rilo tukvak piah patagok pren khang hạt nhân.

9/ Di palao Kim Cương, ban ine Phnôm Pênh, negar Campuchia hu peih nyaom darak pasa pablei salih VN thun 2016 di CPC. Nyaom darak pasa kayua mintri Quốc phòng Việt Nam dang tabiak pambuak bruk song mintri pablei salih VN, mintri  Quốc phòng song mintri pablei salih Campuchia peih ngak .Hu mbaok di nyaom darak pasa mbang ni hu jiak 200 DN mai meng VN, song labaih 200 gian hàng, yaih khan dom pandap panda chất lượng di dom DN dalam gah jik, takhaok, kaya nong, kaya ikan thủ công mỹ nghệ, điện - điện tử, padang ngak, pandap mbang chế biến, cơ khí.

10/ Sa mbang patuh di labik gah brak Xy-ri, ngak takik di abih 16 kol phiến quân hu TNK hậu thuẫn metai. Tui jabat tui iek nhân quyền Xyri, mbang patuh jaik taphia negar Át-mét, oh thau lac kayua taong mbom pametai rup eng atau kayua njauk caik mbom.  Mbang taong mbom ini pamaong tame kol  hu TNK daong dalam bruk mesruh pacang veik urang Cuốc saong kol IS. Urak ini oh ka hu gah halei atau menuac halei taduan trách nhiệm mbang taong mbom./.