1/ Harei 27/3, Tổng Bí thư Nguyễn Phú Trọng hu taduan raok ong Xỉn-la-vông Khút-phay-thun, Ủy viên mintri Chính trị, Bí thư - Đô trưởng Viêng Chăn pang akaok kapul pakat glong ban ine Viêng Chăn hu nao rivang song ngak bruk di VN. Tổng Bí thư Nguyễn Phú Trọng tong yaom glong makna mbang nao rivang rah tabiak dalam harei pahadar 55 thun harei padang ngak talei pambuak bruk, 40 thun harei mbaoh tangin tame Hiệp ước Hữu nghị song pambuak bruk Việt Nam-Lào; talei pambuak bruk prong meeng kan, jum pataom, abih di nyu nan lac pambuak bruk tong abih gah VN-Lào di 2 Đảng, 2 negar, bhap bini 2 taneh ia.

2/ Biar harei 27/3, Thủ tướng Nguyễn Xuân Phúc taduan ong Lim Minh Y-an, akaok Tập đoàn CapitaLand (Xin-ga-po). Thủ tướng Nguyễn Xuân Phúc tadhau yuh dom jak jeng saong pok meyaom bruk rik daong di CapitaLand dalam 22 thun buh jien tame ngak mbang di Việt Nam, rik daong tame kinh tế XH di VN. Thủ tướng caong khin CapitaLand patui jalan buh jien tame bruk patagok đô thị barau di Việt Nam tapa dom dự án praong, suai lavik; pachreih tui sarak đầu tư dự án Khu phức hợp Raffles di Việt Nam-bruk bo CapitaLand ngak hu siam di rilo labik di châu Á.

3/ Harei 27/3, Ủy viên mintri  Chính trị, Chủ tịch Uỷ ban Trung ương Mặt trận negar Việt Nam Nguyễn Thiện Nhân hu taduan raok 50 urang kapul Phật giáo Việt tông song urang Việt daok di Thái Lan mai rivang Việt Nam.Ong Nguyễn Thiện Nhân ndom lac, Dom hòa thượng di 21 baha Việt Nam di Thái Lan lac biểu tượng jum pataom d ì taneh ia, 2 bangsa VN – TL, abih di nyu dom hòa thượng lac urang kế tục, rong pato Phật giáo 2 negar

4/  Harei 27/3, Thủ tướng Nguyễn Xuân Phúc hu công điện 427 ka bruk pataom tame pacang cakak vi rút cúm A/H7N9 saong dom chủng vi rút cúm menuk ada mbuan njom mbak tapa menuac njom mbak tame VN. Asal công điện hu ndom cambaih laih: vi rút cúm A/H7N9 saong dom chủng vi rút karei (A/H5N2, A/H5N8) meng negar langiu mbuan njom tame taneh ia drei tui jalan negar tapa dom bruk pajeng ba, pablei salih menuk ada oh thau asal di nyu. Piah caga pacang cakak vi rút cúm A/H7N9, Thủ tướng rajaei pandar dom mintri, ngành, UB bhap bini dom tỉnh, ban di TƯ patui patagok bruk pacang cakak jit tui tacei pato di Thủ tướng rajaei di Công văn 18 harei 27 bilan 2 thun 2017.  

5/ Harei 27/3, Mintri ilamu Thể thao song Du lịch pambuak bruk song Uỷ ban bhap bini tỉnh Bình Dương peih bruk họp báo “Festival Đờn ca tài tử pakat negar  ka 2”. Festival mbang ni hu rah tabiak tỉnh Bình Dương meng harei 8 tal 12/4 song bruk hu mbaok di 21 ban đờn ca tài tử naih gheih di 21 tỉnh, ban raya. Hu angan “Đờn ca tài tử Nam bộ - khik ramik song patagok”, Festival  hu rilo bruk yau Không gian đờn ca tài tử Nam bộ song labik mbang huak Nam bộ, ginum biai pambuak pagam đờn ca tài tử song patagok du lịch, pakacah nghệ thuật đờn ca tài tử.

6/ Meng harei 23 tal 27/3, lambaok labaih 20 doanh nghiệp DL hu angan je di ban raya HCM saong HN nao pasang iek dom pandap dịch vụ DL di ban Đà Nẵng saong Hội AN, tỉnh Quảng Nam. Ini lac jalan peih tabiak piah 2 ban  ini yaih khan dom labik mai tal, pandap dịch vụ DL barau ka ilamu, thể thao, yaih khan dom darak pasar tiềm năng. 

Patui di ni dom khau tin dunya:

7/ Akaok mintri nội vụ Đức Thô-mát Đờ Mai-đi-ê-rê (Thomas de Maiziere) harei kabroi (27/03) ndom lac Liên minh châu Âu brei mong iek veik bruk cấp thị thực song dom urang dang akaok dom negar châu Phi song dom negar karei, kayua oh taduan veik urang di cư suan adat.

8/ Tổng thống Mỹ Đô nan- Trăm harei ini 28/3 hu mbaoh tangin tame sa sắc lệnh piah daong dom công ty năng lượng Mỹ. Cambaih laih nan lac, sắc lệnh brei patrun dom quy định dalam gah năng lượng meng samar tổng thống O6bama. Ini lac kham merat piah cakak trun dom tavak tavaiy daok pacang bruk pandar hu trách nhiệm dom nguồn năng lượng dalam taneh ia.

9/ Harei page 29/3, kapul pakat glong Liên đoàn Ả-rập (Arab) (AL) mbang ka 28 hu peih pakak di ban ine A-man (Amman) di Gioóc-đa-ni (Jordan). Langiu di dom urang dang akaok di dom negar thành viên Liên đoàn Ả-rập, trừ Xyri (Syria), hu mbaok dok hu Tổng thư ký Liên hợp quốc An-tô-ni-ô Gu-tê-rết (Antonio Guterres), song urang lambaok kapul pakat glong di dom negar yau Mỹ, Nga, Trung Quốc, Anh, Pháp. /.