1/ Harei 30/3, kapul pasang iek di QH, kayua Phó Chủ tịch Quốc hội Uông Chu Lưu pan akaok hu var ngak bruk song Ủy ban bhap bini ban Cần Thơ ka bruk salih bahrau bộ máy hành chính karja tuk vak 2011-2016. Phó akaok Quốc hội Uông Chu Lưu hu panuac ieu Cần Thơ njauk salih bahraujalan pasang iek chức năng, bruk ngak, quyền hạn piah bruk khik ramik tui jalan rilo gah, rilo kadha.

2/ Biar harei kabroi 30/3, Phaok thủ tướng Vũ Đức Đam saong kapul ngak bruk hu var ngak bruk saong urang dang akaok tỉnh Thừa Thiên-Huế ka bruk patagok y tế cơ sở saong pato megrru di tỉnh. Phaok Thủ tướng  Vũ Đức Đam ndom lac sang bac đại học tự chủ lac bruk brei hu piah peih ngak dom jalan khik iek đại học tiên tiến piah salih barau saong paglaong chất lượng pato megru. Đại học Huế lac sa pasak pato megru praong di khu vực brei hu jalan ruah duah piah pandar lagaih saong bruk patagok di drei.

3/ Beir harei 30/3 Cục Xuất bản, In và Phát hành, Bộ Thông tin song Truyền thông peih họp báo pathau khan ka bruk peih  harei tapuk VN mbang ka 4. Harei tapuk VN mbang ka 4 hu peih ngak pagam song bruk pahadar 90 thun harei tabiak rai baoh tapuk "Đường kách mệnh" – tác phẩm camereip abih meng sap Việt hu in kayua dom urang thợ in Việt Nam.Dalam nan, harei pataom tapuk pahadar harei tapuk VN di HN hu angan  “ Tapuk song bruk patagok ilamu bhap bini” hu rah tabiak di mblang bein Thống Nhất meng harei  6 tal harei 10/4.

4/ Hadei di sa tukvak laik yaom biak khang, meng 3 harei ini mai di Sóc Trăng, tamekai hu tagok yaom veik. Urak ini, dom urang mai blei daok duah đặt cọc blei tamekai di dom hamu di urang nông  yaom meng 3000 – 3.600 đồng/kg. Ngan saong tamekai janih 1, tagok meng 500 – 700 đồng/kg duk saong dom harei dahlau nan.

5/ Tỉnh Quảng trị bahrau pataom iek veik song jao giải bruk pakacah sáng tác văn học nghệ thuật hu angan “Đồng chí Lê Duẩn hong cách mạng Việt Nam song palei negar Quảng Trị”.   Hadei di 3 bilan peih tabiak, Mban peih bruk taduan hu 60 tác phẩm tame pakacah. Kadha di dom tác phẩm brei mboh bruk prong glong, bruk CM hadah krah di ong Tổng Bí thư Lê Duẩn; ongf Lê duẩn ngan song palei Quảng Trị, hatung hatian anit ranam di đảng bộ song bhap bini tỉnh Quảng Trị brei ka ong Tổng Bí thư.

6/ Melam 30/3, UB bhap bini tỉnh NT hu peih “parang iek jak jeng 25 thun patagok kinh tế - XH” saong pok meyaom 8 janih pandap đặc thù. Hu mbaok tame parang iek mbang ini lac 27 đơn vị mai meng dom sở, ngành saong puk palei dalam tỉnh, yaih khan dom pandap ka bruk ngak nông, ngak công, tiểu thủ công nghiệp…

7/UB pakat negar dong duah urang njauk bala brei thau, harei kabroi 30/3, kapan QNg 95302 TS/30 LĐ tuk dok pataok di pulao Đá Lát (Trường Sa) njauk klaok talei, kram trun ia. 30 urang di angaok kapan hu dom kapan ikan karei mai srong dong, urak ni dok cang ba tame boh taneh.

Patui di ini dom khau tin dunya:

8/ Mesup harei ini 31/3, sa tòa án di HQ hu mbaoh tangin tame lệnh cap kreik urang dahlau daih ngak Tổng thống, lac amuk Pắc Cưn Hê, pambuak tal bruk bê bối chính trị ngak megei tatuan taneh ia ini ngak brei amuk njauk phế truất. Amuk Pắc Cưn Hê meda hu kreik tal 20 harei dalam tuk daok điều tra pambuak tal dom cáo buộc, dalam nan hu lạm dụng quyền lực saong mbang hối lộ.

9/ Nhà Trắng harei kabroi 30/3 khan lac Tổng thống Mỹ Đô-nan Trăm (Donald Trump) song Chủ tịch Trung Quốc Tập Cận Bình hu ginum biai tapak mbang camereip dalam adit tal. Ni lac sa mbang taom gaok hu menuac sia cong mong dalam tuk vak 2 gah dok hu rilo kadha oh ka njauk gauk ka bruk pablei salih, bruk tham vọng chiến lược di Trung Quốc jang yau bruk pacang cakak danak dak hạt nhân di Cộng hòa dân chủ bhap bini Triều Tiên.

10/ Pasak  pasang iek jit ruak Ni-giê-ria harei 30/3 brei thau, taneh ia ini daok dang anak jit viêm màng não tamuh tabiak, ngak 282 urang metai dalam dom adit jaik di ini. Kuhria tal harei 30/3, hu jaik 2 ribau urang medil lac njom ruak di 15 dalam 36 bang di taneh ia ini. Urak ini jabat y tế saong dom gah daong pahala daok kham merat iek ruak ka urang ruak jeng yau pacang cakak jit ruak pambak praong./.