1/ Beir harei 28/3, di  Phủ Chủ tịch, akaok negar Trần Đại Quang taduan raok Châng Ưi Sơn (Chung Eui-sun), Phó akaok kapul Hyundai Motor dok nao rivang song ngak bruk di negar drei. Akaok negar jia lac, ngan song bruk sangka song pamong tal jalan ngak di kapul  Hyundai ka drak pasa Việt Nam, pambuak bruk di kapul Hyundai Motor song kapul Hyundai Thành Công meda tagok jang, rik dong prong tame bruk jhul pakhang talei pambuak bruk VN- HQ.

2/ Thủ tướng rajaei barau hu công điện ka bruk ruah duah daong duah kapal pajeng pandap  Hải Thành 26  kram di bhum tasik Bà Rịa – Vũng Tàu.  Thủ tướng rajaei pandar: mintri pajeng ba dang akaok, pambuak saong UB negar daong duah urang njauk bala, mintri QP, dom mintri, ngành saong puk palei pambuak tal samar peih dom jalan ngak chip ruah duah dom thuyền viên urak ini daok lahik; pambuak saong mintri công an ngak cambaih laiah makna rah tabiak bala,pathau khan Thủ tướng rajaei. UB bhap bini tỉnh Bà Rịa – Vũng Tàu saong po kapal pajeng ba Hải Thành 26 peih bruk nao rivang, pachreih dom thuyền viên njauk bala saong gauk gar dom thuyền viên daok lahik.

3 Harei 28/3, di labik 58 Quán Sứ Hà Nội, rayo sap ndom Việt Nam peih bruk ginum biai ngak iek papar sap số tui tanut DAB+  di Việt Nam. Tui dom urang lambaok di nyaom biai, jalan salih tapa công nghệ số song papar số dok ba tabiak tavak tavaiy ka jabat khik ramik yau rayo sap ndom VN dalam bruk ba tabiak sarak song padang ngak patagok papar sap số mbuan lagaih di VN. Thủ tướng rajaei hu ba tabiak Quy hoạch truyền dẫn, riyak papar sap, papar binguk tal thun 2020. Tui nan, tal thun 2020 công nghệ số hu patui tame bruk truyền dẫn, riyak papar sap. Meyah lac patuibruk papar sap số tui tanut  DAB+  ye meda patak patom phun jien buh ngak, pandar hu siam lagaih   phổ tần song chất lượng âm thanh glong jang

4/ Chi cục khik caga môi trường, Sở Tài nguyên saong Môi trường tỉnh Khánh Hòa barau brei thau makna bruk tathuak ia nerak tabiak đầm Thủy Triều meng jalan xử lý ia nerak di sang mac saradang Khánh Hòa, di Công ty cổ phần saradang Khánh Hòa, daok di huyện Cam Lâm tỉnh Khánh Hòa. Ia nerak tathuak tabiak môi trường njauk ô nhiễm vi sinh ralo jang meng gấp 6-7 mbang brei adat hu ngak kaya ikan di bhap bini metai ralo. Tỉnh Khánh Hòa hu pandar sang mac saradang padeih ngak tal tuk halei pasiam veik piah cakak ô nhiễm môi trường meng brei ngak veik.

5/ Anak bruk peih ngak chuah ồ ạt, oh tui iek bruk cát tặc lộng hành,harei 28/3 UB bhap bini tỉnh ĐN hu var ginum biai song dom gah ka bruk mek chuah dok di tỉnh. Ong Võ Văn Chánh, Phó Chủ tịch Ủy ban bhap bini tỉnh Đồng Nai ndom lac, bruk mek chuah oh meda cấm abih, kayua ni lac nguồn vật liệu prong pabak ka bruk padang ngak, ĐN meda pasiam veik bruk quy hoạch mek chuah, patau dok di tỉnh tui jalan ngak catang, meda mek ginup, lagaih song bruk padang ngak tui dom khu vực.

6/ Biar harei 28/3, Thiếu tướng Lê Thái Ngọc, Phaok Tư lệnh Bộ đội Biên phòng hu thưởng chip 50 triệu đồng ka kapul pacang cakak ma túy saong tội phạm Bộ đội Biên phòng; mintri Công an; Công an ban raya Hồ Chí Minh barau taong tayah jalan pablei salih ma túy meng Campuchia mai về Việt Nam. Hadei dom harei tui iek, harei 21/3 dom gah nghiệp vụ di Biên phòng saong Công an hu pambuak bruk  tui iek  di canah 3 Nguyễn Cửu Vân, jalan Xô Viết Nghệ Tĩnh, Phường 19, quận Bình Thạnh cap hu Trương Minh Thanh, ndih tapui thun 1976, daok di Phường 1, ban sit Bến Tre, tỉnh Bến Tre gam saong 10 bịch ni lông caik 10 kg ma túy đá. Tapa duah thau, gah chức năng cap hu Trần Xuân Dũng. Nao tal sang di urang ini di jalan Ngô Tất Tố, Phường 22, quận Bình Thạnh cap hu gac 1kg Ketamine, 5.000 asal ma túy tổng hợp saong jien jaik 3 tỷ đồng.

7/ Đại tá Trần Ngọc Hạnh, Giám đốc Công an ban  Cần Thơ brei thau makna camereip mbang pui khuah di CT Kwong Lung - Meko  di Khu công nghiệp Trà Nóc harei 23/3 hu ndom lac kayua chập điện.  

Patui di ini dom khau tin dunya:

8/ Akaok mintri ngak nông Braxin Ble-rô Méc-gi harei 28/3 brei thau, ong taduan saong pasang iek panuac di Liên minh châu Âu ka bruk brei ngak jang gac bruk thanh kiểm tra dalam tuk bê bối ralo bruk ngak jhak tal gah ngak ralo bruk bak kein laba di taneh ia Nam Mỹ ini

9/ Dom urang dang akaok Arập hu mbaok di nyaom pakat glong rah tabiak dalam harei ni 29/3 tapen Biển Chết di Giooc-đa-ni meda duah hu bruk sinya ka sa karja Palextin độc lập. .Nyaom biai di Giooc-đa-ni meda ba tabiak sarak nghị quyết ka  Giê-ru-xa-lem,dalam nan hu panuac ieu tong abih negar Arập phản ứng anak bruk ngak halei di chuyển đại sứ quán tal Giê-ru-xa-lem.

10/ Dom urang khik ramik brei thau urang hu bằng chứng hổ Đông Dương daok patagok abih tih tapon di sa khu rừng di TL. Panuac ngak hi vọng janih động vật nguy cấp ini klah tuyệt chủng kayua tổng đàn urak ini tok daok labaih 200 drei./.