1/ Rajaei bahrau tabiak sarak 28/2017 pasiam veik Nghị định 131 song 158 thun 2013 di rajaei tong phạt hành chánh ka quyền tác giả, ilamu, thể thao, du lịch, quảng cáo. Tui nan, bruk tual quảng cáo di gieng điện, phun kayau, cột tín hiệu giao thông meda phạt tal 10 triệu đồng, tagok 5 mbang dut song dahlau deih. Nghị định hu batabiak ngak tui meng harei 5/5/2017.

2/ Dalam tuk  nyaom meyai xúc tiến đầu tư tỉnh Quảng Nam, harei, 26/3, di ban sit Tam Kỳ, Thủ tướng rajaei Nguyễn Xuân Phúc hu mbaok tame bruk peih pasak hành chính công saong xúc tiến đầu tư tỉnh Quảng Nam. Ini lac mô hình pambuak 3 bruk dalam sa jabat, nan lac langyah thủ tục hành chính ka kapul nyaom, menuac urang;  xúc tiến đâu tư saong daong doanh nghiệp dalam tỉnh.

3/ Labaih 6 ribau urang đoàn, dam dara, anek saih, SV urang ngak, viên chức song bhap bini ban Yên Bái hu mbaok tame peih pakak song pachreih tui harei nduac Olympic “Kayua pren yava bhap bini” .Ni lac dom bruk ngak piah pahadar 71 thun harei padang gah  Thể dục thể thao song harei WA HỒ vak kadha “ Thể dục song pren yava”  tabiak panuac ieu bhap bini pasram thể dục, pahadar 86 thun harei padang kapul dam dara Cộng sản Hồ Chí Minh.

4/ UB bhap bini tỉnh Phú Yên barau patabiak văn bản pandar dom jabat, đơn vị, puk palei khik iek an toàn, an ninh dom danao caik ia thủy lợi saong thủy điện. Tỉnh Phú Yên urak ini 43 danao caik ia praong abih tih labaih 70 triệu m3. Min, taong abih dom danao caik jeng padang ngak meng labaih 20 thun min oh ka hu pasiam veik taong abih nan ye ralo hạng mục nyu khut.

5/ Harei 26/3, Công ty ngak keo nhựa song baar Vĩnh Phát dok di jalan Bùi Văn Ngọ, palei 5, xã Đức Hòa Đông, huyện Đức Hoà, Tỉnh Long An hu taneh prong labaih 4 ngàn m2 njauk pui khuah khang. Khat lihik tui kuhria tuk camereip labaih  2 ngàn m2 nhà xưởng, rilo pandap panda, jam riak di gah dalam khuah abih. Hadei di 3 tuk kham merat, padam hu pui khuah

6/ Di tỉnh Sóc Trăng rah tabiak var taom mbaok  meng kan đoàn dam dara bhap bini Cách mạng Khu Tây Nam bộ. Dalam dom thun bilan mesuk metak khang, dom rai rah urang jakar, chiến sĩ Khu Đoàn Tây Nam bộ oh huac rambah rambup, oh huac metai lihik, kham merat dak padang saong khik siam bruk ngak meng ban sit tal palei pala, rik daong tame bruk jayah di khu Tây Nam bộ dalam mesuh metak pacang kol Mỹ. Mban peih bruk hu jao dok dang tabiak peih bruk pataom mbaok meng kan thun 2018 ka Tỉnh Đoàn Cà Mau.

7/ Ong Trương Ngọc Trưng, Akaok Chi cục Thú y Hậu Giang brei thau, gah chức năng hu langyah bloh sruh jit ruak cúm H5N1 di huyện Vị Thủy meng bruk am cuh klak labaih 900 drei menuk di ong Nguyễn Việt Bắc daok di xã Vị Bình, huyện Vị Thủy. Meng akaok thun tal mai, ni lac mbang ka 2 di Hậu Giang hu sruh jit ruak cúm H5N1 song hu gah chức năng pacang padam abih.

Patui di ini dom khau tin dunya:

8/ Urang ngak praong Đài Loan (Trung Quốc) barau brei thau ka mbang tamuh  jit cúm menuk ada barau di dua trang trại raong menuk ada di bhum taneh ini, taphia di nan khan brei thau barau ba nao am cuh klak labaih 14 ribau drei menuk ada piah pacang cakak oh lui jit cúm pambak praong. Urak ini karja puk palei daok pasang iek catang bruk pambak tal cúm menuk ada, taphia di nan hu panuac kakei tal dom urang ngak praong meyah hu bruk menuk ada metai bất thường.

9/ Harei 26/3 di quận Bu-lắc (Boulaq), ban ine Cai-rô, Ai Cập rah tabiak bruk jaleih 2 boh sang prong ngak takik di abih 1 urang metai song 7 urang njauk rambuac. Gah cứu hộ Ai Cập dok kham merat duah dom urang dok duik dalam boh sang jaleih. Ni lac mbang jaleih sang ka 2 gam gam rah tabiak di Ai Cập dalam 2 harei tapa.

10/ Gilang pariak TƯ I-ran (CBI) chỉ trích khang phán quyết di sa tòa án daok di Luych-xăm-bua ka bruk phong tỏa 1,6 tỷ đôla drap ar di taneh ia ini. Dalam sa tuyên bố, gilang pariak TƯ  I-ran ndom lac, bruk sa tòa án di Luých-xăm-bua đơn phương ba tabiak phán quyết lac vi phạm hukum dunya./.