1/Beir harei 29/3, di Phủ Chủ tịch, akaok negar Trần Đại Quang taduan raok akaok Hội đồng karja Thụy Sỹ I-vô Bi-sốp-Béc-gơ (Ivo Bischofs berger) dok rivang VN tui panuac daa di akaok Quốc hội Nguyễn Thị Kim Ngân. Di var taduan raok, akaok negar  Trần Đại Quang ndom lac:Mbang nao rivang di akaok Hội đồng karja Thụy Sỹ rik dong patagok talei pambuak bruk di di jabat padang ngak hukum di 2 negar.

2/ Di jabat rajaei, Thủ tướng Nguyễn Xuân Phúc hu dang tabiak saong dom urang dang akaok dom mintri ngak bruk saong Hiệp Hội dược liệu Việt Nam. Ini lac var ngak bruk piah kuhria caga ka nyaom meyai trực tuyến pakat negar ka bruk patagok phun dược liệu jaik tal saong mbang akaok meti Thủ tướng dang akaok nyaom meyai ini. Thủ tướng ndom lac brei pambuak sản xuất dược liệu saong y học cổ truyền, dom bài thuốc di dom gru jru VN, pambuak nhuần nhuyễn di y học hiện đại saong y học cổ truyền. Bruk pambuak ini meng sang bac, dom ngành, dom pakat saong abih di nyu nan lac dalam gah y tế.          

3/ Thủ tướng rajaei bahrau hu panuac ka bruk peih ngak tui tanut  khí thải tui  Quyết định 49/2011/QĐ-TTg.Tui nan, dom DN blei meng negar lingiu, ngak saong lắp ráp ô tô pandar nhiên liệu diesel (đi-ê-zen) hu peih ngak tal abih harei 31/12/2017 . Ô tô hu mintri pajeng ba chứng nhận  lac pabak qui định ka khí thải ye hu peih ngak dom thủ tục hu pagam tal.

4/ Harei 29/3, miuyim sajarah dak rai quân sự VN pambuak saong Cục chính trị quân chủng Hải quân peih bruk jao miuyim điện tử 3D ka bhum 5 Hải quân (daok di ban sit An Thới, huyện Phú Quốc). Bruk peih ngak dự án miuyim điện tử pandar công nghệ tương tác 3D  dalam pathau khan pato pakai ilamu dalam pathau khan sajarah dak rai di bangsa, di bol bala tuk camereip patagok hu kein laba, pachreih hu bruk sangka di dom mintri, chiến sĩ taong yaom glaong ka kein laba pato megru truyền thông di miuyim Điện tử duk saong dom hình thức parang iek, pato megru truyền thống dahlau daih.

5/ Harei 29/3, Ub bhap bini ban Hạ Long, tỉnh Quảng Ninh hu harak ka bruk padeih bruk dịch vụ chèo kayak di angaok Vịnh Hạ Long. Sarak hu ba tabiak tuk janih dịch vụ ni tagok samar, oh pasang iek hu chất lượng dịch vụ, Tui nan UB bhap bini ban sit Hạ Long hu panuac ieu dom kapul nyom, urang dok ngak dịch vụ chèo kayak di angaok  vịnh Hạ Long brei padeih dịch vụ meng harei 1/4/2017.

6/ Sa mbang khuah praong rah tabiak biar harei 29/3 di công ty Chin Well Fasteners Việt Nam (khu công nghiệp Nhơn Trạch 3, huyện Nhơn Trạch, tỉnh Đồng Nai) tuk yaok pluh m3 menyek khuah biak khang. Pui saong sauk khuah glaong yaok pluh m,bak abih labik nan. Mehit panuac khan, gah cảnh sát dam khuah tỉnh Đồng Nai hu brei 8 radaih mai padam khuah, dalam nan hu 2 radaih padang khuah pandar bọt tuyết gam saong yaok pluh chiến sĩ nao tal labik nan padam pui.   

7 Công an huyện Bảo Lạc, tỉnh Cao Bằng  bahrau pambuak bruk song karja xã Phan Thanh buac klaak 747 phun jru pheil kayua 4 boh sang di palei Phiêng Dịt  song   Thôm Quan, xã Phan Thanh, Bảo Lạc pala suan adat. Yau boh sang ong Hoàng Văn Hiệu (ndik tapui thun 1959) dok di  palei Phiêng Dịt pala 304 phun jru pheil di bein sangpablah song dom janih njam patam karei.  

Patui di ini dom khau tin dunya:

8/ Jabat môi trường pakat negar Xinh-ga-po brei thau barau hu 2 urang njom Zika barau di labik Xi-mon Plết di taneh ia ini, labik hu iek lac sruh jit Zika akaok meti dalam thun ini.

9  Hội đồng urang tị nạn Na-uy (NRC) harei nibrei thau, yaok harei hu 3 ribau urang Xô-ma-li klaak sang nao duah pandap mbang song ia menyum dalam tuk vak dok rah tabiak pandiak bhang trak palai pajoa rilo labik di negar ni . Tal urak ni Hội đồng urang tị nạn Na-uy hu dong pandap mbang menyum yaok harei ka labaih 175 ribau urang gaok kan kandah kayua pandiak bhang.

10/ Mintri Ngoại giao Trung Quốc ndom lac, taneh ia ini sanya peih ngak hiệp định Paris ka bruk biến đổi khí hậu, yaom lac hu jaik 200 taneh ia mbaoh tangin sanya di Prang meng 2 thun dahlau. Trung Quốc ba tabiak thông báo ini hadei di tuk Tổng thống Mỹ Đô-nan Trăm mbaoh tangin tame ký sắc lệnh klak dom quy định ka biến đổi khí hậu meng samar ong Ba-rắc Ô-ba-ma (Barack Obama) kayua dom quy định ini pacang cakak gah ngak dang saong menyek. /.